العفه تقتل احيانا بقلم/ لولو_محمد (كامله)

الجزء الثامن و العشرون +التاسع و العشرون

#lolo
((((((((((((((العفه تقتل احيانا ))))))))))))))))))
الحلقه الثامنه و العشرون + الحلقه التاسعه و العشرون

ايمن يطلع كيسه تانيه
عفه / ماشى ايه المطلوب منى
ايمن يشاور لجعفر يطلع بره و يقعد جنبها
ايمن / الصراحه انا كنت عاوزك لواحد كدا غالى عندى بس لما شوفتك اكتشفت انك خساره فى امه
ايمن يحاول يحط ايده على كتفها تقوم تقف
ايمن / دا تقل دا بقى و لا ايه
عفه تبصله و تبتسم ايمن يقوم وراها
ايمن / بصراحه انا حاسس انى بحلم اصل مستحيل اصدق انك تيجى لحد هنا و بمزاجك و بالبساطه دى
....................
عفه / و انا ايه اللى يخوفنى بين البايع و الشارى يفتح الله
ايمن / هو فى حد يدخل عش الدبابير برجليه برده
عفه / معنديش اهم من سيف
ايمن / اه بس انا ممكن ادحك عليكى و مديكيش الحبوب و ارميكى بعد ماخد اللى انا عاوزه
عفه تبصله و ترفع حاجبها
ايمن / تعجبنى البنت الواثقه من نفسها من يومه محظوظ تفتكرى ممكن الاقى واحده تعمل كدا عشانى
عفه تتنهد
ايمن / حطى البرشام فى شنطتك بقى لتنسيه بصراحه انتى شاطره فى الفصال مع انى كان ممكن ادفع فواحده زيك اكتر
عفه / والله طب و ماله هات
ايمن / ههههههههههههه انتى رهيبه
عفه / لا دانا اعجبك طلع كمان
ايمن يديها كيس كمان
ايمن / مش خساره فيكى
ايمن يحاول يحضنها تزقه و تبعد
ايمن / انا بحب اتشاقى اه بس بزهق بسرعه
عفه تشاور على كاميره فوق
ايمن / يخربيتك انتى لقطيها ازاى متخافيش دى مبتسجلش
عفه / بص اللى اخدته منك تمن ليله واحده مع شخص واحد و ممنوع الفرجه
ايمن يسند عالمكتب و هو مبتسم و رافع حواجبه باندهاش
عفه / خدنى اوضه لوحدينا و اقفل علينا بمفتاح انا مضمنش حد يدخل علينا
ايمن / غالى و الطلب رخيص انا كدا كدا مجهزلك اوضه فوق هتعجبك اوى اوضه هاله هى مش هنا دلوقت لما تيجى هعرفك عليها
عفه / لما تيجى بقى يلا اتفضل
.................
فى اوضه فوق
عفه تدخل تلاقى اوضه كئيبه تبص حواليها و تروح تفتح الستاره تلاقى بلكونه تفتحها و تقف فيها بره ايمن بيتكلم مع اتنين
ايمن / لما سيف يعرف انها هنا اكيد مش هيسكت لو جه مش عاوزه يطلع منها حى
واحد/ ده لو جه
ايمن / لو ايه باللذى حصل محدش يزعجنى
ايمن يدخل الاوضه و يقفل الباب بالمفتاح و يبص على عفه يلاقيها فى البلكونه بتتفرج على حفله شوى و شباب و بنات على حمام سباحه و اخر حلاوه يروح يحضنها من ورا و يحط ايده حوالين وسطها
ايمن / هنا مفيش قيود و لا حدود للمتعه
ايمن يحرك شعرها لورا
عفه / الريحه حلوه اوى
ايمن / مش شامم غير ريحتك انتى
عفه / بص بيشوا تحت
ايمن / هههههههههههه انتى فظيعه ماشى يا احمد اتنين هنا بسرعه
عفه تدخل جوه تفتح الدولاب
ايمن / لو كنت عارف انك جايه كنت جبتلك حاجه جديده
عفه / يفوا بالغرض
عفه تطلع واحد واحد تتفرج عليه و ترميه عالسرير و ايمن يفتح الباب ياخد الاكل يحطه عالترابيزه
عفه / نسيت الباب
ايمن يقوم تانى و يروح يقفل الباب
عفه / تعبتك صح
ايمن / تعبك راحه سموك تعالى قبل ميبرد
عفه / كل انت انا مش جعانه
ايمن يرفع حاجبه
عفه / ايه انا مقولتش هات انا قولت ان الريحه حلوه
