العفه تقتل احيانا بقلم/ لولو_محمد (كامله)

الجزء التاسع عشر + العشرون

#lolo #لولو_محمد
(((((((((((((((العفه تقتل احيانا ))))))))))))))))
الحلقه التاسعه عشر + الحلقه العشرون

المذيعه / شكرا جدا دكتور عاصم عبد المعز فعلا كانت حلقه غنيه جدا بالمعلومات و باذن الله نشوف حضرتك الاسبوع الجاى و نتكلم عن الحشيش و المريجوانا و اعراضهم و طرق علاجهم
عاصم / باذن الله انا كمان كنت سعيد جدا بالحوار و احب فى النهايه انى انبه على كل اب و ام انهم ياخدوا بالهم من عيالهم جدا المخدرات خطر يهدد الاسره و المجتمع و لو اى حد شاكك لمجرد الشك ان اى حد من اهله و احبائه مدمن لازم يتدخل فورا و يكلمنا و احنا باذن الله هنعمل كل اللى بنقدر عليه عشان نساعده
................
المذيعه / ارقام المركز ظاهره قدامكم على الشاشه نورتنا دكتور عاصم و فى نهايه حلقه النهرده .....
هدايه / والله جوز خالتك ده له هيبه كبيره اوى شوفتيه فى التليفزيون كان عامل ازاى تحسيه فاهم كدا مش زى اللى بيطلعوا مش فاهمين اى حاجه و يلقلقوا كدا حاجه ميعلم بيها الا ربنا
حسن يدخل و عفه سرحانه
هدايه / اتاخرت يا حسن فاتك خالك عاصم اما كانت حته حلقه بيتكلم عن المخدرات و بيقولوا هيبقى فى حلقه كل اسبوع
حسن / مشوفتوش هحاول اشوفها عاليوتيوب بقى انا واقع مالجوع هو مفيش غدى و لا ايه
هدايه / عفه انتى يا بت قومى سخنى لاخوكى ياكل انتى يا بت
عفه / هاه ايوه يا ماما حاضر
هدايه / البت دى لسعت خلاص دماغها مش فيها خالص
......................
فى فيلا ايمن
حفه كبيره بالليل
ايمن / اهم حاجه انك تكونى مبسوطه
سما / جدا انت اصلك متعرفش انا بحب الجو ده قد ايه بحس فيه بالحريه
ايمن / و اى حريه انتى عند الملك
سما / ايه حكايه الملك دى ايه ملكش اسم
ايمن / ايمن بس مش فاكر اخر مره حد ندانى بيه امتى
سما / و انت بقى بتحب انهى اكتر ايمن و لا الملك
ايمن / انتى لو مكانى تحبى انهى اكتر
ايمن يديها سجاره و يولعهالها
سما / اكيد الملك بس انت مش صغير شويه يعنى مش تجرب امير الاول شويه
ايمن / اللى بيبدا صغير بيفضل طول عمره صغير و بعدين انا مش صغير
سما / لا طبعا انت كام سنه حاجه و عشرين كبيرك يعنى
ايمن / و دى حاجه وحشه
سما / بتهزر دى جامده فحت انت عارف يعنى ايه فالسن ده و عايش العيشه دى
ايمن / اصلى بحب شغلى اوى
سما / اوف فصلتنى شغل ايه يابنى الدنيا مش شغل الدنيا دى هنعيشها مره واحده بس يبقى لازم تقضيها لعب و فسح و حفلات و تنفض بقى
ايمن / و بعد كل ده اعمل ايه
سما / يحصل اللى يحصل بقى انت هتفوقنى ليه
ايمن / تفوقى ايه دانتى عند ملك المزاج كلو
سما/ ايوه بقى
ايمن / الا قوليلى يا سوما انتى صحيح بتروحى الكليه
سما / اوف اسوء اختراع فى تاريخ البشريه انت روحت الكليه
ايمن / اه بس اكتشفت زيك كدا فبطلتها و قررت انحرف
سما / ههههههههههههههههههههههه والله جدع
ايمن / لا بجد بقى بتروحى تعملى ايه
