العفه تقتل احيانا بقلم/ لولو_محمد (كامله)

الجزء التاسع

#lolo #لولو_محمد
((((((العفه تقتل احيانا ))))))))))))
الحلقه التاسعه 
عفه / دا رابع فنجان قهوه النهرده
سيف / الدوا بينيمنى و انا زهقت مالنوم يا عفه لو مبتعرفيش قولى مبعرفش و خلاص
عفه/ حاضر ثوانى
عفه تقوم و ترجع معاها القهوه
....................
سيف / تعالى نقى الكلام اللى يعجبك بقى براحتك و انا اطبعهولك مفيش كلام تانى اكتر من كدا
عفه تشد الاب قدامها / شكرا
سيف ياخد حبايه مالعلبه و يقعد جنبها يشرب القهوه
عفه / انت بتاخد الدوا ده كام مره فى اليوم
سيف / المفروض اربعه بس انا النهرده خدته سته
عفه / طب كدا مش غلط
سيف/ مش حاسه انى هادى و مبتخانقش معاكى
عفه / هو ده اللى بيخليك كويس
سيف / لا بيخلينى تعبان بس محتاجله و ان كانلك عند الكلب حاجه
عفه / سبهاله مانت مش هتحط راسك براس كلب و كمان تقوله يا سيدى مش مقامك يا سيف
سيف يبصلها و يبتسم و يسند راسه عالكنبه ورا
سيف / خلصى خلصى
عفه قاعده تشتغل تليفونها يرن ترد
عفه / الو
مصطفى / وحشتينى
عفه / مين معايا
مصطفى / جرا ايه يا بت انتى مش الرقم ظاهر عندك
عفه / ايوه هو ده مصطفى
مصطفى / بتعملى ايه
عفه / بزاكر
مصطفى / لحقتى تاخدى حاجه تزاكريها دا النهرده لسه اول يوم
عفه / اللى حصل
مصطفى / انا هاجيلك بكره
عفه / اللى تشوفه
مصطفى / هتوحشينى لحد بكره
عفه / متشوفش وحش سلام
مصطفى / مستعجله تقفلى اوى كدا
عفه / لا مش مستعجله
مصطفى / خدى كلمى حسن اخوكى عاوزك
عفه / هاته
حسن / ازيك يا نجمه
عفه / ازيك يا حسن واحشنى هو محمود مبيتصلش عليا ليه هو انا مش وحشاه
حسن / وحشاه طبعا بس انتى عارفه محمود مبيعرفش يعبر ماشى بمبدا الدلع بيمرع
عفه / الحمد لله انك مش زيه
حسن / اخبار سيف ايه
عفه تبص جنبها تلاقى سيف نايم
حسن / انتى يا بت روحتى فين
عفه / هتيجى بكره مع مصطفى
حسن / لا هو هيجى لوحده
عفه / ليه
حسن / هو ايه اللى ليه خطيبك و جاى يشوفك اجى انا ليه يا رخمه
عفه / مهواش خطيبى دا قارى فاتحه بس
حسن / و الدبله اللى فى ايدك
عفه / يووووه انا ورايا مزاكره
حسن / ماشى روحى زاكرى كلمينى لو فضيتى حتى لو الصبح يلا يا نجمه سلام
عفه تقفل السكه و تحط التليفون سيف يتعدل
سيف / انتى بتزعقى لمين فى التليفون
عفه / معلش اتنرفزت دا حسن بيسال عليك
سيف / ابقى سلميلى عليه
عفه / انا مخنوقه احفظلى البتاع ده اكمله بكره انا داخله انام
عفه تيجى تقوم سيف يمسك ايدها
سيف / اقعدى
عفه تقعد و هى مخنوقه اوى
سيف / بتحبيه
عفه / حسن
سيف يشاور على دبلتها
عفه / اكيد مش ابن عمى
سيف / بس لانه ابن عمك بس
عفه / احنا لسه مخدناش على بعض بكره لما يجمعنا بيت اكيد هحبه
سيف/ و لو محبتيهوش
عفه / يبقى هحب عيالى ماما بتقول كدا
سيف / ماما
عفه / اه ماما خالتك
سيف / و لحد ميجوا العيال هتعيشى ازاى مع واحد مبتحبيهوش
عفه / مصطفى مش وحش و يتحب
سيف / امال ليه بتدايقى لما بيكلمك و بتقفلى فى الكلام
عفه / لانه مبيكلمنيش من يوم مجيت مكلمنيش
سيف يرفع حاجبه
عفه / دا حسن دايما حسن حتى لما مصطفى اللى بيبقى طالب بيبقى جنب حسن و انا عارفه ان حسن اللى بيمليه يقول ايه
سيف / ميمكن محرج او مش عارف يعبر كلميه انتى
عفه / اقوله ايه
سيف / امليكى حسن يمليه و انا امليكى طب متجوز انا حسن اسهل
عفه / هههههههههههههههههههههههههههه
سيف يبصلها و يبتسم
سيف / متتجوزيش غصب عنك اوعى تعملى حاجه غصب عنك مفيش فى الدنيا اسوء من انك تتجوزى واحد مبتحبيهوش
عفه / فى انى اكون بحب واحد تانى
عفه تقوم من جنبه جرى على اوضتها سيف يتنهد و يجيب اللاب على رجله و يشتغل و شويه و يقوم
....................
