العفه تقتل احيانا بقلم/ لولو_محمد (كامله)

الجزء الخامس عشر

((((((((((((العفه تقتل احيانا )))))))))
#لولو_محمد #lolo
الحلقه الخامسه عشر
هاله / حرام عليك يا اخى دانا زى اختك
ايمن / استغفر الله انا اختى تتصور فى اوضاع زى دى برضه حرام عليكى يا شيخه
هاله / اتقى الله يا ايمن
ايمن / اللهم اجعلنا من المتقين بصى اختارى و متخافيش لما الراجل يسافر جعفر هيشوفلك غيره دا متخصص و مالفلوس اللى هتاخديها منهم اشترى مزاجك و اكلك و شربك و نومتك و هدمتك و كوافيرك عليا عشان تعرفى غلاوتك عندى فكرى قدامك الباب و قدامك جعفر اختارى
جعفر / بس بسرعه عشان فى واحده تانيه عاوزه تقابل سموه
ايمن / هتختارك طبعا يا جعفر هايا عاقله و بتسمع الكلام
جعفر / حلو الاسم ده سموك
ايمن / ماحنا مش عاوزين سيف لما يجى هنا يسمع اسم هاله
هاله / لا ابوس ايدك حرام عليك بقى حرام عليك موتنى و خلصنى
ايمن / و اعيش ازاى منغيرك يا حبيبتى خدها يا جعفر عاوز الراجل ينبسط ماشى يا شاطره
هاله تروح مع جعفر و هى بتعيط
جعفر / سما بره سموك فى الحفله
ايمن / واحده واحده يا جعفر انا مش قدك
جعفر / ههههههههههههههههه اوامر معاليك بالاذن يلا يا هايا
هاله تتحرك معاه و هى بتبص لايمن و بتعيط و ايمن ساند عالمكتب و منشكح اوى من منظرها
.....................
فى البلد
سيف واقف فى بلكونه اوضته بيتابع عفه و مصطفى قاعدين فى الجنينه
مصطفى / وحشتينى على فكره
عفه / شكرا
مصطفى / تحبى تخرجى
عفه / مهنا كويس
مصطفى / معاكى حق هنا الخضره و الوجه الحسن فاضل بس نحفر انايه هنا
عفه تبتسم
مصطفى / عملتى ايه فى الامتحانات
عفه / الحمد لله
مصطفى / كان زمانا متجوزين دلوقت
عفه / قدر الله و ما شاء فعل
مصطفى / عشان تعرفى بس انا بحبك قد ايه
عفه / شكرا
مصطفى / عرفتى ان حسن هيخطب امينه
عفه / لا محدش قالى
مصطفى / انا بقولك اهو
عفه / كدا امينه لحسن و محمود لسحر
مصطفى / و انتى ليا
عفه / اه
مصطفى يعمل نفسه بيتاوب و يتمطع و يحط ايده على كتف عفه تقوم جرى تتمشى يقوم وراها
مصطفى / خلاص متعمليش فيلم بقى انا قولت اعمل زى بتوع الافلام
عفه / متعملش
عفه تبص لفوق تلاقى سيف واقف بيتفرج مصطفى يشوفه يشاورله سيف يشاورله و يدخل جوه
مصطفى / اول مشوفته خفت منه
عفه / حرام عليك دا غلبان خالص
مصطفى / يعنى هو جاى معاكى المشوار ده كلو ليه ده يعنى لو حد عاكسك هيدافع عنك دا مفيهوش نفخه
عفه / على الاقل جه ورايا مهنش عليه اركب القطر لوحدى خاف عليا حد يعاكسنى انا سقعت انا هدخل جوه
عفه تمشى و مصطفى واقف باين عليه الضيق
...................
