العفه تقتل احيانا بقلم/ لولو_محمد (كامله)

الجزء السادس و العشرون

#lolo #لولو_محمد
(((((((((((((((((((((((((((العفه تقتل احيانا)))))))))))))))))))))))))))
الحلقه السادسه و العشرون

سيف / سعر ايه خلصنى عاوز زياده ماشى هات بدول و المره الجايه
ايمن / مفيش دلوقت و مفيش مره جايه
سيف / قصدك ايه
ايمن / بص انت حبيبى و مش هخبى عليك انا فى مشكله كبيره اوى و انت بس اللى تقدر تحلهالى
سيف / طب هات الحبوب الاول و بعدين نتكلم
ايمن / مقولتلك فى مشكله فى السعر
سيف / اللى عاوزه هتاخده انجز
...............
ايمن / للدرجادى يا سيف بس خليك فاكر اللى انا عاوزه هاخده
ايمن يحدف لسيف كيس حبوب زى كل مره يقع فى الارض سيف يوطى يجيبه ايمن يتك على زرار تحت المكتب الباب يتفتح و يدخل جعفر و اتنين بودى جارد سيف يستغرب و يبص لايمن
ايمن / انا قدمت السبت و اديتك البضاعه فاضل انت تدفع
سيف / عاوز كام
سيف بيفتح الكيس عشان ياخد حبايه
ايمن / عفه
سيف يسيب الكيس و يهجم على ايمن التلاته التانين يمسكوه و يثبتوه فى الارض
سيف / عفه ايه يابن الكلب اللى تفكر تقرب منها اصلا
ايمن يطلع منديل قماش من جيبه و يحشره فى بق سيف يسكته
ايمن / اسمعنى انا فى واحد حبيبى بيدفع كتير اوى عشان ليله و لا اتنين مع بنت بس هو انف اوى مبيحبش ياكل مطرح حد يعنى كبيره اوى يكون حاجه تانى استعمال و بيبقى على عينه والله و انا مبحبش ازعله
سيف يحاول يقوم و هما دايسين عليه
ايمن / انا هستلفها منك ساعتين زمن بس ساعتين يا سيف انت عمرك مبخلت عليا بحاجه و انا ماشى معاك دوغرى و داخل البيت من بابه و يا سيدى انا مش هزعلك خد الكيس المرادى ببلاش
سيف يحاول يقوم و يصرخ فيه بس صوته مكتوم
ايمن / بتقول حاجه يا حبيبى مش سامعك على صوتك
جعفر / يمكن السعر مش عاجبه سموك و بصراحه البت تستاهل
ايمن / يا خساره كلكوا شوفتوها الا انا ملحوقه ماشى يا سيف انا هخلينى كريم معاك هديك تموين الشهر و كمان هديك حاجه حلوه يومين يعنى شوفت انا هاخد عفه ساعتين و انت هتاخد هديتك يومين
سيف مبيتحركش و نفسه عالى ايمن يشيل المنديل سيف يتف فوشه ايمن يقوم يمسح وشه و التلاته ينزلوا فيه ضرب بالرجول
ايمن / طب على الاقل استنى اما تشوف هديتك يمكن تعجبك
جعفر يقوم يفتح الباب و تدخل هاله لابسه شمال و شعرها مغطى ملامحها و باصه فى الارض ايمن يروحلها و يرفع شعرها من على وشها و يحرك وشها ناحيه سيف هاله تصرخ
هاله / سيف لا حرام عليك انت بتعمل فيه ايه
هاله تحاول تجرى على سيف جعفر يمسكها من شعرها سيف يبص عليها و يصرخ فى ايمن
سيف / و دينى لاقتلك يا ايمن هقتلك يابن الكلب
ايمن يحشرله المنديل تانى و هاله بتعيط
ايمن / انت لسه بتحبها بصراحه كل اللى جربها بيرجع يطلبها تانى بت لوز الصراحه و بعدين هى فى الاصل بتاعتك و متغلاش عليك ماشى يا سوفه يا حبيب قلبى انا عند كلمتى خدها يومين و خد الكيس بتاعك و متحاولش ترفع السعر انا مديك اعلى سعر فى السوق حتى اسال هاله هى كلها على بعضها مكلفتنيش اكتر من عشر تلاف بس متقلقش بعتها بخمسين اصلها كانت مستعمله
سيف عنيه بتطق شرار لايمن ايمن يروح ناحيه هاله
ايمن / مشهد مؤثر اوى مش كدا
