العفه تقتل احيانا بقلم/ لولو_محمد (كامله)

الجزء السابع

#lolo #لولو_محمد
(((((((((((((((العفه تقتل احيانا )))))))))))))))
الحلقه السابعه

فى الكليه
انجى / كلمتك امبارح كنتى مشغوله بتكلمى مين بقى
عفه / خطيبى كان بيطمن عليا
انجى / اموت انا انتى اصلك متعرفيش انا قد ايه بحب الرومانسيه دى تلاقيها قصه حب من العيار التقيل احكيلى عرفتيه ازاى كان بيستناكى على باب المدرسه
عفه / لا طبعا
.......................
انجى / ابن الجيران
عفه / ابن عمى
انجى / واو بجد يعنى حب طفوله و حركات ايوه بقى
عفه / انتى علاطول كدا
انجى / علاطول ايه
عفه / يعنى كل حاجه بتبهرك كدا
طارق يدخل / علاطول بت مافوره
انجى / رخم قوليلى يا عفه انتى ايه اللى بيبهرك
عفه / عادى اى حاجه مش متوقعه جميله
طارق / لا نعيد صياغه السؤال امتى اخر مره انبهرتى
عفه / النهرده الصبح
سما لابسه نضاره شمس تدخل هى و البنت و الولد التانين
انجى / صح النوم
سما / متفكرنيش انا لسه مفوقتش اصلا
انجى / مفوقتيش ايه احنا الضهر
سما / كنت فى حته بارتى امبارح فاجره
انجى / يا كلبه و لا قولتيلى
سما / انا كنت زهقانه اتصلت بالعيال و روحنا بس مقولكيش متتوصفش
طارق / فين دى
سما / عند اكرم الكومى
عفه / قريبك ده
سما / هبقى اعرفك عليه ده بقى الدماغ العاليه كلها
طارق / واحد حياته كلها حفلات و سهر و كدا يعنى
عفه / اه
سما / بس انتى حقيقى محتاجه تتعرفى عليه هيفكك خالص
تليفون عفه يرن عفه تتنطر تقوم تقف و تروح بعيد
عفه / سيف خير فى حاجه خالتو فيها حاجه
سيف / وش الكابه ظهر اهو بتعملى ايه
عفه / خلصنا المحاضره و قاعدين فاضيين
سيف / مروحتيش ليه
عفه / بيقولوا فى محاضره تانيه كمان ساعتين
سيف / انا فى الكليه انتى فين بقى
عفه / انت هنا بتعمل ايه
سيف/ لقيت نفسى زهقان قولت اجى اتسلى
عفه / طيب تعال انا هقولك انا فين
....................
عفه ترجع جنب صحابها
انجى / مصطفى
عفه / لا سيف
سما / مصطفى و سيف جرا ايه يا قطه دانا معملتهاش
عفه / دا ابن خالتى
سما / مين فيهم
سيف يدخل لابس قميص مكوى لبنى كم و مشمر كمامه شيك على بنطالون جينز تلجى و نضاره شمس و كوتش
عفه / سيف ابن خالتى 
سما توطى على البت التانيه
سما /ايه الموز ده بنت الايه و عامله مغمضه
التانيه تدحك
طارق/ اهلا سيف انت دخلت اذاى
سيف / عندى بادج الجامعه على عربيتى فدخلت مالبوابه عادى
سيف يشاور على عربيه بى ام دابليو احدث موديل سوده
انجى/ دى عربيتك
سيف / اه
عفه / طب تعال اقعد
طارق / تقعد فين ياعم بقولك ايه انا عاوز اتصور جنبها
سيف يحدفله المفتاح طارق يشقطه و هو مستغرب
سيف / اتصور جواها صحيح يا عفه مش هتعرفينى على صحابك الجداد
سما / قولى سوما
سيف / ماشى
التالته / سيرين
عفه / انجى و اللى فى العربيه طارق
الولد/ طه
سيف / سيف عاصم
سما / اسم موسيقى
سيف / عفه خلينى اخمن العادى سماوى
عفه / ايه
سيف / حلو اللبنى اللى انا لابسه بقولك العادى سماوى
عفه / اه هههههههههههههه اه
