العفه تقتل احيانا بقلم/ لولو_محمد (كامله)

الجزء الاخير

#lolo #لولو_محمد
(((((((((((((((((العفه تقتل احيانا))))))))))))))))))))
الاخيره

..................
الناحيه التانيه عربيه راكنه
مصطفى ماسك المسدس و بيقلبه يمين و شمال ينزل مالعربيه و يقف يتفرج على عفه و سيف و هما بيدحكوا و يروحلهم و يحط المسدس فى دماغ سيف الابتسامه اللى على وش سيف و عفه تروح نظره ثقه على وش مصطفى و معاها  صوت طلقتين
..................
فى البلد بعد فتره طويله
على السفره فى رمضان وقت المغرب حسن و مصطفى و سحر و امينه
مصطفى / امال عفه فين مش هتنزل تفطر و لا ايه
امينه / لسه نازله من عندها تعبانه و نايمه
حسن / تعبانه مالها
سحر / الحمل تاعبها مانت عارف يا حسن الشهور الاخيره بتبقى عامله ازاى
مصطفى / دى لسه فى السابع و بعدين هو يعنى اول عيل ليها هنفطر و اطلع اطمن عليها امال حبيبه فين
امينه / اكلتها مع العيال و نيمتها جنب امها
حسن / مكنش ابدا دا وقت عمره عفه محتاجه ماما فى الوقت ده
امينه / ماحنا موجودين يا حسن و بعدين لسه بدرى اوى عالولاده
سحر / يا جماعه كلها كام يوم و يرجعوا محصلش حاجه متكبروش الموضوع كلنا بنتعب فى الحمل
مصطفى / بس عفه ظروفها خاصه انتى عارفه ان جسمها ضعيف
سحر / مش احنا اللى قولنالها تحمل تانى
مصطفى يتنهد و ياكل ثوانى و صوت صريخ من فوق الكل يسيب الاكل و يطلع يجرى حسن اول واحد يدخل الاوضه
عفه / مش قادره بموت مش قادره
امينه / اللحق يا حسن دا القرن طش باينها بتولد
مصطفى / انا هطلع العربيه لبسوها حاجه
امينه تجرى تجيب عبايه مالدولاب و سحر و حسن يساعدوها تلبسها لعفه بنوته صغيره تلت سنين تصحى
سحر / خليها معايا انا و العيال
عفه بتعيط / سيف يا حسن سيف
حسن يبص لامينه
امينه / قومى يا عفه
عفه / مش قادره انا عاوزه سيف انا عاوزه سيف
حسن / انا هشيلها هاتى حبيبه معانا
سحر / انا هخلينى هنا مع العيال
حسن ينزل جرى و هو شايل اخته و امينه شايله حبيبه وراه و يركبوا العربيه
حبيبه / هى ماما هتموت يا خالوا
مصطفى يبصلها
مصطفى / لا يا حبيبه قلبى ماما هتجيبلك اخ صغير ماما كويسه
حبيبه تهز راسها و تدارى فى حضن خالها
عفه بتصرخ / ساااااااااااايف ساعدنى
حسن يبص لمصطفى مركز فى الطريق و يبص لاخته و يسكت
امينه / خدى نفسك يا عفه خدى نفسك و اهدى ياختى
عفه / سيف سيف
................
فى المستشفى
فى اوضه مصطفى قاعد بيلاعب حبيبه على رجله و حسن و امينه واقفين بره
حبيبه / هى ماما هتجيب نونو عشانى
مصطفى / اه عشان تلعبى معاه و ياخد باله منك و تاخدى بالك منه
حبيبه / انا هبوسه
مصطفى / باذن الله تحبى تسميه انتى
حبيبه تهز راسها اه
مصطفى / هتسميه ايه
حبيبه / سيف
حسن يدخل يشيل حبيبه من على رجل مصطفى و يزغزها
حسن / سيف ايه يا شقيه انتى
حبيبه / على اسم حبيبى ماما بتقول سيف دا حبيبى
مصطفى يطلع بره يقف مع امينه
امينه / هيولدوها المرادى قيصرى بيقولوا الواد مقلوب
مصطفى / ربنا يقدم اللى فيه الخير
امينه/ مالك فى ايه انت زعلان من حاجه
مصطفى / من ايه حد يزعل فيوم زى ده
امينه تطبطب على اخوها يحضنها
مصطفى / انا هطلع الكافيتريا اجيب عصير لبيبه اجيبلك حاجه معاها
امينه / تسلم يا اخويا
................
