العفه تقتل احيانا بقلم/ لولو_محمد (كامله)

الجزء الثالث

#lolo #لولو_محمد
((((((((((((((((((((العفه تفتل احيانا )))))))))))))))))
الحلقه الثالثه

عفه تفتحها تلاقى فيها دبلتين تبصله
مصطفى / لبسيهانى بقى و لو يا ستى مش عجباكى نبقى نجيب غيرهم و احنا بنشترى الشقه
عفه تلبسه الدبله و يلبسهالها
مصطفى / انا مكنتش بكبت طموحك و لا بخليكى اقل منى انا لو عليا عاوزك وزيره بس انا خايف عليكى من مصر و اللى بنسمعه عن مصر هناك دنيا غير الدنيا و عالم غير العالم
.....................
عفه / يا سلام مانت كنت رافض مالاول و قولت ممنهاش فايده الشهاده
مصطفى / يمكن لو كنتى ازهر كان الوضع اختلف لكن جامعه و بنات على صبيان خلطابيته و الافلامانات اللى بنشوفها دى لا و الف لا
عفه / انت مش واثق فيا و لا مش واثق فى نفسك
مصطفى / مش واثق فيهم هما يا بنت عمى
عفه / متخافش انت قولتها افلامانات و بعدين انا ميتخافش عليا
مصطفى / عارف و عشان كدا بحبك
عفه / ماشى
مصطفى / هو ايه اللى ماشى
عفه / انت عاوز ايه
مصطفى / انجرى يابت اعمليلى شاى انا غلطان اصلا يلا غورى كتك خابط
........................
فى العربيه
مصطفى / اسمعى انتى اه فى بيت خالتك بس لازم تعرفى انك هناك فى الاول و الاخر ضيفه
حسن / انت بتقول ايه ياض
مصطفى / فى الاول و الاخر سيف غريب مينفعش يعنى تاخد راحتها اوى هناك
حسن ينفخ
مصطفى / انا عارف انا عارف بس حبيت انبهها بس عشان هى صغيره و ممكن تنسى نفسها و بصراحه سيف ميضمنش
عفه / سيف محترم جدا على فكره
مصطفى يبص لحسن و يسكت
حسن / افتح التابلوه يا مصطفى
مصطفى يفتح التابلوه يلاقى ازازه صغيره بمبى
مصطفى / ايه ده
حسن / بصى يا عفه ده فلفل لو حد دايقك بخيه فوش امه متخافيش هيولع منك و بيخنقه لمده ساعه الا ربع تقريبا انتى متقفيش بقى تجرى
عفه / دا على اساس ان حد هيتحرش بيا مثلا
مصطفى / على رايك هى دى حد يبصلها اساسا
عفه / طب هو انا ممكن اجربه فى مصطفى اتمرن يعنى
حسن / دا غلبان يا بنتى حرام عليكى
مصطفى / بصى هما منطقتين يا بنتى عليكى بيهم فم المعده ببوز ايدك كانك بتغرزى سكينه و بين رجليه و اديله مترحميهوش
عفه / انتوا ليه محسسينى انى رايحه احارب انا مش هكون لوحدى سيف هيبقى هناك
مصطفى ينفخ
حسن / لو مكنش موجود اهو بننصحك اول مره تبعدى عننا يا مفعوصه
عفه / ماشى
عفه تسند راسها عالكنبه و تروح فى النوم
//////////////////////
بنوته تسع سنين قاعده فى جنب فى جنينه تحت شجره و بتعيط شاب 16 سنه يروحلها
الولد / مالك
عفه / مصطفى راح فتن عليا و بابا زعقلى
الولد / فتن عليكى فى ايه
عفه / سمعنى و انا بقول للبنات انى لما هكبر هتجوزك فبابا زعقلى
الولد يطلع من جيبه مصاصه
عفه / مش عاوزه مصاصه
الولد / بس دى مش مصاصه عاديه دى شبكتك
عفه تبصله و تبتسم
الولد / انا معيش غيرها دلوقت بس اعتبريها ربط كلام و لما تكبرى لو لسه عوزانى اوعدك انى مش هكون غير ليكى
عفه / وعد
الولد / وعد
هناء تدخل
هناء / انت هنا يا سيف يلا نروح بابا مستنى
سيف و عفه يقوموا
سيف / اوعى تنسى الوعد اللى بينا لو قالولى انك خنتينى هقتلك
عفه تهز راسها لا و سيف و هناء يمشوا
///////////////////////////
حسن / قومى يا عفه وصلنا يلا قومى
...........................
فى مصر
هناء للخدامه
هناء / وضبتى اوضه عفه
الخدامه / كلو تمام
هناء / انا مش عاوزه يبقى ناقصها هنا اى حاجه
الخدامه / حاضر يا ستى
هناء / سيف اكل
الخدامه / معلقتين دخلت شلت الصينيه من اوضته على حالها يادوب بعتر شويه رز
