العفه تقتل احيانا بقلم/ لولو_محمد (كامله)

الجزء الثامن

#lolo #لولو_محمد
(((((((((((((العفه تقتل احيانا )))))))))
الحلقه الثامنه

سما / و دى تبقى سهره دى
سيف / امال انتى بتسهرى فين
سما / حيث يكون المرح
سيف / انتى اولى صح
سما/ كلاكيت تانى مره
سيف / انا قولت كدا برضه
................
سما / تحب تتمشى شويه
سيف / انا مستنى عفه
سما / بس دى مخطوبه
سيف / ههههههههههههههه لا انا قصدى اروحها
سما / طب مهو السواق ممكن يروحها انت شاغل نفسك بيها ليه
سيف / انتى باباكى بيشتغل ايه
سما / بابا فى الكويت بيشتغل فى شركه بترول هناك هو مهندس
سيف / و ماما طبعا معاه و ملكيش اخوات
سما / لا ليا بس لسه صغير فى المدرسه هناك
سيف/ و قاعده هنا مع مين بقى
سما / لوحدى
سيف / و مبسوطه بقى
سما / جدا بخرج و بتفسح و بعمل كل اللى نفسى فيه و لا حد بقى يخنقنى و لا حد يقولى انتى رايحه فين و لا جايه منين عايشه يابنى
عفه و انجى يدخلوا
سما / لحقتوا تخلصوا
انجى / مطولناش دكتوره زى العسل عرفتنا بنفسها و فهمتنا النظام و طلبت مننا نعمل بحث و نسلمه الاسبوع الجاى عشان نتعلم ندور عالمعلومه
سما / يادى الملل
سيف / تروحى يا عفه
سما / هو انت ممكن توصلنى فى طريقك يا سيف لو سمحت
سيف / اه عادى مفيش مشكله
طارق يدخل / طه روح ها هتعملوا ايه
انجى / هنروح بقى
عفه / اشوفكوا بكره بقى متتاخريش يا انجى
سيف / طب متيجى اوصلكوا و لا معاكوا عربيه
طارق / مش عاوز اتعبك هناخد تاكس
سيف / بتعرف تسوق
طارق / اه معايا رخصه
سيف / خلاص سوق بينا
سيف يحدفله المفتاح طارق يشقطه
سيف / ثوانى انا ليا دوا باخده هجيب مايه ونمشى علاطول
سيف يمشى
انجى / دوا ايه
عفه / مضاد اكتاب
سما / اه طبعا و ماله
سيف يرجع و الكل يمشى
.................
فى العربيه
طارق سايق ووراه عفه جنبها انجى و جنبها سما ورا سيف
طارق / عربيه فاجره
سيف / بابا جبهالى هديه فى عيد ميلادى السنه اللى فاتت
طارق / متسلفنى ابوك ده شويه
سيف / هتبيع ابوك عشان حته عربيه
طارق / ابيع نفسى بذات نفسى
انجى / انت متجبش بس ابوك يجيب
سما  / اوبا رد بقى يا سى طارق
طارق / مش فاضى ارد انا مستمتع
سما تعدى ايدها من جنب كرسى سيف ناحيه الباب و تلمسه سيف و لا كان فى حاجه و يميل راسه و يبص عليها فى المرايه اللى جنبوا
طارق / انت بتلعب فى المرايه ليه يا سيف مش شايف
سيف / زهقان عندك اتنين غيرها عيش
طارق / بقولك ايه اظبطها لحسن لو جلت منى بفوره
سيف / نزل البنات منها و اقلبنا لو عاوز
عفه / بعد الشر
............................
فى شقه فى منطقه شعبى
باب شقه يتفتح و تدخل شابه ست كبيره قاعده بتقطع فاصوليا
الست / انتى جيتى يا هاله
هاله / اه يا ماما خلصت اخيرا و جيت
الست / اتاخرتى ليه يا هاله
هاله / شيماء بتاعه بالليل مجتش فالدكتور قعدنى مكانها لحد ميخلص
الست/ ايوه مانتى قولتى فى التليفون بس انا قولت هيقعدك ساعه اتنين دانتى هناك من تسعه الصبح هو فى ايه
هاله / اعمل ايه يعنى يا ماما مهو على يدك
الست / يلا منه لله كلتى حاجه طيب
هاله / والله على لقمه الفطار
الست / طب خشى غيرى هدومك و انا هسخنلك الاكل
هاله / امال على فين
الست / نايم انا عارفه اختك دى هتفضل كدا لحد امتى
هاله / هتعمل ايه يعنى مهو على عينها يعنى هى عاوزه تبعد عن ضناها يعنى