ايمن / ماشى
عفه / تدايق لو يعنى اتكلمنا شويه يعنى ناخد على بعض
ايمن / و هو الكلام برده هو اللى هيخلينا ناخد على بعض
عفه / امال هتدينى حبايه من بتوعك لا انا عاوزه ابقى فايقه عاوزه احس بكل حاجه و لا انت واثق انى مش هنبسط
ايمن / هههههههههههههههههههههههههه انتى عندك كام سنه
عفه / سبعتاشر و كام شهر
ايمن / نونو يعنى
عفه / انت ليه عملت كدا فى سيف دا كان بيحبك اوى
ايمن / و انا كمان والله هو انا لو مكنتش بحبه كنت اتمسكت بيه كل ده
عفه / انت هتسرح بيا عربيه بطاطا واقفه فى الشارع انا
ايمن / ماشى يا عفه انا و سيف كنا اعز اصحاب لحد موقعت انا او كنت فاكر انى وقعت هو بقى كان فاكر نفسه احسن منى عمل نفسه واصى عليا زهقنى فى الاول كنت بقول اننا هنبقى سوا بس اللى عمله لما عرف بقى خلانى احلف مليون يمين انى مش هبقى ضعيف تانى مش هسكت تانى و انى هاخد منه حقى تالت و متلت
عفه / و خدت حقك
ايمن / فاضل عالحلو تكه
عفه تقفل البلكونه و الستاره و تطلع اخر قميص فى الدولاب
عفه / حلو ده
ايمن / ميهمنيش غير القالب
عفه تحط ايدها فى شنطتها و تطلع البخاخ و ترش فوش ايمن يصرخ و هو عمال يكح ووشه بقى بنفسجى و هى تغطى على صوته
عفه / بالراحه يا ايمن
ايمن يرجع كام خطوه لورا يخبط فى الترابيزه تلحقه برجل بين رجليه توقعه فى الارض و تلف قميص النوم حوالين رقبته و تشده لوره تجيبه ارض و تربط القميص فى رجل الكومدينو و تحط واحد تانى فى بقه تكتم نفسه بسرعه جدا
عفه / عشان خاطرى بالراحه يا ايمن مش كدا
عفه تجيب قميص تانى بسرعه و تلفه حوالين ايدين ايمن فى الكومدينو بسعه بسرعه و تروح تقف بين رجليه و تديه رجل تانيه و هو بيتلوى تجرى تشد رجله اليمين و تربطها فى السرير و تديله رجل تالته و تمسك رجله الشمال تربطها فى كرسى الترابيزه و تروح تقعد على بطنه و تطلع سكينه من شنطتها
عفه / كفايه يا ايمن وحياه سيف كفايه يا ايمن
عفه تمسك ضهر السكينه و تنزل بيها ففم معده ايمن يصرخ بس صوته مش طالع
عفه بصوت واطى / بتوجع انا لسه ببتدى
ايمن يحاول يفلت مش عارف عفه تقطع زراير قميصه و هى قاعده فوقيه و تعوره بالسكينه ايمن يصرخ
عفه / قولى بتتالم و لا لا عشان انا لسه ببتدى
عفه تديله واحده كمان
عفه / دى عشان سيف
واحده كمان
عفه / و دى عشان هاله
واحده كمان
عفه / و دى عشان افتكرت انى رخيصه و تقدر تشترينى لانت و لا اللى خلفوك
كذا واحده ورا بعض و را بعض
عفه / و دول على كل واحده اذيتها و حولتها لزباله زيك
ايمن يبصلها و يبطل يقاوم
عفه / بيقولوا الانسان محتاج ساعتين عشان جسمه يتصفى انا صحيح معرفش ان كان عندى الوقت دا كلو و لا لا بس لازم يكون موتك بطئ لازم تحس بكل لحظه وجع لازم تحس
عفه تضرب ايمن قلم على وشه
عفه / اوعى تخزلنى و تموت بسرعه فوق معايا كدا انا لسه مختش تارى كل يوم سيف اتالم فيه بسببك تارى لكل دمعه نزلت من عينه بص فى عينى عوزاها تبقى اخر حاجه تشوفها صوتى يبقى اخر حاجه تسمعها مهما حصل بعد كدا ميهمنيش انا هفضل جنبك اتفرج عليك و انت بتموت هتفرج عليك و انت بتتالم مفيش امتع من كدا
عفه تقوم من عليه و تقعد جنبه و تاخد ركبها فى حضنها و الدموع بتنزل من عينها
.....................