سما / بروح اقعد مع صحابى شويه لانى مبشوفهمش غير هناك بعمل منظر اهو لما ماما تفتكر تكلمنى تعرف انى بروح
ايمن / ماما تفتكر تكلمك هو اللى زيك ينفع يتنسى
سما / الفلوس يا ايمن تنسيك اسمك نفسه كلو عشان الفلوس
ايمن / هعديها عشان بحبك
سما / تعدى ايه
ايمن / انك قولتيلى ايمن كدا حاف
سما / ايه ده انت هتحط بينا اللقاب و كدا خلاص انا طول عمرى نفسى ابقى الاميره سوما ولو نادتنى منغير لقبى انا عمرى مهكلمك تانى
ايمن / انتى عارفه انا و السجاره اللى فايدك دى واحد احنا الاتنين مدام عرفتنيا مره عمرك مهتعرفى تبطلينا ادمااااان
سما / يبقى اكيد هحبك
ايمن / هو انتى لسه محبتنيش انا كدا هزعل
سما/ هههههههههههههههههههه دمك خفيف موت
ايمن / احكيلى بقى عن صحابك اساميهم ايه
سما / عندى سيرين دى جارتى بت عسل بس موس كتب ملهاش فى الجو ده خالص و ايه بحبها مع انها صداع طول الوقت نصايح نصايح تكونش امى و انا مش واخده بالى
ايمن / ههههههههههههه يا ساتر غيره يا بنتى
سما / طارق ده اللى عسل واد مز بس خام ورور كدا بتاع مصروف و اقول لبابا و الكلام ده
ايمن / ههههههههههه غيره غيره
سما / طارق ده له صاحب اسمه طه واد لاسع كدا من بتوع الاتحاد و السياسه و القرف و له انجى قريبته بت اتمه و غتتيته ان كانت هى و لا الفلاحه عفه
ايمن يتعدل و يبتسم
ايمن / ايوه عفه احكيلى بقى عنها
سما / يا باااااى بت تقيله تقيله يعنى مخطوبه لابن عمها بس شكلها مبتحبوش مبتتكلمش عنه خالص ساعات بحس انها بتخاف تتكلم عنه لنحسدها عليه مثلا
ايمن / ابن عمها و لا ابن خالتها
سما / لا لا مصطفى ابن عمها لكن سيف بقى ابن خالتها سيف يخربيته
ايمن / ههههههههههههههه انتى تعرفى سيف
سما / سيف المعز اهو الواد ده جه يزورها معانا مره بس ايه قادر قادر يعنى
ايمن / ههههههههههههههههههههههه نورتى مملكتى يا سمو الاميره
سما / بس بتاع مزاج زينا هو مبيقولش بيقول عليها مضادات اكتئاب بس على مين هو فى حد يعرف بتوع المزاج غير بتوع المزاج
جعفر يخبط و يدخل
جعفر / اسف سموك بس حبيبك بره
ايمن / ابن حلال والله اهو حبيبك وصل يا سمو الاميره
سما/ مين
ايمن / سيف عبد المعز اصله حبيبى
سما / انت هتشتغلنى انا لسه مسكرتش
ايمن / دخله
سيف يدخل يلاقى سما قاعده على كنبه جنب ايمن يغمض عينه و يجز على سنانه سما تقوم تقف
سما / سيف ازيك ابن حلال لسه كنا فى سيرتك تعال اشرب كاس
سيف ميردش و يبص لايمن اللى قام قعد عالمكتب
ايمن / جاى بدرى اوى مش عادتك دانا كنت بظبط عليك الساعه على راى سما بتاخده على انه دوا
سيف / ملكش فيه خلصنى خلينى امشى
ايمن / و ماله اتفضل
سيف يرميله الفلوس عالمكتب و يضير عشان يمشى
سما / ابقى سلملى على عفه
ايمن / كبرت بنت الايه و بقت عروسه و اتخطبت
سيف يتنهد و يمشى
سما / يخربيته موز
ايمن / من يومه مجنن البنات بس تقولى ايه وش فقر ملوش فالبونبونى
سما / هههههههههههههههههههههههههه
.................
