العفه تقتل احيانا بقلم/ لولو_محمد (كامله)

الجزء الثامن عشر

#lolo
#لولو_محمد
((((((((((العفه تقتل احيانا )))))))))))))
الحلقه الثامنه عشر

عفه متردش السلام و الكل يرد
مصطفى / و انا اللى كنت جاى احدد معاد ننزل فيه كلنا مصر نجيب الشبكه
الكل يبصله
مصطفى / ايه يا جدعان مراتى و لو مدلعتش عليا تدلع على مين هى بس تاشر و انا اوافق علاطول
حسن / يا مغير الاحوال
مصطفى / جرا ايه يا عم حسن انا بس كنت خايف سحر تزعل عشان يعنى البنات هيجيبوا من مصر و هى  جابت من هنا
محمود / ياعم مش هتزعل انا هراضيها
....................
مصطفى / مانا لما اطمنت قولت و ماله ناخد العربيات و ننزل بكره اليوم من اوله نروح بدرى نجيب الشبكتين و نروح نتغدى فى مطعم عالنيل و بالليل ناجر مركب و نعملها ليله و نرجع لما ننبسط
هدايه / والله يابنى عداك العيب و ازح
مصطفى / انا كل اللى يهمنى ان عفه تبقى مبسوطه
عفه تهز راسها
حسن / ماشى بكره باذن الله نسافر كلنا
مصطفى / امال سيف فين
عفه / نايم هو بيصحى عالعصر
محمود / هو مين اللى نايم دا سافر مصر مالنجمه
عفه / و انت ازاى تسيبه يسافر منغير مياكل لقمه 
حسن / والله مسكنا فيه قال انه لازم يمشى و انه فضل امبارح عشان حلفنا عليه و اننا واحشينه بس هو لا معاه غيار و الدوا اللى معاه مش هيكفيه فسبناه
عفه / كداب انتوا سبتوه يمشى عشان اللى حصل امبارح و هو احرج منكوا مش بعيد تكونوا كرشتوه كمان
سلامه / فى ايه يا عفه كلمى اخوكى الكبير بادب
هدايه / اهدى يا حج هى متقصدش هى بس قاعده عندهم هناك و خايفه ترجع يلموها و لا حاجه
محمود / والله مسكنا فيه مرضاش
عفه / ماشى انا طالعه اوضتى انا منمتش امبارح
هدايه / و ماله كلى لقمه و اشبعى نوم عشان تبقى منوره بكره يا عروسه
عفه تبص لامها و تطلع اوضتها
مصطفى / البنات دول الواحد لو قاد صوابعه العشره شمع مش هيعرف يرضيهم
محمود / كلهم قطعيه واحده و حياتك اما اروح اكلم اختك اما اشوف هتقول ايه على حوار مصر ده
حسن / انا طالع اجيب حاجه من فوق ثوانى
حسن يطلع و محمود يمشى بعيد
سلامه / تعال يا مصطفى نبص عالمزرعه
سلامه و مصطفى يمشوا
......................
فى اوضه عفه
عفه نايمه عالسرير بتعيط حسن يدخل عليها و يحضنها
حسن / فى ايه يا بت مالك
عفه / مفيش مخنوقه شويه
حسن / ايه بس اللى خانقك مكل اللى بتطلبيه بنفذه علاطول
عفه / انا اسفه انى رفعت صوتى عليك
حسن / عدت خلاص انا مش جاى اعاتبك انا جاى اطمن عليكى
عفه / ربنا يخليك ليا يا حسن انت غالى عندى اوى و انت عارف
حسن / مش اغلى منك يا مفعوصه انتى يابت دانتى الغاليه
عفه / هو انا وحشه يا حسن
حسن / دانتى مزه المزز طب ياريت كنت الاقى فى جمالك
عفه / كنت عملت ايه
حسن / كنت هعمل ايه يعنى ههههههههههههه برده كنت هتجوز امينه
عفه / حتى لو مبتحبهاش
حسن / يادى الحب اللى اكل دماغك يا بنتى اكبرى الحب ده مش موجود غير فى الافلام عشان كدا اسمها افلام اى واحد عاوز يظبط واحده يقولها بحبك الهبل بس اللى بيصدقوا فيه
عفه / لا موجود
حسن / لو مكنتش اخوكى كنتى هتحبينى
عفه / اكيد لا
حسن / بالظبط الحب محتاج مبرر يعنى لازم يكون اخوكى ابوكى عمك خالك جوزك
عفه / لا
حسن / الرابط بيجى الاول و بعده بيجى الحب
عفه / مش شرط
حسن / لا شرط
عفه / ممكن بس لا مش شرط هو اه فى كل العلاقات بس الجواز لا لانه العلاقه الوحيده اللى ممكن تتقطع بالطلاق
حسن / اعوذ بالله
عفه / الطلاق حلال
حسن / ابغض الحلال يعنى وحش
عفه / بس احتمال وارد
حسن / لظروفه ربنا ميكتبه علينا اسمعى يا عفه انا عمرى مهاذيكى و لا اضللك انا فاهم انتى حاسه بايه
عفه / بجد
حسن / انتى خايفه و ده عادى الخوف ده جوانا كلنا بس احنا لازم نتعامل معاه و نسيطر عليه احنا اقوى منه و رينى عضلاتك كدا
عفه تتنى دراعها و حسن يضغط عليها
حسن / لا بسم الله ما شاء الله فظيعه و لا عضلات الضفاضع انتى اخر مره كلتى امتى
عفه تزغده و يدحكوا سوا و ياخدها فى حضنه
حسن / ربنا يهديكى و يلجم شيطانك و يبعد عنك ولاد الحرام
......................