فى البيت عند سيف
حسن / احنا جينا و جبنا رجاله معانا كتير هو فى ايه
مصطفى / مش وقته عفه فين
هناء / نايمه فى اوضتها دخلت من شويه لقيتها مستغطيه مرضيتش اصحيها الخضه كانت جامده اوى
مصطفى يجرى على الاوضه
هناء / اخت هاله جت و قالت انها بقالها فتره مختفيه و انها كانت مخطوبه لواحد اكتشفوا ان كل اللى يعرفوه عنه كدب و انها سالت كل اصحابه ماعدا واحد ايمن فاكره
حسن / كان حكالى عنه تقريبا زمان
هناء / سيف نزل بعد متخانق مع عفه و هى بتحاول تمنعه و جه بعدها بكتير كله دم و مش قادر يتحرك و قالنا ان ايمن وصل لهاله و عاوز عفه و قالى استخبى انا و هى و خالك نقله المستشفى
مصطفى يطلع مالاوضه
مصطفى / عفه مش موجوده و سايبه الجواب ده
حسن يمسك الورق و يبص فيه بسرعه حسن يجرى عالاوضه ميلاقيهاش و يلاقى مخدات مكانها عالسرير يقع فى الارض على ركبه و يبص فى الورق تانى
مصطفى / قوم يا حسن مش وقته فين بيت الزفت ده نلحقها
حسن يقوم يجرى على خالته و يسيب الورق مع مصطفى
حسن / فين بيت ايمن فين عفه راحت لايمن هى قايله هتاخد بتارها دى مجنونه رسمى
هناء / يا مصيبتى راحتله ازاى نزلت امتى
مصطفى / هو سيف فين اكيد يعرف عنوانه
هناء تجرى عالتليفون
هناء / الو ....... ايوه يا عاصم اللحقنى عفه راحت لايمن ..... عارفه عارفه سهتنى و نزلت اسال سيف عن عنوانه اخواته هيلحقوها...... يعنى ايه مش هتقدر تفوقه اتصرف يا عاصم اتصرف البت هتضيع
هناء تحدف الموبايل على اخر دراعها و تقعد تعيط مصطفى يحاول ينزل حسن يمنعه
حسن / انت رايح فين
مصطفى / هدور عليها حتى لو فتشت البيوت بيت بيت و شقه شقه
حسن / بطل جنون
مصطفى / و اللى عملته اختك ده مش جنون انا كان قلبى حاسس ان فى حاجه بينهم كنت حاسس انه واد قذر و زباله ادى اخره انك تسيب اختك معاه
حسن / خلاص بقى يا مصطفى مش ناقصك
مصطفى / ودينى و ما اعبد لو الكلب اللى اسمه ايمن لمس منها و لو حتى شعره مش هيكفينى فيه عمر سيف كله انت فاهم
حسن / نلاقيها الاول يا مصطفى نلاقيها و بعدين ندور على اللى هنفش فيه غلنا بس المهم نلاقيها
الباب يخبط
حسن يجرى يفتح محمود يخش
محمود / اتاخرتوا ليه
حسن / عفه مش لاقينها
محمود / يعنى ايه مش لاقينها
محمود يطلع موبايله و يتصل بيها
...................
فى فيلا ايمن
جعفر بيتكلم فى التليفون
جعفر / بنت الكلب....... و انت يا متخلف مطلعتش معاها فى الاسانسير ليه توصلها لحد باب الشقه ...... يعنى ايه قالت هتطلع لوحدها و يعنى ايه بلعت كيس الحبوب كله استلقى وعدك مالملك بقى لما يعرف المصيبه دى...... اقفل يا متخلف
جعفر يقف عالباب الاتنين اللى عالباب يمنعوه
جعفر / هو مش سموه جوه
الاول / منبه لو ايه بالذى حصل محدش يزعجه
التانى / شكله منشكح اوى جوه سامعين صوتها و هى مولعاها
جعفر / ههههههههههههه يجى سى سوفه يشوف اهى دى اللى هتريح الملك بصحيح و تظبط المزاج
الاول / صحيح يا جعفر تفتكر ممكن يخلينا نجرب بعده
جعفر / ههههههههههههههه لما يزهق منها هيرميها زى الباقين اتقل انت بس و هى تجيلك لحد عندك لو خلص و سال عليا قوله سما افورت فى الاسانسير و انا هروح انضف مكانها
................