قدام الفيلا
سيف يركب العربيه و يفضل يخبط فى الباب و الدركسيون و هو مخنوق و يخبط راسه فى الكلاكس يزمر يفرد ضهره و ياخد نفس و يمسك موبايله
سيف / الو ازيك
عفه / بجهز شنطتى جايه بكره الصبح
سيف / متجيش
عفه / بطل بقى انا اصلا زعلانه منك خلقه اتصلت بيك مليون مره و انت مبتردش
سيف / متجيش يا عفه بجد
عفه / ايه موحشتكوش
سيف / لا طبعا وحشتينى ووحشتينى جدا بس
عفه / عشان الكلابشات يعنى و حبل المشنقه اللى اشتروهوملى جديد
سيف / كلابشات ايه و حب مشنقه ايه انتى بتقولى ايه
عفه / انت فين
سيف / سايق مروح
عفه / بص اقفل و ركز فى السواقه و لما اجى بكره نتكلم انا فعلا محتاجه اتكلم معاك اوى مخنوقه بجد
سيف / متجيش يا عفه
عفه / فى ايه يا سيف
سيف / اقولك ايه بس انتى لسه بتتكلمى مع الزباله سما دى
عفه / ابدا خالص حتى لما بتيجى تقعد معانا بسيبهم و اقوم زى مقولتلى بتسال عنها ليه
سيف / هتيجى لوحدك و لا حد هيجيبك
عفه / مصطفى هيجبنى
سيف / كويس انا مش عاوزك تبقى لوحدك ابدا
عفه / هو فى حاجه يا سيف حساك مش مظبوط
سيف / و انا من امتى كنت مظبوط يلا اقفلى اقفلى سلام
عفه / سلام
......................
فى فيلا ايمن
جعفر / انا مكنتش عارف انه جاى مكنتش بعتها النهرده
ايمن / الجايات اكتر هو زود الجرعه هيجى بدرى
جعفر / مخلصلك عليه و اريحك سموك
ايمن / شوف انت معايا من امتى لكن مش قادر تفهم مانا لو عاوزه ميت مكنت خلصت منه من زمان ديته ايه يعنى
جعفر / طب فهمنى سموك
ايمن / انا عاوز اشوفه مزلول عاوزه تحت جزمتى طول عمره فاكر نفسه الملك ملوش زيى بطل فى كل حاجه بيفهم فى كل حاجه ابن الدكتور و الدكتوره واد برنس
جعفر / و اهو بقى ولا حاجه
ايمن / و شوف سبحان الله هاله يوم مبتعصلج فى ايدك بتهددها بس انه يعرف بتمشى زى الجزمه و حتى البت الهبله سما بت هبله بجد بتقول عليه مز و محصلش
جعفر / دى بت كلو ماشى تلاقيه بس قالها لا فصعبت عليها نفسها
ايمن / ولو قادر يقول لا لسه قادر يقول لا
جعفر / مانت بتجهزله فى القاضيه سموك
ايمن / مخطوبه طلعت مخطوبه
جعفر / و دا معناه ايه سموك
ايمن / اشعرفنى انه بيحبها حتى لما جه اسمها اتصرف عادى
جعفر / قصدك انها متخصوش بس برده بنت خالته و تخصه
ايمن / عشان كدا كان نفسى يشوف هاله كنت عاوز اشوف هيعمل ايه لسه بيحبها و لا نسيها
جعفر / تؤمر بايه سموك
ايمن / خلينا زى ماحنا الشيخ كدا كدا هيعوز واحده جديده المره الجايه نبقى نبعتهاله
جعفر / اوامر سموك
جعفر يفتح الباب يلاقى هاله لابسه شمال عاوزه تدخل
ايمن / انت اتجننت يا جعفر دخلها طبعا سمو الاميره هايا لازم تدخل طبعا
هاله تدخل و جعفر يقفل الباب
ايمن / شكلك مدايق
هاله / انا تعبت
ايمن / و المطلوب
هاله / ياخى اقتلنى و خلصنى مش عاوزه اكمل مش قادره بموت حرام عليك يا اخى اعتقنى لوجه الله
ايمن / امشى هو انا رابطك
هاله / و بعدين
ايمن / امممم و بعدين انا عن نفسى مش هعمل بس جعفر بقى منه لله قلبه اسود هيزعل انى خسرته بونبنايه حلوه زىك و يمكن ينتقم منى و يبعت السى دى هات
هاله / انت قولتلى انك مسحته لما روحت مع الشيخ بتاعك ده بلا شيخ بلا قرف
ايمن / على قده مش كدا معلش حكم السن بقى بس جعفر قالى انه عوضك بعدها
هاله / اخرس بقى بلسانك القذر ده
ايمن يمسكها من بقها و يزقها فى الحيط
ايمن / لو مكنتش بحبك كان زمانك ميته
هاله / اقتلنى و ريحنى
ايمن / و اعيش لمين بعديك يا هاله
هاله / انت عاوز منى ايه عاوز تعمل فيا ايه اكتر ماللى عملته انا تعبت
ايمن / موتى نفسك خدى اوفر دوز ولعى فروحك قطعى شراينك حطى صوابعك الحلوه دى فكبس الكهربا بس يمكن ساعتها تصعبى على جعفر و ميبعتش السى دى هات بس جعفر مينضمنش بس انتى هيفرق معاكى ايه مانتى هتكونى ميته اكيد مش هيفرق معاكى اختك و لا امك و لا حتى سوفه
هاله / امى انا مشوفتش امى معرفش عنها حاجه زمانها هتموت عليا
ايمن / تموت عليكى و لا تموت بسببك
هاله / انت شيطان
.......................