هناء / نايم
الخدامه / اه يا ستى
هناء / ماشى روحى انتى خلصى اللى وراكى
جرس الباب يضرب الخدامه تروح تفتح تلاقى حسن شايل شنطه صغيره و وراه مصطفى شايل قفصين فاكهه و وراهم عفه
هناء / ايه يا مصطفى كل ده
مصطفى / دى حاجه بسيطه والله انا هنزل اجيب الباقى مالعربيه تحت
هناء / باقى ايه يابنى مين هياكل كل ده هو فى ايه هو انت فاكر اننا معندناش اكل و لا فاكرنا هنجوعها
باب اوضه من جوه يتفتح حته صغيره
مصطفى / هو اكل مصر ده اكل طب دانا امى و عمتى ام حسن قاعدين طول الليل يعملوا فى فطير بالسمنه الفلاحى ريحته تطير العقل انا هنزل اجيبه
هناء / زينب يا زينب تعالى دخلى الحاجات دى المطبخ
عفه واقفه عالباب بتبص يمين و شمال تشوف الباب المتوارب يتقفل
عفه / اوضه سيف صح
هناء / اه بس هو نايم
عفه / بجد طويب
حسن يقعد جنب خالته و عفه تقعد جنبهم
هناء / اللى هناك دى اوضتك انا خلت زينب توضبهالك لو عوزتى اى حاجه قوليلى
عفه / شكرا
حسن / هدخلك الشنطه جواها عشان مش هتعرفى تشيليها
مصطفى يدخل و شايل مشنه و حسن خارج من اوضه جوه
مصطفى / ايه نمشى بقى و لا ايه
هناء / تمشوا منغير متتغدوا
مصطفى / معلش يا خالتى بس عشان نلحق نروح قبل الشمس متروح
هناء / طب اشربوا حاجه ريحوا حبه
حسن / مره تانيه احنا اصلا اتاخرنا على ممشينا من هناك المره الجايه نيجى بدرى شويه سلام يا عفه خدى بالك من نفسك هتوحشينى يا مفعوصه
عفه / و انت اكتر
هناء / لا مش هيوحشوكى انا هخليكى تنسيهم اصلا حبيبه خالتوا يا ناس
هناء تحضن عفه و مصطفى و حسن يمشوا
هناء / ريحه الفطير تهبل فعلا كدا هتبوظولى الدايت
عفه / دايت ايه يا خالتوا دانتى كدا قمر
هناء / بس يا بكاشه بس تعرفى ......
باب اوضه سيف يتفتح و يطلع منه شاب نص نايم يروح الحمام و ميسلمش
هناء / كنت لسه هقولك يمكن سيف تتفح نفسه و ياكل لقمه
عفه / هو حد ينام لدلوقت دا كدا هيسهر طول الليل
هناء / لا متتعشميش بينام زى القتيل دا مبيصحاش كانه شبح
سيف يرجع اوضته
هناء / زينب زينب
زينب تطلع من جوه و فى ايدها فنجان قهوه
هناء / ده لسيف
زينب / اه بن تقيل ساده زى مبيشربها
عفه / و دى يبقالها طعم دى
هناء / خدى الفطير و قطعيه و هاتى حته فى طبق و دخليها مع القهوه لسيف
زينب تاخد المشنه جوه و تطلع بصينيه عليها حته فطيره و فنجان القهوه
عفه / ممكن ادخلهم انا و اسلم عليه
هناء / دخليهم يمكن من ايدك انتى يتكسف و ياكل
عفه تاخد الصينيه من زينب و تخبط على اوضه سيف و تدخل تلاقيها مبهدله عالاخر و النور مطفى تايده
سيف / اطفى النور
عفه / ازيك
سيف يقوم يقعد عالسرير و هو تحت الغطا
عفه / الدنيا حر عالغطا ده
سيف بصوت واطى / انتى بتعملى ايه هنا
عفه / جايه اسلم عليك
سيف / روحى
عفه / دا فطير على فكره انا اللى عملاه قصدى يعنى ساعدت مع ماما و مرات عمى فى عمايله
سيف / مسمعتنيش و لا السمع تقيل روحى
عفه / القهوه بتاعتك
سيف ياخد الفنجان و يسند ضهره على السرير و يشرب
عفه / انت بتشربها ازاى دى
سيف / و انتى مالك بقولك ايه انتى مش جبتى القهوه خدى فطيرك ده و اطلعى بره
عفه / طب دوق حته عشان خاطرى
سيف يضرب الطبق من ايدها  ينطره و يوقع اللى فيه
سيف/ انتى ايه غبيه مبتفهميش اطلعى بره
هناء تدخل جرى تشدها بره
سيف / اطفى النور و اقفلى الباب وراكى
هناء تطفى النور و تقفل الباب
هناء / متزعليش منه شويه و هيفوق و هتلاقيه بقى نسمه
عفه / ماشى
هناء / هو تلاقيه لسه مخدش دواه الله يعينه و يشفيه
.......................