فى اوضه ايمن
ايمن بينزف و عفه قاعده بتعيط جنبه تليفونها يرن تقوم جرى تجيبه و ترد بس متنطقش
محمود / عفه حبيبتى انتى فين
صوت شحتفه
محمود / قوليلى انتى فين يا حبيبتى لو فبطن الحوت هاجى اجيبك بس قوليلى انتى فين
صوت عياط
محمود / ردى عليا متحرقيش قلب اخوكى عليك يا بت دانا معنديش اغلى منك قوليلى انتى فين و متخافيش اى كان اللى حصل متخافيش
حسن يشد منه الموبايل
حسن / متخافيش يا عفه قوليلى انتى فين احنا هنا فى مصر سمعينى صوتك يا حبيبتى قولى اى حاجه
عفه / انا معرفش انا فين
......................
حسن / طب مش مهم اهدى اهدى ركزى و قولى اى حاجه توصلنا ليكى عارفه زى مكنا بنتفرج فى الافلام سوا شريط قطر مطار اى حاجه
محمود يشد التليفون
محمود / ايه يا توته متخافيش موبايلك فى ايدك افتحى النت و سجلى مكانك عالفيس و احنا هنجيلك
عفه / هموت يا محمود
محمود / متخافيش محدش هيقربلك مش مهم اللى حصل خلينا نساعدك فى اللى جاى يا حبيبتى متخافيش اخواتك هنا
عفه / معاهم مسدسات كتير كبيره
محمود / متخافيش احنا كتير و معانا سلاحنا متخافيش يا بت اخواتك مش هيسيبوكى اعملى زى مقولتلك و متخافيش ماشى
عفه / حاضر
محمود / هكلمك تانى يلا اعملى بسرعه يلا
محمود يقفل السكه و مصطفى قاعد بعيد
حسن / ها ظهر عندك حاجه
محمود /لسه اصبر
مصطفى / اللى حصل النهرده ده مش هيعدى بالساهل
محمود / اخرس محدش يقدر يلمس من اختى شعره
مصطفى / قريت هى كاتبه ايه عرفت هى راحت هناك بمزاجها ليه
محمود / مش عاوزها سيبها احنا عاوزينها لو ايه باللذى حصلها مش هنسيبها
مصطفى / ماشى
محمود / ظهر المكان اجروا
هناء / طمنونى
هناء تقفل الباب بالمفتاح و تقعد تعيط
....................
فى فيلا ايمن
هاله داخله مخنوقه تحاول تدخل اوضتها يمنعوها
هاله / فى ايه
الاول / الملك جوه
هاله / من امتى
التانى / مش تسالى الاول مع مين
هاله / يفرق فى ايه
التانى / دى مزه صاحبك عفه
الاول / صحيح كان هيموت الصبح لما عرف ان الملك عاوزها جت برضاها ههههههههههههههههههههههه
هاله تتجنن و تحاول ترزع عالباب و تصرخ
هاله / افتح يا ايمن حرام عليك دى عيله افتح يا ايمن افتح حرام عليك دى عيله يا ايمن دى عيله ارحمها ابوس ايدك افتح
الاتنين يزقوها بعيد
الاول / روحى اترزعى فى اى حته
هاله / مش هروح فى اى حته سبونى ادخل امنعه حرام عليكوا دى عيله
التانى / عيله مين داحنا اللى عيال دول بقالهم فوق الساعه جوه شغاله الله ينور
هاله / انتوا ايه مبتخافوش ربنا حرام عليكوا افتح يا ايمن افتح حرام عليك
شاب بيجى من تحت
شاب / اللحقوا عربيه نص نقل كسرت البوابه و رجاله كتير هجموا عالفيلا
الاول يخبط عالباب
الاول / اللحق سموك فى خطر
التانى / شكله نايم
التانى يدى للباب كتف يكسره يلاقى ايمن متصفى فى الارض و عفه تقوم تقف و الرعب ماللى عنيها هاله تدخل جرى تحضنها
الاول / دى قتلته اخلع يا محمود
التانى/ على رايك اجرى
التلاته يطلعوا يجروا
هاله / انتى كويسه عمل فيكى حاجه لمسك
عفه تهز راسها لا هاله تبص لايمن نايم فى الارض و السكينه جنبه تمسك السكينه و تنزل فى قلبه طعنات
هاله / موت موت موت الله يحرقك موت بقى حرام عليك موت
مصطفى يدخل الاوضه هاله تقوم تقف قدام عفه و تاخدها وراها مصطفى يقرب منها و ملامح الغضب على وشه و يبص لايمن يخبط رجله برجله مبيتحركش يبص لعفه و هى بتعيط يزق هاله بعيد