هاله / سيبه يا ايمن سيبه ابوس ايدك انا بتاعتك اعمل فيا كل اللى انت عاوزه هعملك كل اللى انت عاوزه بس سيبه يمشى
ايمن / اسيب مين هو دخول الحمام زى خروجه هو انا خاطفه دا هو اللى جاى برجليه
ايمن يضير لسيف و يرجعله
ايمن / بص يا سيف يا حبيبى مالاخر كدا انت غالى عندى اوى عشان كدا انا ماشى معاك بالادب و بستاذن لكن انت اصلك متعرفنيش لما بدايق معنديش عزيز
سيف يحاول يقوم بس مش عارف يفلت منهم و الوجع ماسكه
ايمن / اسمع يا سيف فى راجل مهم اوى جاى كمان يومين بصراحه هو اللى ممشيلى شوغلى كله  زى مقولتلك و انا وعدته بعفه و ميرضيكش يا صحبى اطلع صغير قدامه فانت قدامك من هنا لحد ميجى تفكر يا عفه تيجى تسهرلها سهرايه حلوه كدا مع الراجل و تبسطه و تروحه مبسوط تيجى بعد ميخلص تستلمها و تستلم الحبوب و فوقيهم هاله يومين هديه التالت هبعت جعفر يستلمها سبوه يمشى
يشدو سيف يقوموه و يجى لحد الباب و يفلت و يرجع يوقع ايمن فى الارض و ينزل فيه ضرب يشدوه فى الارض و ينزلوا فوقيه ضرب ايمن يقوم يقف بنرفزه
ايمن / انت نسيت نفسك يا حليتها و لا ايه فوق دانا ادفنك مكانك حى و مخليش الدبان الازرق يعرفلك طريق جره
سيف / هقتلك يا ايمن و دينى لاقتلك
جعفر يحشر المنديل فبق سيف
ايمن / اسمع بقى بلا ادب بلا قرف انت هتدفع تمن اللى انت عملته ده غالى اوى و يكون فى علمك نفس السرير اللى حبيبتك نامت عليه عفه هتنام عليه و لو الراجل منبسطش امك بزات نفسها هتنام عليه و انا قادر اجيبها لحد هنا و بمزاجها و مش بعيد السيد الوالد هو اللى يجيبهالى ملفوفه لفه جاتوهات
سيف يحاول يتحرك مش قادر
ايمن / خليها تيجى منك احسن عشان تبقى حبيبى الست الوالده كبيره و مش حمل بهدله مع انى لسه شايفها بالصدفه من يومين سبحان الله يا جعفر شوف كبيره بس لسه مزه الفلوس بقى يا جدع
جعفر / ليها سوقها برده يا باشا
ايمن / مبتغلبش انت يا جعفر
جعفر / اهم حاجه نرضى الزبون سموك
ايمن / طب و دى نسميها ايه هنيا حلو اوى الاسم ده سوفه ابن هنيا طب والنبى عسل بس هسمى عفه ايه يا جعفر
هاله / ابوس ايدك يا ايمن حرام عليك دى لسه عيله
ايمن / هى ايه دخلها فى الحوار دى هى مش كان معاها زبون فوق دى يلا يا ماما على شغلك يلا يا حبيبتى و الا و شرف امى لابعتك فسحه تانيه و انتى عارفه هيحصلك ايه هناك
هاله توطى على رجليه تبوسها و سيف يصرخ بصوت مكتوم
هاله / اعمل فيا اللى انت عاوزه بس سيبه يمشى سيبه يمشى ابوس رجلك ابوس رجلك يا ايمن
ايمن يبص لسيف فمنتهى الانشكاح و سيف بيعيط ايمن يروح يمسح دموعه سيف يبصله فى عنيه
ايمن / انا فعلا هسيبه يمشى امال مين هيجيب عفه بقولك ايه يا جعفر
جعفر / اؤمر سموك
ايمن/ انت مش كان نفسك من زمان تضربه خده اللعب معاه شويه اقرص ودنه بس خليه يعرف ان الله حق بس اياك انا بقولك اهو اياك يموت
هاله / لا يا ايمن ابوس ايدك ابوس رجلك يا ايمن حرام عليك
ايمن يوطى عليها
ايمن / سمعت ان هند نزلت مصر
هاله / لا يا ايمن حرام عليك بقى يا اخى انت ايه شيطان
ايمن / روحى شوفى شغلك و خليكى فى حالك احسن
هاله تبص لسيف يهز راسه لا و هما ماسكينه جامد هاله تعيط و تمشى و عينه عليها
ايمن / متعبه بس عليها الطلب خده من وشى يا جعفر
......................