ايمن / و ماله اشتمى كمان عشان تعرفى غلاوتك و انى صابر عليكى
هاله / يارب خدنى بقى
ايمن / انتى غبيه يا بت مانتى يوم مهتموتى هبعتك لامك بالسى دى هات فى حضنك انتى مبتفهميش ادعى ربنا يديكى الصحه يطول فعمرك
هاله تقعد فى الارض تعيط
ايمن / ماشى خلصتى الحبوب اللى معاكى و لا لسه
هاله تبصله
ايمن / خلصتيها و طبعا معكيش فلوس عشان جعفر عاملك خصومات قد كدا عشان الناس بتشتكى منك متتقى ربنا فى شغلك يا بنتى عشان ربنا يرضى عنك
هاله تبصله
ايمن / على العموم انتى حبيبتى و انا عارف انك تعبانه
ايمن يفتح علبه و يرمى منها حبايه تحت جزمته هاله تجرى عليها
ايمن / شوفتى انتى فين دلوقت خسارتك يا هاله بقيتى تحت جزمتى فاكره يا بت لما قولتلك بحبك فى الكليه قولتى عليا عيل واطى و هددتينى بسيف ههههههههههههههههه و لا لما سابك و رماكى جتلك قولتيلى ايه باين لو انت اخر واحد على وش الارض عمرى مهرضى ابص فى وشك سبحانه المعز المزل شوفى انتى فين دلوقت اللهم لا شماته يلا يا بت شوفى شغلك بلا قرف و مش كل شويه تحتاجى حبوب تيجى تتمسحى فيا و ترسمى عليا ان عرق الشرف بينقح عليكى عاوزه حبوب تشتغلى مش فاتحها تكيه هنا يلا غورى
............................
فى بيت سيف
هناء / نورتى يا عفه امال مصطفى فين
عفه / مشى عاوز يلحق يرجع فى النور
هناء / طب خشى حطى شنطتك
سيف يطلع من اوضته
سيف / ازيك يا عفه
عفه / ازيك يا سيف
سيف / جيتى برضه
عفه / انت ايه حكايتك مش عاوزنى اجى ليه يا سيف الكليه هى الامل اللى باقى لو مجتش هتجوز
سيف / مش يمكن كدا احسنلك مش يمكن جوازك من مصطفى يبعد عنك شر كبير
عفه تتنهد
سيف / خشى اوضتك و نتكلم بعدين
عفه تبص تلاقى خالتها واقفه بعيد و مبتسمه تدخل اوضتها هناء تروح تقف مع سيف
هناء/ كنت بتقولها ايه
سيف / كنت بسلم عليها
هناء / بس على ماما يا سيف
سيف / فى ايه يا ماما
هناء / مفيش بس انت مش ملاحظ انك مبتخرجش من سجنك ده الا و هى موجوده
سيف / دى مخطوبه
هناء / غصب عنها
سيف / بس يا ماما ميصحش كدا
هناء / انا متاكده انها هتكون سعيده معاك انت اكتر
سيف / يا ماما انتى بتقولى ايه
هناء / انت محتاجلها
سيف / و هى مش محتاجانى بصيلها على انها بنتك تقبلى تجوزيها فاشل زيى
هناء / انت مش فاشل و بعدين مش يمكن ربنا يجعل فى ايدها الشفا
سيف / مفيش حاجه بينى و بين عفه هى اختى و مش اكتر و انا لو عليا عاوزها تتجوز مصطفى امبارح حتى لو هى مش موافقه تتجوزه عشان تمشى من هنا انا ماشى
سيف يدخل اوضته يجيب المفاتيح و ينزل و هناء تقف تتنهد
..................