هاله / ابعد عنها
مصطفى يرفع ايده على عفه و عينه فى عينها و يمسك ايده و ياخدها فى حضنه
مصطفى / انتى كويسه
عفه بتعيط تهز راسها اه حسن و محمود يدخلوا يجروا ياخدوا عفه فى حضنهم
حسن / انتى اللى عملتى كدا
عفه تهز راسها اه
محمود / هيعدموها يا حسن ؟؟؟
حسن / لو حد سالك قولى انك كنتى مخطوفه انتى فاهمه البوليس زمانه جاى اوعى تقولى انك كنتى هنا بمزاجك انتى فاهمه الكلب ده كان خاطفك ماشى
عفه تهز راسها اه
هاله / انا اللى قتلته انا اللى عملت كل ده هى ملهاش دعوه خدوها من هنا
محمود / يلا يا عفه
حسن / لا هنستنى البوليس عفه كانت مخطوفه هنا بصماتها فى كل حته و احنا جينا نعمل ايه
مصطفى يحط ايده فى جيبه و يطلع اعتراف عفه يبص عليه و يدخله فى جيبه تانى البوليس يجى و يطلعوا كلهم على القسم
..................
فى النيابه بعد فتره
عفه تخرج من مكتب ومعاها حسن
محمود / عملتوا ايه
حسن / كلو تمام هاله اعترفت ان هى اللى عملت كل ده و ان عفه كانت مخطوفه هناك
مصطفى / كويس كدا عفه هتروح
حسن / ايوه كلها بس اجراءات
عفه / هى هاله كدا هيجرالها ايه
مصطفى / و احنا مالنا متخليكى فى حالك كفايه اوى اللى حصل لحد كدا
حسن / اهدى يا عم كتر خيرها برده لولاها عفه كانت راحت
مصطفى / طب نعملها ايه يعنى دى بت شمال كل اللى بيجى من ورا سيف مفيش فيه خير و اديك شايف اختك قربت منه حبه جرالها ايه المدمن بتاع المخدرات قال عيان و دوا و صعب علينا و كان فاضلنا شويه و نشحت عليه
عفه تروح تقف فى جنب و تعيط محمود يروح يقف جنبها
محمود / انتى صحيح ليه عملتى كدا يا عفه ليه عرضتى نفسك للخطر ده كنتى استنتينا نيجى ناخدك مكنش كل ده حصل
عفه / اقولك ايه يا محمود مش هتفهم
محمود / يابت دانا اخوكى حد هيفهمك قدى
عفه / مكنش ينفع ارجع البلد و اسيب سيف انت مشوفتوش كان بيتوجع ازاى كان لازم اخد حقى و حقه كان لازم انتقم
محمود / وطى صوتك بس يعنى انتى مالك
عفه / مالى ازاى مش جوزى
محمود يمسكها من ايدها و عنيه بره وشه
عفه / بحبه يا محمود بحبه من و انا عيله قد كدا و عمرى مهقدر اكون لغيره مع انه رفضنى قالى انى منفعلوش بس انا مقدرتش اكون لغيره
محمود يسيبها
عفه / تعبت و انا بحاول اتخيل نفسى مع مصطفى كان الموت عندى اهون على انى اكون مع حد غير سيف و مدام كدا هموت و كدا هموت يبقى مينفعش اسيب ايمن عايش مينفعش اسيبه ياذى غيرى هاله ذنبها ايه لو مكنش سيف حزرنى
محمود / سيف هو السبب لو مكنتيش قريبه سيف مكنش حاجه حصلت
عفه / لا كان هيحصل لو مكنش ايمن فى غيره ازاى واحد فى السن ده يبقى فى الجباروت ده اكيد فى حد كبير وراه حد منعرفوش حد اكيد مش هيسكت على اللى حصل
حسن يروح يقف معاهم
محمود / انت سبت مصطفى لوحده
حسن / هيسافر اسكندريه يقعد هناك لحد ميهدى لانه مش طايق نفسه مصطفى قرى الجواب اللى كنتى سيباه لماما
محمود / جواب ايه
حسن / عفه كاتبه اعتراف قد ايه بتحب سيف و قد ايه مبتحبش مصطفى تخيل
محمود / و سبته يمشى دا مجنون و ممكن يعمل مصيبه
حسن / مقدرتش امنعه هو فضل ماسك نفسه لحد مطمن ان عفه هتخرج بالسلامه و بعدين مشى
محمود / طب مقالكش هيرجع امتى
حسن / لا المشكله ان الورق اللى معاه لو اتقدم للنيابه عفه هتروح فى ستين داهيه
محمود / عمره مهياذيها
حسن / تفتكر
محمود / اه بكره تشوف مصطفى عمره مهياذى عفه
حسن / ربنا يستر
................