فى الاوضه بعد فتره
الممرضات جايبين ترولى عليه عفه بتهلوس
عفه / سيف فين حبيبى سيف انا عاوزه سيف حبيبى هاتولى سيف
يشيلوها و يحطوها عالسرير و يحطوا نونو جميل نايم فى سرير النونو مصطفى و حسن و امينه شايله حبيبه يتلموا حواليه حسن يشيله ياذن فى ودنه و يحطه تانى
مصطفى / الواد شبه امه بالحته
امينه / قمر ما شاء الله
مصطفى / متشوفلك حل فى اختك يا حسن خلفتها كلها شبهها كدا مفيش مره تجيب حاجه كدا يكون شبه ابوهم
حسن / ياعم احمد ربنا كدا احلى بسم الله تبارك الله
الممرضه /هى كدا تمام هنبقى نيجى نديها الدوا فى مواعيده
مصطفى يطلع فلوس من جيبه و يدى الممرضه
مصطفى / شكرا
حسن / انا جعان الواد الجديد فتح نفسى يا ترى اسمك هيكون ايه يا بقلظ
مصطفى / هههههههههه امه لما تفوق تسميه
امينه / عفه حبيبتى انتى كويسه
عفه / سيف هاتولى سيف
حسن / طب نجيبه منين احنا دلوقت
امينه / حسن .... متكلم امك تفرحها
حسن / امى صحيح كنت ناسى
مصطفى / انا هكلم محمود
امينه / سحر كلمته من ساعه منزلنا و جايين من اسكندريه
مصطفى / يجوا بالسلامه
امينه / انا جعانه ملحقتش افطر
مصطفى / هطلع اجيبلنا اكل كلنا على الخشاف خليكى جنبها خدى بالك منهم
امينه / دول فى عنيا
.................
فى الاوضه بعد شويه عفه قاعده سانده ضهرها و الواد فى حضنها و حبيبه رايحه فى النوم عالكنبه
مصطفى / مبروك يا عفه
عفه / الله يبارك فيك
حسن / كدا دى خضه تعمليها فينا
عفه / حقكوا عليا بقلظ اللى كان مستعجل
الباب يتفتح و محمود يدخل جرى يحضن اخته و الكل يبص عالباب سيف بيجرى يحضن عفه بعد مرجع لفرمته تانى و شكله اتعدل خالص
سيف / جيت فى اول طياره عامله ايه يا حبيبتى
عفه / بقيت كويسه لما شوفتك يا حبيبى
مصطفى / ملوك المحن اشتغلوا
سيف/ ايه يا جدع وحشانى
حسن / جيتوا ازاى
محمود / ركبنا من برج العرب لاسيوط و جينا قطر
حسن / تمام اسرع مالعربيه
محمود / بكتير المهم اخبار بقلظ ايه
سيف / الاستاذ بقلظ لو سمحت
عفه / حرام عليكوا بقى مبحبش اسم بقلظ
سيف / عليا برده
عفه / بطل بقى واقفين
حسن / احنا ممكن نطلع عادى
سيف / هههههههههه تحبى تسميه ايه
عفه / امان
سيف يبتسم
مصطفى / ايمان مين يا حجه دا واد
سيف / بتقولك امان مش ايمان
حسن / امان سيف عبد المعز لعيبه
عفه تبتسم
سيف / بتجيبى الاسامى دى منين يا عفريته انتى
عفه / ربنا ميحرمنى منك ابدا
سيف / بقى انت يا سى امان مش قادر تستنى لبكره اما اجى مستعجل اوى عالنزول
عفه / نور الدنيا
سيف / هى كانت منوره بحبيبه قلبى هى فين صحيح