بالليل سيف يروح يلاقى عفه واقفه مستنياه
سيف / انتى لسه صاحيه
عفه / مستنياك
سيف / تعالى
سيف ياخد عفه و يقعدوا فى المكتب
سيف / ها عملتى ايه فى الاجازه
عفه / كانت طويله اوى و خنيقه
سيف / فعلا بس اكيد انبسطى سمعت انكوا اتفسحتوا فسحه جامده و انتوا بتجيبوا الشبكه
عفه تتنهد
سيف / ايه هما كمان اللى نقوهالك
عفه / ممكن تعتبر نفسك مش موجود
سيف / ازاى يعنى
عفه / اعتبر نفسك مش هنا اعتبر انى بكلم نفسى اسمعنى و متعلقش و انسى كل اللى هتسمعه ماشى
سيف / قولى
عفه / لما كنت صغيره كنا بنلعب سوا كنا بندحك و نقول عفه لسيف الكل كان بيدحك و مبسوط لما كبرت شويه قولتها عادى بابا زعقلى و قالى عيب مفيش بنت مؤدبه تقول كدا الناس تقول علينا ايه الناس تقول ايه انا عيله انا عندى كام سنه طب مانا ياما عملتها و كنتوا مبسوطين ايه اللى جد ايه اللى اتغير محدش رد انا قليله الادب و متربتش بابا خاصمنى و قفلت على نفسى الباب و انا مش عارفه انا عملت ايه غلط انا مليش الحق انى احب او انى اختار انا لازم اقبل و بس هما اكبر منى هما عارفين الصالح يعنى هو مصطفى مخترنيش ممكن ليه لا هو يعنى حسن كان اختار امينه هو كمان مبيحبهاش بس طول مهو قاعد بيقولها يا حبيبتى انا عارفه انه بيكدب عارفه انه مبيحبهاش عارفه انه اتجوزها عشان بابا امره بده عشان بنت عمه و هو اولى بيها اكتر كلمه بكرهها اولى بيها
سيف باصصلها باهتمام
عفه / ربنا ادانا حق الاختيار فى كل حاجه بس هما خدوه مننا ستنا خديجه هى اللى اتقدمت للرسول حسن بيقولى بس ده كان الرسول و هى كانت تعرف منين انه هيبقى الرسول تعرف هو بيقولى متعريش مشاعرك قدام حد هو معاه حق مصطفى بيعمل البدع عشان يرضينى بس تفتكر اول ميضمن انى بحبه هيعبرنى هيهتم بيا
سيف يبص الناحيه التانيه
عفه / مفتكرش مصطفى مبيحبنيش مصطفى كمان مجبور عليا بيوهم نفسه انه بيحبنى عشان يقدر يبلعنى بس انا مش قادره اوهم نفسى انى بحبه يا سيف مش قادره انت ساكت ليه متقول حاجه
سيف يمسح دموعها و يدخل اوضته و يقفل الباب بالمفتاح
.....................
فى الكليه بعد كام يوم
عفه قاعده و حاطه الهاند فرى فودانها سما تروح تقعد جنبها و تخبط على كتفها
سما / بتسمعى ايه
عفه / خواتيم البقره
سما / انتى اخوان يا بت
عفه / لا بس ماما بتقول انها بتبعد عننا الشر
سما / اخبار سيف ايه بعتلك سلامى
عفه / لا و انتى شوفتيه فين
سما / شوفته عند الملك
عفه / مين
سما / ايمن ملك المزاج ايه
عفه / ايمن ايه و مزاج ايه انا قايمه
سما / استنى بس انا والله مش بكدب انا فعلا شوفت سيف هناك انتى عارفه انى بحب الحفلات اوى بس والله انا شوفت سيف من يومين فى حفله منهم كان بيشترى الدوا بتاعه بتاع الاكتئاب بطلى غباء كان بيجيب البرشام
عفه / برشام ايه و حفله ايه انا مش عاوزه اسمع اصلا سبينى امشى
سما / ماشى ابقى اساليه ولو راجل ينكر
عفه تسيبها و تمشى
.......................
