الحلقه السادسه عشر
إبراهيم يقول ياسين ناض الحمد الله يارب الحمد الله وهوا مقعمز على الأرض ويشكر في ربه
إبتسام تبكي وخلاص قعمزت جنب إبراهيم وقعد يتغمر فيها ويبكوا😭
الدكتور قعد يتفحص فيه وطلب من الممرضه اديرله شوية تحاليل وعنده صوره على الرأس لازم يديرها
طلع الدكتور وقال لي إبراهيم وإبتسام تعالو معاي شويه
مشي الدكتور لغرفته ومشوا معاه إبراهيم وإبتسام
الدكتور :الحمد الله وضعه تحسن هلبه مزال شوية تحاليل بنشوف نتيجتهم وعنده صوره على رأسه بنديرهوله وكان طلع كل شي تمام تقدروا ترجعوا للبييا وأنتم مطمنين
إبراهيم :بارك الله فيك يادكتور
الدكتور :ولو هذا واجبي
وصل سراج لي مصر وتلاقاء هوا وجواد وحكاله على لي صاير في الشركات والأمور لي متلخبطه
(جواد هذا صديق سراج ويشتغل معاه هو من ليبيا من بنغازي شرقاوي يعني هو طويل وعيونه خضر وأبيض وشعره بني وجسمه متوسط عنده 3 خوات و2 خوت وأمه وبوه عايشين هما في الشرق وهو في مصرعليشان شغله وهو بناوتي هلبه يعني يحب لبنات وكل يوم مع وحده جديده )
إتصلت إبتسام بي شاهين وحكتله لي صار وشاهين حكي لي أماني وأميمه وفرحوا قريب طاروا من الفرحه
حنين مقعمزه على الصالون تتفرج على التلفزيون جتها مرح ورتلها الأيفون والساعه وقالتلها هدية عيد ميلادي من سراج لأنه سافر وعيد ميلادي بكرى
شويه وجت فرح وحكت لي أمه أن ياسين وضعه تحسن وأن إبتسام تسلم عليها شافت فرح الأيفون في يد مرح
فرح :😲منين هذا يافرخه وريني محلاه باهي ياماما تعرفي لي من تشري 😡
مرح :هدية عيد ميلادي 😂
فرح :أنا في عيد ميلادي شريتيلي ساعه 😠حي على الساعه إماله باهي ياماما تعرفي لي من تشري
مرح "😂😂😂😂😂😂😂مش من ماما من سراج
فرح :نعم 😰 باهي مبروك عليك
مرح :الله يبارك فيك
فرح :وين غاده ؟؟
مرح :مشفتهاش اليوم بكل
حنين :مش عاجبني وضعها هالبنت مكلت شي اليوم بكل ومبتش تنوض طول الوقت وهي راقده
فرح :😞😞تو نشوفها خيرها أنا
طلعت نتيجة تحاليل ياسين والدكتور طمنهم وقاللهم كل شي تمام ودخلونه عنده صوره علي رأسه
بعد ربع ساعه طلع الدكتور جوا إبراهيم وإبتسام للدكتور
إبراهيم :شي صار يادكتور طمنه على وضعه ؟
الدكتور قعد يشوفلهم وساكت
إبتسام :الله يخليك قول شن في قلبي بيوقف يادكتور 😢😢
الدكتور :ألف مبروك وضعه تمام وكل شي 100%وتقدروا تروحوا حتي من توا
إبراهيم :بارك الله فيك يادكتور
إبتسام تبكي وخلاص خشوا لي ياسين وقعدوا يهدرزوا معاه وحكوله أن وضعه تمام وأنهم بيرجعوا لي ليبيا بعد بكرى
ياسين يضحك وجوه يهبل وفرحان أنه ببرجع لي فرح لأنه مشتاقلها هلبه حاس روحه انه ليه سنين عليها
ركبت فرح لي دار غاده تخبط عليها الباب مبتش تفتح
فرح :أفتحي ياغاده أنا فرح
فتحت فرح الباب وجت جنب غاده تكلم فيها مبتش ترد عليها قعدت تحرك فيها مافيش أي ردت فعل كأنها ميته البنت
قعدت فرح تعيط وج......... . .. 😱😭😭😭😭😭😭 ...... ...................................
إلي اللقاء للحلقه القادمه
للكاتبه :(نسرين محمد )
💔💔💔💔💔💔💔💔💔💔💔