عفه / اخص عليك يا سيف افتكرتك بتتكلم عنى
سيف / لا انتى روح قلبى تفرق شكل البنج لسه ماثر و لا ايه
مصطفى / لا والله كدا كتير راعوا ان فى عزاب و سطيكوا ميصحش كدا
سيف / اطلع بره يالا انت جاى تخنقنا و اقولك خد العيال الرزله دى انا خلاص جيت
حسن / بقى كدا
مصطفى يطلع مسدسه و يحطه فى دماغ سيف
سيف / ههههههههههههههههههه مش هتخيل عليا مرتين
عفه / متفكرنيش دا وقع قلبى
مصطفى / ايه يا جدعان كنت بحيه بطلقتين حلاوه خروجه و شفاه
حسن / و اى تحيه دى كانت تحيه بنت كلب
مصطفى / خير تعمل شر تلقى
سيف / المهم يعنى هتفضلوا على قلبنا كتير كدا و لا ايه
حسن / ماشى يا عم هنسيبكوا تستفردوا ببعض شويه مع ان ملهاش لزمه يعنى
امينه / حسن
حسن / ايه قولت حاجه غلط
الكل يطلع بره و سيف يفضل جنب عفه
................
بره
حسن / افضل انت كل شويه حط المسدس فى نفوخه لحد مهاجى اترافع عنك و انت فى الكلابوش 
مصطفى / هههههههههههه ياعم متخفش انا بلاعبه بس
حسن / انت اصلا مجنون و انا عارفك 
مصطفى /  بس الواد طالع عسل لامه
حسن / عقبالك
مصطفى / اتجدعنوا و هاتولى عروسه
حسن / ههههههههههههههههه ماشى
...................
فى الاوضه جوه
سيف / وحشتونى
عفه / و انت اكتر يا حبيبى اخبار الشغل ايه
سيف / سيبك مالشغل خلينى فيكى انتى ايه العسل اللى انتى جيباه ده مش حرام عليكى تجننى البنات كدا
عفه / ابن الوز عوام
سيف/ وز ايه يا شيخه هو انا كنت حلو كدا
عفه / هو فى احلى منك دانت جننتنى
سيف / امال انتى عملتى فيا ايه يا شيخه بكره لما يكبر هقوله لازم لما يكبر و يحب لازم يختار واحده يوم ميقع و يبقى ضعيف يكون ضامن انها هتسنده يكون ضامن انها مش هتتخلى عنه و انها هتحارب الدنيا كلها عشانه
عفه/ و انا هقوله يوم ميدى لواحده وعد لازم يوفيه عشان مشاعر بنات الناس مش لعبه
سيف / قلبك اسود اوى انتى لسه فاكره حرام عليكى يا شيخه دانا بحبك
عفه / لا معلش بقى انا اللى بحبك
سيف / طب اناديهم يعنى نشهدهم
عفه / انا مش مصدقه يا سيف انك رجعتلى تانى بجد كانه كان كابوس و فقت منه
سيف / الحمد لله انا مش عارف منغيرك كنت عملت ايه
عفه / انا عشانك اعمل اى حاجه انت متعرفش انت بالنسبالى ايه
سيف / بحبك يا ست البنات كلها
حسن يفتح الباب
حسن / خلصتوا محن و لا لسه
عفه / هههههههههههه ااااههه مش قادره ادحك
امينه / انتى مش لسه واخده مسكن
مصطفى / دول ادوها الجدول كلو
سيف / الله الله
حسن / اطمن لسه البانجو
سيف / ايوه ان كان كدا ماشى
الكل يدحك
..................
البدايه