العفه تقتل احيانا بقلم/ لولو_محمد (كامله)

الجزء السابع عشر

#lolo #لولو_محمد
((((((((العفه تقتل احيانا ))))))))
الحلقه السابعه عشر

عفه / جوزك جوزك دا حياله قارى فاتحه
سلامه / و هى الفاتحه دى شويه و بعدين احنا فيها ديتها ماذون و اتنين شهود و نكتب الكتاب قبل متسافرى
عفه تبصله و عنيها واسعه مالخضه و مليانه دموع الباب يخبط و مصطفى يدخل
مصطفى / انا عرفت انكوا هنا من عمتى قولت لازم اجى اراضى عفه
سلامه / شوفتى مش قولتلك انا هسيبك تراضيها ربنا يهديكوا
سلامه يقوم يطلع بره
..................
مصطفى / حقك عليا
عفه متقدرش تمسك دموعها
مصطفى / لا لا والله غرت عليكى اعمل ايه بس ازاى اشوفك بتدلعى واحد غيرى يا بت انا بحبك
عفه / انت قولتلى فى مصر ان ايدك مش هتترفع غير ليا انت رفعتها عليا كنت هتضربنى
مصطفى / انا والله كنت بهوشك بس لحظه شيطان
عفه / كداب لو مكنش سيف
مصطفى / انا جيتلك لحد عندك ترجعينى مكسور الخاطر
عفه / اشمعن انت مشيت بعد مكسرت خاطرى
مصطفى / و جيتلك اراضيكى اهو
مصطفى يمسك ايد عفه تحاول تشدها متعرفش يرفعها على وشه و هى بتحاول تشدها
مصطفى / كدا خالصين
عفه / حطيت ايدك على كتفى و دلوقت بتمسك ايدى المره الجايه هتعمل ايه
مصطفى / يا عفه انتى مراتى
عفه / كفايه بقى مش قادره
مصطفى / انا عارف انك زعلانه منى بس انا بصالحك اهو متسوقيش فيها بقى
عفه تعيط و تقعد عالكنبه و مصطفى يقعد جنبها
مصطفى / والله اول معرفت انك منهاره مالعياط جيت جرى مستحملتش
عفه تمسح دموعها / و مين قالك اصلا انى عيطت
مصطفى / سيف جالى و اعتزر
عفه / سيف
مصطفى / انتى عارفه انا قد ايه بغير منه
عفه / ليه بتغير منه ليه عملك ايه سيف
مصطفى / اهو بقى مش قادر انسى لما كنتى صغيره و بتقولى لما هكبر هتجوز سيف
عفه تتنهد مصطفى يدحك
مصطفى / انا عارف انك كنتى فى تالته ابتدائى و عارف انك كنتى بتغيظينى لما مكنتش برضى اللعب معاكى عشان انتى بنت و احنا ولاد بس اعمل ايه من يوميها و انا كارهه بس انتى معاكى حق
عفه تبصله
مصطفى / انا اكبر مالكلام ده و اوعدك انه مش هيتكرر تانى و بعدين فيها ايه يعنى لما امسك ايدك
عفه تتنهد و تسكت
مصطفى / انا بكره هاخدك افسحك حته فسحه هفرجك عالمزرعه الجديده انتى مشوفتيش بقت ازاى دلوقت فكيها بقى هجيبلك ورد و شوكولاته كمان
عفه مبتتكلمش
مصطفى / عاوزه هديه مش خساره فيكى ننزل انا و انتى الصاغه ننقى احلى هديه طب تصدقى احنا ننزل بكره نجيب شبكتنا و اهو بالمره حسن يجيب شبكته و نعمل الخطوبه قبل مترجعى مصر ايه رايك دى اكيد هتبقى تانى احلى اجازه ليكى
عفه تبصله و مش عارفه ترد
مصطفى / طبعا مهو احلى اجازه اللى هيبقى فيها الفرح الكبير بقى و تبقى مراتى
عفه تغمض عينها و تتنهد
مصطفى / انا بحبك يا بت
عفه تسيبه و تمشى منغير و لا كلمه و تجرى على اوضتها فوق و سيف و مصطفى و حسن و سلامه واقفين مصطفى يروح يقف معاهم
حسن / سبع و لا ضبع
مصطفى / ايه مشوفتهاش بتجرى مكسوفه هننزل بكره نجيب الشبكه عشان نعمل خطوبتنا معاك
سيف / الف مبروك
حسن / البركه فيك لولا انك صممت انك تروحله كان زمانا رابطين عفه بسلبه و رايحنله بيها تراضيه
سيف يرفع حاجبه و يبص لمصطفى و حسن
حسن / انا متاكد انها عمرها مكانت هتراضيك الصراحه
مصطفى / لا كانت هتراضينى بس قولت ابدء انا احسن انا برده غلطت
حسن / ربنا يهديك يابنى انا طالع انام
مصطفى / اعمل حسابك انك هتيجى معانا بكره تجيب شبكتك انت كمان
حسن / و ماله احنا نطول
.......................