جوه
سيف بينزل عالسلم و عفه بتدخل مالباب عينهم تقابل بعض يبتسموا
سيف / انا همشى الصبح
عفه / خليك حبه
سيف / مش هينفع
عفه / انت مش معاك دواك خليك
سيف / مش عارف اقولك ايه
مصطفى يدخل يسلم على سيف
عفه / بيقول هيمشى الصبح
مصطفى / ليه يا عم حد زعلك فى حاجه
مصطفى يحط ايده على كتف عفه تزق ايده و تنفخ و تسيبهم و تمشى
مصطفى / اصلها بتتكسف
سيف يبتسم
مصطفى/ لا حقيقى
سيف / ربنا يسعدكوا
مصطفى / يارب و يبعد عننا ولاد الحرام
سيف / امين
مصطفى / اوعى تعمل زى خطوبه محمود و متجيش الفرح عفه دى اختك برضه
سيف / باذن الله اكيد هاجى
مصطفى / ماشى اسيبك انا بقى ثوانى خد راحتك دا زى بيتك برضه
سيف / شكرا اكيد
...............
فوق فى اوضه حسن
عفه / شوفلك حل فى مصطفى والله لو مبطل لقول لبابا يطخه و نخلص هو فاكر نفسه ايه
حسن / ليه عمل ايه لحقتوا تتخانقوا
عفه / كل شويه يحط ايده على كتفى هو احنا فين هنا
حسن / هههههههههههههههههههههه مسكين والله الواد مش عارف يعمل ايه
عفه / انت بتدحك على ايه و بعدين ايه حكايه امينه دى انت بجد هتخطبها
حسن / بنت عمى و انا اولى بيها مالغرب
عفه / اولا بيها و لا بارضها من امتى بتتعامل فى الحب و الجواز بالمصالح
حسن / عاوزه تعرفى من امتى يا عفه
عفه / اكيد
حسن / من يوم مبدات احس انك مجبوره على مصطفى
عفه / انا مش مجبوره
حسن / طب عينى فى عينك كدا
عفه / بطل يا حسن انت عارف
حسن / انا اخوكى الكبير و فاهمك انتى مش مقتنعه بيه و لسه لما هتاخدى الشهاده مش هتقتنعى اكتر و هتسبيه بعد ميكون استناكى كل ده
عفه / انت ليه بتكلمنى كدا
حسن / مصطفى بيحاول يكسبك و انتى مش مدياله اى فرصه
عفه / عمرك مهتفهم هو بيتعامل معايا غلط
حسن / بصى يا عفه مالاخر مهياش بيعه و شروه و لا هو حوار فلوس و ارض بس امينه بنت حلال زى ممصطفى كمان ابن حلال و سحر كمان ابوكى له نظره و احنا طول عمرنا بنسمع كلامه
عفه / و انا عمرى مقدر اكسرله كلمه
حسن / بصى يا عفه انا عارف انك رومانسيه و عاوزه تحبى و تدلعى و هو مش كدا بس مصطفى راجل و راجل اوى كمان هو اه مش بتاع ورد و دباديب بس مش هتعرفى قيمته غير لما تكونى فى مشكله هتلاقيه قبلينا كلنا
عفه/ عارفه ابن عمى و عرفاه و عرفه انه راجل و انه ميتعيبش و انا معترضتش عليه بس انا
حسن / مبتحبيهوش معلش بكره مع العشره تحبيه زى مانا مهحب امينه
عفه / على فكره هى بتحبك
حسن / مبخت من يومى حد يطول يا هبله يلاقى حد يحبه فى الزمن ده و يفرط فيه
عفه / شوف انت ودتنى لفين برده ميحطش ايده عليا انا مش مراته و لا مكتوب كتابنا دى حياله قرايه قاتحه افرض مفيش نصيب
حسن / معاكى حق انا هملصلك ودانه
..................