فى البيت عند سيف
عفه تقوم من عالارض و هى مرهقه اوى باب الشقه يتفتح هناء تدخل تلاقى الشقه مبهدله و عفه طالعه مالمطبخ طالع عينها تجرى عليها
هناء / ايه اللى حصل فين سيف
عفه / مش عارفه باينه نزل
هناء / هو اللى عمل فيكى كدا انتى كويسه مالك
عفه / كان عاوز ينزل يدور على هاله حاولت امنعه بس مقدرتش فنزل
هناء / ياربى طب مكلمتنيش ليه
عفه / انا مفوقتش غير دلوقت
هناء / يا حبيبتى حقك عليا مكنتيش وقفتيله يا عفه انتى عارفه انه مش طبيعى حقك عليا يا بنتى اما اتصل بخالك يجى يشوف الكارثه دى ياربى هو احنا ناقصين ياربى بقى
هناء تمسك التليفون و تتصل بعاصم
.....................
فى الفيلا عند ايمن
سما / لا طبعا عمرى مهعمل كدا
ايمن / جرا ايه يا بت انتى هتصيعى عليا داحنا دافنينه سوا
سما / انا بعمل ده لمزاجى مع اللى يعجبنى انا منكرش بس مش عشان الفلوس بص يا ايمن مالاخر كدا انا مش واحده ماللى انت مشغلهم عن اذنك
ايمن / انا مسمحتلكيش تمشى على فكره
سما / انا مش شايفه كلام تانى ممكن يتقال
ايمن / لا فى كلام كتير اوى اولا يا بطه انا مبيتقاليش لا انا اه مؤدب و بطلب اللى انا عاوزه بادب بس اللى بيقولى لا بديله فوق نفوخه و سبحان الله مش مترتبه هوريكى صاحبك لما قالى لا عملت فيه ايه و بكره هتشوفيه و هو بيعمل اللى انا عاوزه زى الكلب
سما / صاحبى مين
ايمن / تعالى افرجك
ايمن ياخد سما و ينزلوا سلم للبدروم تلاقى سيف متعلق فى جنش و مربوط و بينزف و فى اتنين نازلين فيه ضرب ايمن يقرب و يمسك راسه و يبص فى عينه سيف مش قادر يفتحها و يسيبها تانى تقع و تبص فى الارض
ايمن / قولتلك متافورش يا جعفر خلى اى حد يوصله ارموه قدام باب بيته عاوز اهله يشوفوه
جعفر يشاور للرجاله يفكوه يقع فى الارض يسندوه و يمشوه و ملامح الرعب و الصدمه على وش سما
ايمن / انا مش بخوفك انا بس مبخدعكيش و بعدين لو انتى مش عاوزه بلاش بس هاتى بديل
سما / بديل ايه
ايمن / واحده مكانك بس تكون حلوه زيك كدا اقولك هاتى عفه انتى مبتحبيهاش و اهى برده شكل جديد روحى هاتيها و تعالى
سما / انت بتطلب منى ايه مش هقدر اعمل اللى انت بتطلبه ده
ايمن / الله معاكى انا مش عارف اريحك و اللى انا مبعرفش اريحه بديه لجعفر يريحه و هو شاطر اوى فى الحاجات دى
سما تبص لجعفر و هى مرعوبه و ترجع تبص لايمن
ايمن / بصى دى حفله صغيره شويه عيال فى كليه هتروحى و تنبسطى معاهم كانك هنا بالظبط و جعفر هيديكى علبه المزاج دى توصليها و عيشى
سما تمسك العلبه من جعفر و تبصلها و تبص لايمن
ايمن / و تجيبى الفلوس و انتى راجعه مش هتعرفى قولى انا عارف انها اول مره و مبتبقاش سهله بس كلنا عارفين قد ايه انتى شاطره و هتقدرى ترفعى راسى و تشرفينى مش عاوزه بسيطه روحى هاتى عفه