تانى يوم فى شقه سيف
هناء / طب والله كنت ازعل بقى تنزلوا مصر و متجوش تزرونى يعنى لولا انى بكلمكوا بالصدفه كنتوا رجعتوا
هدايه / لا والله كنا هنكلمك تيجى تسهرى معانا بالليل
هناء / اسكتى خالص كفايه انكوا اتغديتوا بره هتتعشوا عندى
حسن / بقولك ايه يا خالتوا متقوميش علينا البنات دلوقت يقولوا عاوزين فسحه تانيه فى النيل احنا وعدناهم و انتى عرفاهم عيال و بيشبطوا
عفه / على فكره اللى هناك دى اوضتى
هناء/ وحشتيها البيت والله ناقصها اوى البت دى
سلامه / دا يادوب امبارح
هناء / والله يا حج انت اصلك متعرفش البيت ده بقاله سنين هادى بتسمع فيه دبه النمله لما عفه جت قعدت معانا الروح رجعتله و اول مبتمشى بيرجع يضلم تانى
سلامه / امال الدكتور عاصم فين
هناء / فى التليفزيون بيصوروا معاه حلقه عن الادمان و اعراضه و المركز الجديد
هدايه / الله طب و انتى قاعده كدا متفتحى نتفرج عليه
هناء / الحلقه مسجله لما هيجوا يزيعوها هقولك تتفرجى عليها
هدايه / باذن الله
مصطفى / امال سيف فين
هناء / نايم يا حبيبى من امبارح من ساعه مجه مخرجش من اوضته غير عالحمام
مصطفى / ربنا يشفيه
هناء/ يارب
................
بعد فتره فى البلد
هدايه / يا عفه بت يا عفه تعالى خالك فى التليفزيون انزلى يا بت بسرعه اتفرجى معايا
عفه تنزل جرى تقعد جنب امها يتفرجوا عالتليفزيون
المزيعه / النهرده معانا احد اكبر علامه الطب النفسى فى مصر مدير مركز بدايه جديده لعلاج الادمان و اللى بيعد من اكبر و اشهر المراكز فى مصر و هنتكلم النهرده ازاى تعرف كل اسره ان كان فى حد من افراد اسرتها مدمن و ازاى تتعامل معاه معانا و معاكم النهرده فى حلقه من سلسله حلقات عن المخدرات الدكتور عاصم عبد المعز استاذ و رئيس قسم الطب النفسى فى جامعه القاهره اهلا و سهلا يا دكتور
عاصم / اهلا بيكى
المزيعه / نحب نبدا بسؤال مهم جدا ايه هى انواع المخدرات فى مصر و يا ترى هل تختلف الاعراض من مخدر للتانى
عاصم / بسم الله الرحمن الرحيم طبعا المخدرات فى مصر للاسف انواع كتير و لكل نوع اعراض و طرق علاج مختلفه و هى بتنقسم لمجموعات حشيش و مرجوانا و مخدرات مهدئه و مخدرات محفزه زى الكوكايين و مواد مهلوسه زى ال اس د و المواد المستنشقه العطريه زى الصمغ مثلا و المسكنات و المهدئات الطبيه زى المورفين
المذيعه / و يا ترى اعراض كل واحد منهم ايه
عاصم / بالنسبه للحشيش فاعراضه شعور عال بالادراك البصرى و السمعى و التذوق ضعف فى الذاكره و صعوبه فى التركيز و التناسق الحركى و زياده ضغط الدم و طبعا زياده معدل ضربات القلب بيبقى فى احمرار فى العينين زياده فى الشهيه و جنون العظمه  اما بالنسبه للمواد المنشطه زى الامفيتامين و الكوكايين و الميثيل قينيديت فدى بتدى المتعاطى شهوه و بيصاحبها اكتاب و ارق احتقان الانف و بتسبب اضرار فى الغشاء المخاطى للانف و طبعا بنلاحظ على المتعاطى فقدان فى الوزن و برده جنون العظمه و زياده معدل ضربات القلب و ضغط الدم و درجه الحراره
المذيعه / طب و بالنسبه للمهدئات
عاصم / هى بتكون زى البابيتيورات و البنزوديازينين و دى بقى بتبقى العكس نعاس و دوخه و مشاكل فى الذاكره و اكتئاب و تباطؤ فى التنفس و انخفاض فى ضغط الدم و ارتباك و صعوبه فى التناسق الحركى و فى طبعا مسكنات مخدره زى المورفين و الكودايين و اللى غالبا بتتاخد كبديل فى حاله عدم توافر الهيروين فدى بتسبب ارتباك و تباطؤ فى التنفس انخفاض الشعور بالالم و بيصاحبها امساك
المذيعه / تمام طب اعرف منين ان الشخص اللى قدامى مدمن