فى اوضه عفه
عفه نايمه سيف يفتح الباب و يدخل يحط ورق على المكتب و يغطيها و يخرج و يقفل الباب اول مالباب يتقفل عفه تتفزع تلاقى نفسها مستغطيه و قدامها المكتب عليه ورق تقوم تبص عليه تلاقى البحث خلصان تحطه و تجرى تفتح الباب متلاقيش حد و المكتب مطفى و النور كلو مطفى تقفل الباب تانى و تحضن مخدتها و تنام
................
فى الكليه تانى يوم
انجى / فينك يابنتى بكلمك مبترديش جيتى على معاد المحاضره و قعدتى بعيد و خلصتى خرجتى فى ايه
عفه / مفيش حاجه
انجى / طب تعالى اقعدى معانا
عفه / معلش مره تانيه ابن عمى زمانه جاى ياخدنى
انجى / ايوه بقى خطيبك جاى مالبلد مخصوص يفسحك مستحملش يا حرام وااااو سو كيوت
عفه تبتسم
انجى / بصى يا عفه انا عارفه انتى حاسه بايه وسطينا بس والله احنا مش وحشين
عفه / انا مقولتش كدا
انجى / عنيكى بتقول بصى كل واحد فينا فى الدنيا كلها يعنى له شخصيه فى العنيف و فى الحنين و فى القاسى و فى الطيب و فى الشرير و فى المؤدب محدش فينا زى التانى و احلى حاجه فى الجروب عندنا ان مفيش حد بيحاول يغير حد احنا عمرنا مهنحاول نغير عفه دى على امل انك تقبلينا زى ماحنا
عفه / انجى انتى مكبره الموضوع هو بس
تليفون عفه يرن
انجى / مصطفى
عفه تهز راسها
انجى / وواقفه تتكلمى معايا روحيله يا بت يلا بس اعملى حسابك تحكيلى
عفه تبتسم و تمشى
...............
فى عربيه مصطفى
مصطفى / اخبار الكليه ايه
عفه / كويسه
مصطفى / جعانه نروح حته نتغدى فيها
عفه / اللى تشوفه
مصطفى / مالك شايله طاجن ستك على راسك ليه كدا
عفه / ممكن اتكلم معاك عادى
مصطفى / خير اللهم اجعله خير
عفه / مصطفى فى فى البلد بنات كتير مصر مليانه بنات الدنيا مليانه بنات اشمعن انا
مصطفى / انتى هبله يا بت
عفه / انا بسال بس
مصطفى / انتى بنت عمى و انا اولى بيكى مالغريب و بعدين يعنى عوزانى اسيبك تعنسى و اخد من بره
عفه / يكرم اصلك
مصطفى / انا بحاول اهزر معاكى انا عارف انى غشيم بس بحبك
عفه / بجد
مصطفى / امال مستحمل قرفك ليه
عفه / يكرم اصلك تانى
مصطفى / بصى يا عفه انا شوفت كتير و قليل انا اه مدخلتش جامعه ولا كملت تعليمى بس لافف و داير نزلت مصر و اسكندريه مخلتش حته فى البلد مروحتهاش و شوفت بنات اشكال و اللوان بس زيك ملقتش
عفه / شكرا
مصطفى / انا عارف انك مقفوله منى عارف انى مش عارف اكسبك بس والله بحاول انا مش بتاع نحنحه انا مبعرفش اقول كلام ليل يطلع عليه النهار يسيح
عفه / عارفه
مصطفى / بس انا بحبك و عاوزك و بكره افعالى هى اللى تثبتلك انا عارف انى جلنف و فيا العبر و انى مش محفلط زى بتوع مصر اللى حواليكى دول بس لازم لو فى حد مستعد يموت و لا ان مفيش شعره منك تتلمس بحاجه وحشه هيكون انا
عفه / شكرا
مصطفى / يمكن لو كنتى فى البلد كنت بقيت اشوفك كل يوم و حاجات كتير اتغيرت
عفه / طب مانا كنت بشوفك كل يوم
مصطفى / كنتى صغيره لكن دلوقت الوضع اختلف حلو المحل ده شاكله جامد انزلى نتغدى
تليفون عفه يرن
مصطفى / مين
عفه / سيف ممكن ارد
مصطفى / اكيد
........................