فى البيت
زينب تفتح لعفه
عفه / سيف فين
زينب / بيستحمى
عفه تجرى عالحمام و ترزع عالباب جامد
عفه / اطلع هنا و كلمنى
هناء تدخل
هناء / فى ايه يا عفه بتخبطى كدا ليه فى ايه
عفه / خالتوا انتى هنا
هناء / فى ايه يا بنتى
سيف يفتح الباب و لابس هدومه مبلوله و بيعدل التى شيرت
عفه / البيه كان المفروض يجى ياخدنى و مجاش
هناء / طب كنتى كلمتى عم جمال
عفه / ملوش لزوم انا جيت لوحدى انا داخله اغير هدومى عشان تعبانه عن اذنكوا
عفه تمشى على اوضتها
هناء / انت ازاى متروحش تاخدها تلاقى حد كدا و لا كدا عاكسها عشان كدا متنرفزه اوى دى امانه هنا يابنى
سيف يهز راسه و يروح اوضتها يخبط عالباب عفه تفتح و مواربه الباب
سيف / احنا مكناش متفقين انى هاجى اخدك
عفه / لما خالتوا تنزل
عفه تقفل الباب و سيف يتنهد و يخبط على حلق الباب و يمشى ثوانى و الباب يتفتح و عفه تزقه و تدخل المطبخ
هناء / اما انا عملالك صينيه بطاطس بالفراخ هتاكلى صوابعك وراها
عفه / كلمينى عن هاله يا خالتو
هناء / اقولك ايه منها لله قليله الاصل
سيف يدخل
سيف / مكنتش قليله الاصل هاله عملت اللى عليها و زياده معايا
عفه و هناء يبصوله
هناء / واحده غيرها كانت وقفت جنبك فى عيا ابوك و محنتك مش تفسخ الخطوبه مبيستحملش عليها كلمه
سيف / انا وعدتها انى هتجوزها و متجوزتهاش وعدتها انى هبقى معيد و متخرجتش اصلا وعدتها انى مش هحب غيرها و حبيت
هناء / طب اهدى يا سيف حصل خير
سيف / انا اللى استوطيت معاها مش هى انا اللى ظلمتها ماشى و الكلام ده مش اول مره نتكلم فيه عاوزه تعرفى ايه عن هاله يا عفه
عفه / اللى كنت عوزه اعرفه عرفته خلاص انا شبعانه داخله انام تصبحوا على خير
هناء / مالها البت دى
سيف / انا كمان مش جعان
..................
بالليل
عفه بتصلى فى اوضتها و سيف يخبط و يفتح الباب و يفضل واقف لحد متخلص صلاه و اول متسلم يروح يقعد جنبها تبصله بزعل
سيف / انتى قابلتى سما فى الكليه
عفه / يعنى اللى هى قالته كان صح عشان كدا مكنتش عاوزنى ارجع عشان محدش يعرف عشان تفضل فى الارف اللى انت فيه
سيف يقوم يقف
سيف/ انتى فكرانى مبسوط كدا انتى فاكره انى بالمنظر ده بمزاجى
عفه تقوم تقف
عفه / بطل لو مش بمزاجك بطل
سيف / مش عارف مش قادر
عفه / الرعشه و التوتر و الامساك و النوم كل دى اعراض الادمان مش اعراض جانبيه للدوا بس انت معندكش طفح جلدى
سيف / لانى معنديش حساسيه
عفه / مورفينات انا سمعت كل حلقات خالو عاصم
سيف / شاطره
عفه / قوله يساعدك
سيف / مقدرش عفه انتى ليه مش قادره تفهمى اقعدى يا عفه
الاتنين يقعدوا عالسرير
سيف / انا عارف انتى حاسه بايه لما عرفتى تخيلى احساسى انا لما عرفت
عفه / ايمن اللى كان بيحطهالك فى العصير صح
سيف / انتى عرفتى منين
عفه / انت قولتلى
سيف / انا ازاى و امتى
عفه / دخلت عليك فيوم الاوضه و كنت بتعيط جامد و قولتلى بس مقولتش مين
سيف / انا
....................