عاصم / بيبقى فى تغير مفاجئ فى حياته زى غياب متكرر و انقطاع عن العمل و الدراسه فبالتالى المستوى الدراسى او حتى فى الشغل بيقل بشكل واضح بيخرج فترات طويله و يتاخر بره البيت بالليل كتير    بيتعامل بسريه و تزيد خصوصيته مزاجه بيبقى متقلب مبيهتمش بمظهره عصبى جدا و بيتعصب لاتفه سبب بيهرب مالمسؤليه و التجمع بتزيد طلباته للفلوس بنلاحظ ان اصحابه اتغيروا و بيميل للوحده اكيد فقدان الوزن نتيجه فقدان الشهيه
المذيعه / دى اكيد معلومات قيمه جدا بس السؤال الاهم و اللى هنتكلم عنه فى حلقتنا اكتر المورفينات اللى هى المفروض ادويه بتتوصف للمريض بعد اى عمليه جراحيه انا اكيد اخدت منها ازاى بتتحول من دواء لداء
عاصم / بدون التطرق لتاريخ المورفين لازم نتكلم عن تاثيره الاول المورفين بيتعامل مع الجهاز المركزى العصبى و بيسبب الهدوء و النوم و طبعا مسكن قوى عشان كدا بيستخدم فى العمليات او بعض الحالات بس لازم ننبه انه لازم يكون تحت اشراف طبى ناس كتير جدا بيتعاطوا المورفينات كمسكنات بدون اشراف طبى و مبياخدوش بالهم انهم اصبحوا عبيد للماده دى غير بعد فوات الاوان و الجرعه مع الوقت بتبدا تزيد لان تاثيره بيقل و طبعا اعراض انسحابه هى اللى بتخليه يدخل فى خانه الادمان لانها الحقيقه بتكون صعبه
المذيعه / قبل مندخل فى اعراض الانسحاب و طرق العلاج لازم نتكلم الاول بشكل اكتر تفصيل عن الاعراض عشان الناس تاخد بالها اكتر من مدمن المورفين
عاصم / المدمن بيبقى متوتر و بيعرق كتير و بيبقى فى ارتجاف او رعشه و طبعا القلق و الاكتئاب و لو عنده حسسيه فبيبقى فى طفح جلدى و كمان عطس مستمر و طبعا لو زادت الجرعه ممكن تسبب لتسمم و ده قاتل لانه بيسبب غيبوبه شديده ضيق شديد فى حدقه العين تباطؤ التنفس و انخفاض فى ضربات القلب شحوب فى الجلد و ينتهى بشلل فى المراكز العصبيه يؤدى للوفاه
المذيعه / ربنا يحفظنا و ياترى ايه هى طرق العلاج من المورفين
عاصم / اهم حاجه انها تكون تحت اشراف طبى كامل لان اعراض الانسحاب خطيره جدا و لازم طبعا نتكلم عنها و هى بتتقسم لتلت مراحل الاولى بتبقى من 6 ل14 ساعه من وقت اخر جرعه و دى بيبقى المدمن محتاج جدا الجرعه بتاعته و بيتشنج و يعرق و عصبى بعدها بقى من الساعه ال14 للساعه 18 بتبقى المرحله التانيه و دى بيبقى فيها اسهال شديد و ارق زياده فى ضربات القلب رشح شديد و اكتاب شديد طبعا
المذيعه / طب و بالنسبه للمرحله التالته
عاصم / دى اخطر مرحله و بيبقى اعراضها شديده جدا و هى بتبدا من الساعه 48 للساعه 96من وقت تعاطى المدمن لاخر جرعه و بتهداء فى اليوم التامن لليوم الاتناشر
المذيعه / و ياترى العلاج بيكون ازاى
عاصم / العلاج بيكون دوائى و بيكون كمان نفسى عشان نعرف هو ليه ادمن من الاصل و نضمن عدم حدوث اى انتكاسات و ساعات بنوصف مضادات الاكتئاب لحد منعدى المرحله الاولى بس لازم تحت اشراف طبى عشان منقعش فى خطر الادمان المركب انه يبقى مدمن الاتنين و احنا الحمد لله مستعدين لاستقبال اى حاله فى سريه تامه
المذيعه / شكرا جدا دكتور عاصم عبد المعز فعلا كانت حلقه غنيه جدا بالمعلومات و باذن الله نشوف حضرتك الاسبوع الجاى و نتكلم عن الحشيش و المريجوانا و اعراضهم و طرق علاجهم
عاصم / باذن الله انا كمان كنت سعيد جدا بالحوار و احب فى النهايه انى انبه على كل اب و ام انهم ياخدوا بالهم من عيالهم جدا المخدرات خطر يهدد الاسره و المجتمع و لو اى حد شاكك لمجرد الشك ان اى حد من اهله و احبائه مدمن لازم يتدخل فورا و يكلمنا و احنا باذن الله هنعمل كل اللى بنقدر عليه عشان نساعده
................