فى اوضه عفه
عفه نايمه عالسرير منهاره مالعياط و بعدين تقوم تبص على شكلها فى المرايه و تمسح دموعها و تقوم تجيب الموبايل و تتصل بسيف يرد
سيف / الو
عفه مبتردش بس صوت شحتفتها باين سيف يتنهد
سيف / بتعيطى ليه
عفه / ليه روحتله ليه خليته يجى
سيف / المفروض اعمل ايه انا غلطت و كان لازم اصلح غلطى
عفه / غلطت انك دافعت عنى
سيف / لا طبعا بس غلطت لانى جيت انا المفروض كنت فضلت فى مصر انا المفروض كنت فضلت فاوضتى
عفه / دا رايك
سيف / عفه انا حياتى مدمره حرام اكون سبب فى تدمير حياتك انا خسرت كل حاجه حلوه كانت فحياتى حرام انتى كمان تتاذى بسببى
عفه / فى واحد مره قالى ان الانسان السلبى هو اكتر انسان مؤذى راح فين ده
سيف / الله يرحمه يمكن لو كان بقى سلبى مكنش كل ده جراله
عفه / اقفل يا سيف
سيف / انا اسف بجد يا عفه
عفه / لا متعتزرش خليك سلبى احسن سلام
عفه تقفل السكه و تنام و هى بتعيط تصحى على صوت امها بتصحيها
هدايه / حبيبه ماما اصحى احنا بقينا الضهر
عفه تقوم تقعد / صباح الخير يا ماما انا ازاى نمت كل ده
هدايه / شكلك سهرانه طول الليل عنيكى حمره دم ايه مكنتيش قادره تنامى مالفرحه
عفه تبصلها
هدايه / قومى اما نشوف هتلبسى ايه هننزل بعد العصر نجيب الشبكه
عفه / اجليها يا ماما قوليلهم يخلوها الاجازه الجايه
هدايه / انتى مش اتفقتى مع مصطفى امبارح عمتك اتصلت و قالت انهم بيجهزوا اقولهم ايه
عفه / هما مش هيجيبوا شبكه حسن خلينا احنا مره تانيه
هدايه / فى ايه يا بت مالك
عفه / مفيش مفيش انا هقوم استحمى
هدايه / عفه انتى لسه زعلانه ماللى عمله امبارح
عفه تسكت
هدايه / مهو بيراضيكى اهو
عفه / بجد انتى شايفه كدا كلكوا شايفين كدا خلاص اعملوا اللى انتوا عاوزينه
هدايه / طب انتى عاوزه ايه
عفه / مش عاوزه حاجه انا خلاص تعبت
عفه تترمى فى حضن امها و تعيط
هدايه / مالك بس يا ضنايا
عفه / انا عاوزه شبكتى من مصر مليش دعوه انا عاوزه حاجه نضيفه
هدايه / و هو الدهب هنا يعنى وحش
عفه / انا مليش دعوه هو مش صحباتى هيشوفوه هيقولوا زوقه فلاحى
هدايه / يعنى اقولهم ايه
عفه / متقوليش اصلا محدش هيسمعلى محدش هيعرف انا عاوزه ايه
هدايه / يا بنتى استهدى بالله و متقوميش علينا الدنيا ابوكى يزعل
عفه / انا عمرى مخالفتله امر و لا كسرتله كلمه انا عمرى مطلب منى حاجه و قولت لا
هدايه / و لا عمرك طلبتى منه حاجه و قالك لا
عفه / ميمكن عشان مطلبتش
هدايه / خلاص انا هنزل و اقولهم على اللى انتى عوزاه و نشوف هيقولوا ايه
عفه/ يقولوا اللى يقولوله قال ضربوا الاعور على عينه
هدايه / ربنا يهديكى يا بنتى
..........................