تحت
محمود و سيف و مصطفى قاعدين
محمود / انت بقى اكيد هتحضر فرحى و لا هتعمل زى خطوبتى و متجيش انا اصلا لسه زعلان منك من يوميها
سيف / غصب عنى والله فعلا كنت تعبان
محمود / ملحوقه يا سيدى سلامتك
عفه تنزل و معاها حسن
مصطفى / و انت بتشتغل ايه دلوقت يا سيف و لا انت لسه بتدرس
حسن يروح يقعد معاهم و عفه تدخل تقف ورا ستاره المطبخ حسن يسلم و يقعد
سيف/ هو للاسف طبعا انا لسه بدرس بس انا عندى ويب سيت كدا صغير بسوق فيه يعنى بشترى لقط و ابيعها كدا يعنى كلو اونلاين
مصطفى / و بيكسب الاونلاين ده
سيف / يعنى شغال مش وحش
محمود / اى كان نوع الشغل مدام حلال كويس
مصطفى/ بس سيف معدش صغير و بكره يتجوز و يفتح بيت و لا هو عمى عاصم هيجوزه من معاه
حسن / مصطفى
مصطفى / ايه يا حسن انا بتكلم فى مصلحته مهو مش معنى انه وحيد ابوه و امه ان اهله هيفضلوا يصرفوا عليه العمر كله لا و كمان يصرفوا على مراته
سيف / معاك حق بس للاسف انا موضوع الجواز ده مفتكرش انه ممكن يحصل
محمود / ليه بتقول كدا يا سيف
مصطفى / اكيد بسبب عياه ربنا يزيح عنك يابنى
سيف / يارب عن اذنكوا انا هطلع انام
حسن / ايه يابنى تنام ايه انت لسه صاحى استنى اتعشى معانا دا خالتك فى المطبخ مالصبح و عملالك الاكل المتين
محمود / للاسف احنا هنا بنتغدى متاخر دانا ريحه الملوخيه هتطير عقلى
سيف / بتتغدوا متاخر دا ايه امال اللى كنا بناكله اول مجيت ده كان ايه
مصطفى / هههههههههههههههههه معلش اصله مشفش الاكل الاصلى تلاقيه عايش عالباتيه و البانيه
سيف / اسوء انا عايش عالزبادى اقوم بقى قبل مشوف الاكل و مقدرش اكل منه
مصطفى / قوم يابنى لتتقهر بيقولك زبادى دا اكل عيال يابنى والله خسارتها الفرمه
محمود / بكره يعملها تانى و يعمل احسن منها كمان
هدايه تطلع تلاقى عفه بتتسنط تمسكها من ايدها و تطلع بيها بره
هدايه / الاكل جاهز يا ولاد اغرفلكوا و لا لسه مجوعتوش
مصطفى / اغرفى يا عمتى دا حتى الاكل بتاعك لا يعلى عليه
سيف يقوم يحاول يطلع
عفه / رايح فين يا سيف جابر الزاد
سيف / بجد مش هينفع
عفه / عشان خاطرى لقمه بس و هجيبلك ملين من بابا
سيف / مكانى مش هنا
عفه / عشان خاطرى
سيف / لقمه واحده بس
مصطفى قاعد بيتفرج حسن يحط ايده على رجله مصطفى يبصله
حسن / قوم عشان تاكل
مصطفى / مكفايه عليكوا سيف
حسن / ماشى خليك قاعد انا جعان بالاذن
..............
حسن يقوم يقعد عالاكل و الكل يتلم و عفه واقفه جنب امها بتوزع المنابات و تتاكد ان الكل بياكل
محمود / متعدى تاكلى زى البنى ادمين يا بنتى
عفه / هبقى اكل لما الكل ياكل كل انت بس
عفه تحطله حته بطه
حسن / طب متقعدى تاكلى زى البنى ادمين يا بنتى
عفه / ههههههههههههه اتفضل
عفه تحطله حته هو كمان
هدايه / ايه يا حبيبى متاكل
سيف يبصلها و يتسم
مصطفى / تلاقيه مبيعرفش ياكله اصله مش واخد عالاكل ده المحمر و المشمر يعنى هاتيله شوكه و سكينه يا عفه
سيف / معاك حق انا فعلا مليش خالص فى الاكل ده
عفه / ولا تزعل نفسك انا هفصصلك
عفه تقطع لسيف فطبقه و مصطفى يبص لعمه و هو بيغلى