الست / انا بقول بهدله هنا بهدله هناك و ترجع هى و جوزها بقى مالغربه دى و تقعد جنب ابنها ان شالله حتى تقعد معانا هنا
هاله / فين يا امى فى اوضتى
الست / و ماله ان شالله ياخدوا اوضتى و انا انام جنبك و لو تقيله عليكى انام فى الصاله بس بنتى ترجع فى حضنى تانى
هاله / انا مقصدش يا ماما انتى عارفه انا تعبانه طول النهار فى المكتب لما ورمت
الست / و لا يهمك يا حبيبتى
.......................
فى البيت
هناء / بسم الله ما شاء الله بركاتك يا عفه سيف لاول مره يخرج من اوضته الصبح
سيف / عديها عشان اكررها
هناء / سكت خالص انا هروح اسخنلكوا الاكل
هناء تمشى
عفه / انت ايه اللى جابك
سيف / بصى كلمه ورد غطاها اللى اسمها سما دى لا تعرفيها و لا تكلميها حتى بوق الميه من ايدها متشربيهوش انتى فاهمه
عفه/ حاضر
سيف / ايه ده بالبساطه دى حاضر ايه مفيش شخصيه و لا ايه
عفه / يعنى هى تيجى ايه فى غلاوتك عندى عشان ازعلك عشان خاطرها
سيف / لا بس على الاقل جادلى اسالى ليه اقولك انها بت شمال و انى عارف الاشكال دى كويس
عفه / عارفهم منين
سيف / هه
عفه / تعرف الاشكال الشمال كويس منين انت
سيف / جرا ايه يا عفه انتى هتردى عليا السؤال بسؤال انجرى غيرى هدومك انا ناقصك عالمسا
سيف يدخل اوضته
....................
فى فيلا ايمن
ايمن / مين دى
جعفر / لسه منعرفش سموك
ايمن / امال انت شغلتك هنا ايه
جعفر / انا مش ساكت معاليك اول معرف هبلغك
ايمن / حلوه
جعفر / احمد بيقول قمر
ايمن / نخور وراها عاوز اعرف كل حاجه عنها
جعفر / انت مكبر الموضوع ليه معاليك ميمكن جارته ولا حاجه مهو مستحيل هيجيب واحده فى بيت ابوه و امه و هما موجودين الحبوب بتعمل دماغ بس كدا افور
ايمن / حتى لو جارته ينزل متشيك و يروحلها الكليه و يروحها ليه و هى دى نفس البنت اللى خدها جابلها حاجات قبل كدا صح ؟؟
باب المكتب يتفتح و تدخل بنت شمال و معاها واحد خليجى ايمن يجرى من عالمكتب
ايمن / اتمنى نكون نولنا الرضا
الخليجى / لا والله يا ايمن تعبتنى عالاخر عالاخر
ايمن / ازاى بس الشيخ بيشتكى منك ليه يا بت هو اكمنى مبمدش ايدى على بنات
جعفر يلطشها الم  تجيب دم من بقها
الخليجى / لا يا ايمن منغير ضرب هى عرفت غلطها
ايمن / مظبوط
البنت تهز راسها و هى بتعيط
ايمن / و غلاوه الغاليه امك شكوى كمان منك و هزعلك و انتى يا بطه مشوفتيش قلبتى..... خدها من وشى ..... متزعلش معاليك فى غيرها كتير
الخليجى / حسابك وصلك يا ايمن
ايمن / هو فى حد بيعد ورا سموك
الخليجى / انا هسافر لما ارجع
ايمن / هتلاقيها فى انتظارك
الخيلجى / عاوزها وصايه يا ايمن بالله عليك
ايمن / اكسترا جنابك
........................
فى البيت عند عفه
سيف فى المكتب بيشرب قهوه و فاتح اللاب عفه تدخل راسها مالباب
عفه / سيف انت رايق و لا امشى
سيف / ههههههههههههه تعالى
عفه تدخل
عفه / انت بتفهم فى النت
سيف / عاوزه ايه
عفه / مطلوب منى بحث عن تاريخ الاعلام فى مصر
سيف / تعالى
سيف يقوم يقعد عالكنبه و هى قاعده جنبه
سيف / ممكن فنجان قهوه تانى
عفه / دا رابع فنجان قهوه النهرده
سيف / الدوا بينيمنى و انا زهقت مالنوم يا عفه لو مبتعرفيش قولى مبعرفش و خلاص
عفه/ حاضر ثوانى
عفه تقوم و ترجع معاها القهوه
....................