سيف / باين اوى
عفه / هههههههههههههههه
سيف / بيبانوا والله مانا كنت هموت و اشوف شكل القميص عليا طلع عادى جدا
تليفون عفه يرن
عفه / عن اذنكوا
عفه تقوم
سيف / انتوا تعرفوا بعض من زمان
انجى / طارق يبقى ابن عمى اعرفه من يوم متولدت و سما جاره سيرين و سيرين تبقى بنت عم طه اللى هو صاحب طارق ههههههههههههههههههه
سيف / حلو اوى
سما / انت بتشتغل ايه
سيف / ببيع و اشترى
سما / بزنس مان يعنى
سيف / لا انا على قدى
عفه ترجع و هى مخنوقه سيف يبصلها تبتسم
سما / مين يا مزه
عفه / مصطفى خطيبى
انجى / يا سيدى عالحب سهرانه طول الليل تكلميه و تصحى الصبح يكلمك ايوه بقى
طارق يرجع و يحدف المفاتيح لسيف ميتحركش عفه تمد ايدها و تمسكها قبل متخبط فوش سيف
سيرين / واو
عفه / حظ
سما / بس انت متحركتش خالص
سيف / مستنى ملاكى يحرسنى ايه الملل ده انا كنت فاكر انى هاجى افك هنا انا همشى بقى سعيد انى اتعرفت عليكوا
سما / لحقت تزهق مننا
سيف / و هو انتوا يتزهق منكوا برده
طارق / طب متيجوا نخلع نروح نصيع فى اى حته مين بيهتم باول محاضره اصلا
عفه / انا بهتم
سما / بوووووووووووووو
سيف / انا كنت بهتم
سما / مش باين عليك
سيف / الكحل بتاعك سايح تاخدى وايبس
سما تجرى على شنطتها و تطلع المرايه و تبص و سيرين جنبها
سيف / انا هروح اشرب قهوه فى الكافيتريا روحى يا ست عفه شوفى محاضرتك و لما تخلصى كلمينى اروحك
عفه / اوك
انجى / انا هاجى معاكى استنى
...........................
فى فيلا ايمن
ايمن / يعنى ايه ياخويا مش لاقيلها سكه
جعفر / اهدى معاليك البت ملهاش صحاب خالص من البيت للشغل و مالشغل للبيت حتى زمايلها فى الشغل صباح الخير يا جارى انت فحالك و انا فحالى
ايمن / زعلتنى والله يا جعفر بقى حته بت زى دى تعصى عليك
جعفر / هى اى واحده سموك و بعدين البت فاهمه الفوله مهى مقروصه قبل كدا و بعدين هى فيها ايه عن اى بنت تانيه طب بزمتك البنات اللى جبتهم اخر مره مش برقبتها
ايمن / كلو الا دى كل البنات فى كوم و دى بقى كوم تانى طب تعرف اهى البت دى يوم مهتيجى هعمل ليله كبيره اوى صحيح اخبار سيف ايه
جعفر / خرج النهرده خد البى ام و طلع على اعلام
ايمن / خرج من جحره يعنى و ماله خليك وراه انا مش عاوزه يفلت من تحت عنيكوا ثانيه عاوز اعرف عنه كل جديد لحظه بلحظه و من بعيد اياكوا يحس بحاجه
جعفر / امر سموك
...................
فى الكافيتريا
سيف قاعد بيشرب قهوه سما تروح تقعد معاه
سما / صعبت عليا قولت اجى اسليك
سيف / تنورى تشربى حاجه
سما تطلع سجاره و تشربها
سيف / انتى هتشربيها هنا عادى
سما / انت بتشربها فى الحمام و لا ايه
سيف / مبشربهاش خالص
سما / شكلك بيقول انك سهران طول الليل
سيف / يعنى حاجه زى كدا
سما/ انا اصلى بحب الحفلات اوى كنت سهران فين بقى يا برنس
سيف / فى البيت
سما / و دى تبقى سهره دى
سيف / امال انتى بتسهرى فين
سما / حيث يكون المرح
سيف / انتى اولى صح
سما/ كلاكيت تانى مره
سيف / انا قولت كدا برضه
................