فى بيت مصطفى
مصطفى بيتكلم فى التليفون
مصطفى / و هى جايه تقول دلوقت
امينه / فى ايه يا مصطفى
مصطفى / انا جاى اشوف مالها دى و اخره دلعها ده ايه انا بدات اتخنق يا حسن ........... متقوليش بتدلع عليا و كلمك ده .............. خلاص يا حسن اقفل انا جاى اهو
امينه / متعصب ليه و حسن قالك ايه
مصطفى / ست عفه مهى خلاص ظاطت بقى عاوزه شبكتها من مصر بتقول الدهب هنا بلدى
امينه / بجد
مصطفى / و مالك فرحانه اوى كدا ليه
امينه / الله و ماله انا اصلا طول عمرى نفسى انزل مصر اوى و انت عارف ننزل يوم نجيب الشبكه و تفسحونا شويه و نرجع الله خساره فينا يعنى
مصطفى / يا امينه بطلى دلع هو انا هلاقيها منك و لا منها
امينه / يا مصطفى انا مش هتخطب كل يوم و كفايه ان سلو علتنا مبنعملش خطوبه زى باقى الناس
مصطفى / عوزه تلبسى فستان و ترقصى مع حسن و يحط ايده على وسطك و انتوا لسه مخطوبين ياختى زى بتوع مصر
امينه / الله عليك يا مصطفى لا طبعا مش كدا انا قصدى حاجه تانيه خالص
مصطفى / انا فاهم قاصدك بس كدا سحر هتزعل هى الوحيده اللى هتبقى جايبه شبكتها من هنا
امينه / سحر دماغها كبيره و مبتفكرش فى الحاجات دى مانت عارفها دى كانت بتقولكوا انزلوا انتوا نقوا الشبكه بدالى و متنساش انها اتعملها خطوبه يوم خروج محمود مالجيش
مصطفى / خلاص انا هروح اشوف اخرتها و ربنا يعمل اللى فيه الصالح
امينه / مصطفى
مصطفى / يا نعم ايه تانى
امينه / خليك هادى كفايه امبارح
مصطفى / مبقاش الا انتى كمان مهى ظاطت
....................
فى بيت عفه
عفه / هو انا طلبت ايه بس يا بابا خلاص اللى تشوفوه
مصطفى يدخل
مصطفى / السلام عليكم
عفه متردش السلام و الكل يرد
مصطفى / و انا اللى كنت جاى احدد معاد ننزل فيه كلنا مصر نجيب الشبكه
الكل يبصله
مصطفى / ايه يا جدعان مراتى و لو مدلعتش عليا تدلع على مين هى بس تاشر و انا اوافق علاطول
حسن / يا مغير الاحوال
مصطفى / جرا ايه يا عم حسن انا بس كنت خايف سحر تزعل عشان يعنى البنات هيجيبوا من مصر و هى  جابت من هنا
محمود / ياعم مش هتزعل انا هراضيها