سما مبتردش
ايمن / انتى مكبره الموضوع ليه يا سوما راجل زى اى راجل و بعدين انتى واحده صاحبه مزاج و انا مش هبعتك عند راجل عجوز او معوق لا قدر الله دى حفله و انتى ام الحفلات
سما ساكته ايمن يضير و يضربها بالقلم على وشها يوقعها
ايمن / جرا ايه يا ولاد الكلب محدش بيسمع الكلام ليه هو انا هتحايل عليكى متردى ياختى هتعملى ايه
سما ساكته و مش عارفه ترد
جعفر / افسحها سموك
ايمن / لا لا سما دى حبيبتى سمو الاميره هتسمع الكلام ابعت معاها عربيه توصلها الشقه و خليهم يستنوها ترجع
سما تعيط
ايمن / لا لا لا مقدرش انا على الدموع الحلوه دى بضعف بصى يا سما انا عارف انك خايفه منى و عارف انك مش عاوزه بس يا ستى اعمل ده عشان خاطر بابى بره ميوصلوش صورك و انتى يعنى بصراحه صورك مش كلها حلوه يعنى انتى فاهمه
سما / انت كنت بتصورنى
ايمن / هههههههههههههههه انتى كنتى فاكره نفسك بتسهرى فى مكتبه الطفل متبصى حواليكى يا شاطره و لعلمك نص الصور دى واخدها من اكرم
سما تبصله
ايمن / يلا يا شاطره اطلعى فوق و اللبسيلك حته حلوه و اظبطى شعرك و مكياجك و العربيه مستنياكى يلا يا قطه عشان احبك و اسالى جعفر انا اللى بحبه بعمل معاه ايه
جعفر / بيدلعه
ايمن / و انتى بتموتى فى الدلع يلا بقى هيصى
سما تمشى مع جعفر لفوق و ايمن يبص فى الارض يلاقى بقعه دم مطرح سيف يوطى عليها و يعوص ايده منها و يشمها
ايمن / طب والله جميل حتى دمك ريحته حلوه يابن الكلب
.......................
فى البيت عند سيف
عاصم / راح فين يعنى عربيته تحت
عفه مفلوقه عياط جرس الباب يضرب تجرى تفتح البواب مسند سيف و هو غرقان دم عفه تصرخ على اخرها و عاصم يجرى يسند سيف لجوه و هناء تجرى عليه
هناء / مالك يا حبيبى مين عمل فيك كدا
سيف/ خدى عفه و روحوا البلد روحوا البلد
عفه تجرى على اوضتها و تجيب علبه من تحت الدولاب و تجرى على سيف
عفه / الدوا اهو خد حبايه هترتاح شويه
سيف/ بابا ساعدنى
عاصم / مين اللى عمل فيك كدا
سيف / بابا انا مدمن و لازم اخف ايمن عاوز عفه متخليهوش ياخدها
عاصم / مدمن
سيف / كلم حسن خليهم يجوا ياخدوا عفه و ماما البلد وصل لهاله ايمن وصل لهاله
عفه/ خدها يا سيف هتريحك
عاصم يضرب العلبه من ايد عفه يشحترها بعيد و يمسك التليفون
عاصم / ابعتلى عربيه عندى عالبيت ..... ايوه عندى عالبيت بسرعه .... سيف بصلى سيف
سيف مش قادر يفتح عينه عاصم يروح يبص عالحبوب فى الارض
عاصم / مورفين
عاصم يروح للبواب و يديله فلوس وورقه بيكتبها
عاصم / انا عاوز الحقنه دى مالصيدليه حالا
البواب ينزل يجرى
.................