فى البلد
عربيه تركن قدام البيت
حسن / احنا مقولنالكيش عشان مكناش عاوزين نزود همومك لحد متطلعى ماللى انتى فيه
عفه / فى ايه خير
محمود / بابا لما درى باللى حصل مستحملش ووقع
عفه / انت بتقول ايه
حسن / اهدى انتى بس و خشى راضيه و كلو هيبقى تمام
عفه تدخل البيت تلاقى ابوها قاعد و مديها ضهره تجرى تقعد تحت رجليه و تبوس ايده ميبصلهاش
عفه / انا اسفه يا بابا والله كان غصب عنى انا عمرى مهزعلك تانى ابدا
سلامه / انتى متخيله لو كان جرالك حاجه كلنا كان هيجرالنا ايه انا كان هيجرالى ايه
عفه / انا اسفه سامحنى
سلامه يمسك ايدها و يرفعها لفوق فى حضنه و هى بتعيط و يطبط عليها
..................
بعد فتره فى السجن
عفه و حسن قاعدين فى مكتب المامور
المامور / انا اسف جدا مش عارف اقولكوا ايه بس للاسف هاله انتحرت امبارح
عفه / لا مستحيل
المامور / لقوها شانقه نفسها فى الحمام الصبح
عفه / دى اكيد اتقتلت هما اكيد قتلوها هما اللى قتلوها
حسن / اهدى يا عفه
عفه / هما اللى قتلوها يا حسن اخر زياره كانت كويسه قتلوها عشان بلغت عنهم و قالت اساميهم كلهم
حسن / عفه اهدى بس
عفه / هاله منتحرتش يا حسن منتحرتش هاله اتقتلت انا متاكده
المامور / انا هسيبكوا لوحدكوا شويه لحد مهى تهدى
حسن / عفه انا عارف ان الموقف صعب عليكى بس لعله خير
عفه ترفع عينها كلها دموع تبصله
حسن / ربنا اداكى عمر جديد باللى هاله عملته قومى عشان نروح نستقبل سيف خارج النهرده مالمصحه قومى معايا زمانه واحشك
عفه تبصله و عنيها بتلمع و تمسح دموعها و تقوم
..................
قدام المصحه
عاصم و هناء مسندين سيف
سيف / انا كويس يا جماعه اقدر امشى لوحدى
هناء / على فكره عفه زمانها جايه
سيف / عفه ؟؟
عاصم / انا مش حكيتلك هى عملت ايه عشانك
سيف / هى فين فين
سيف يبص يمين و شمال عربيه تركن و ينزل منها حسن و عفه و عفه تجرى على سيف ياخدها فى حضنه و يلف بيها و بعدين يشوف حسن وراها ينزلها و يلم نفسه حسن يبتسم و يهز راسه لا
عفه / انت خفيت خلاص صح
سيف / الحمد لله و الفضل ليكى
عفه تبتسم و تحط ايدها حوالين دراعه و تتنيله دراعه انجاجيه و سيف مبتسملها اوى و بعدين يفتكر حاجه و يتفزع
سيف / جلال قصدى جعفر ؟؟؟؟
حسن / قبضوا عليه كل البنات اللى اتمسكوا فى الفيلا شهدوا عليه
عفه / طب ايه هنطلع عالماذون و لا ايه
هناء / هههههههههههههه يخربيتك يا عفه ايه اللى بتقوليه ده
حسن / يخربيت شطانك
..................
الناحيه التانيه عربيه راكنه
مصطفى ماسك المسدس و بيقلبه يمين و شمال ينزل مالعربيه و يقف يتفرج على عفه و سيف و هما بيدحكوا و يروحلهم و يحط المسدس فى دماغ سيف الابتسامه اللى على وش سيف و عفه تروح نظره ثقه على وش مصطفى و معاها صوت طلقتين
..................