الحلقه التانيه
تخبطت هي وياسين
فرح :أنا أسفه 😦
ياسين :لا عادي شن جوك يافرح وشن جو لقرايا
فرح :تمام شن جوك أنت
ياسين :تمام سلام طالع عندي شغل
فرح :سلام
فرح مغرور عليش شايف حالك شن فيك زايد عن الشباب 😡😡
ياسين شايف روحه هلبه ومايحبش لبنات بكل هو طويل وأسمر وعيونه سود وشعره أسود ورقيق ويشتغل مهندس عمره 27سنه
خشت فرح لقت أمها ومرت عمها إبتسام يديرن في لعشاء مشت في جنب جداها
فرح :شن جوك جديده
فاطمه :بلهون حالها جديدتك يافروحه
فرح :خيرك جديده سلامتك
فاطمه :ديما قاعده بروحي مايعلموا بيا ميته وإلا حيه تعالي فروحه خليك معانا أنا وجدك وأقري قرايتك بي هدوء فكرى وشوفي أهلك منجبركش أنا على راحتك يابنيتي
فرح :😳تو نشوف ونقولك جديده
فاطمه :سلمها حبيبة قلبي 😚
مشت فرح للصاله لقت أماني مقعمزه على الصالون قعمزت جنبها وقعدن يهدرزن وجو باقي لبنات وقعدوا يتفرجوا ويهدرزوا ويضحكوا والجو يهبل
جهاد :أمي أنا طالع
سعاد :وين ماشي ياوليدي راجي تعشاء قبل ؟
جهاد :بنمشي لمحمد قالي تعالي نتعشوا جميع وعندنا قرايا
سعاد :باهي ربي يوفقك ياوليدي سلام
جهاد:سلام
محمد وجهاد صحاب من الإبتدائي ويقروا جميع وهما يقروا في نفس كلية فرح كلية الطب ومحمد هذا يكون ولد خال فرح
جهاد :اهلين حميده شن الجو
محمد :تمام هي تفضل
خش جهاد وتعشوا وقعدوا يقروا لأن إمتحانتهم قريب
واتن حنين وإبتسام لعشاء وتعشوا وناضت فرح للكوجينه أضم فيها وباقي لبنات في الصاله يهدرزن
كملت فرح الكوجينه وجايه بتطلع خش ياسين
فرح :بسم الله
ياسين :خيرك 😂
فرح :وقفتلي قلبي
ياسين :سلامت قلبك ياقلبي ❤❤
فرح :😲😳😳
طلعت تجرى للدار وسيباته في الكوجينه
فرح معقوله انه يحبني لا لا هذا واحد مغرور وماليشي علاقه بالحب باهي كان طلع يحبني حقه لالا ميحبنيش
خليني نطلع عن مايحس بيا حد
غسلت وجهه وطلعت لقتهم مقعمزين في الصاله قعمزت
ياسين خش للصاله
السلام عليكم كيف حالك ياعمتي
حنين :وعليكم السلام بخير ياوليدي كيف حالك أنت
ياسين :شاف لي فرح وقال بأحسن حالاتي اليوم وغمزلها
فرح وجهه راح أحمر 😳
ياسين :أنا جعان مافيش عشاء ؟؟
حنين :فرح نوضي ديريله عشاء
فرح قعدت تشبح لأمها وناضت
خشت للكوجينه وناض ياسين وراها
فرح :شن تبي نديرلك ؟؟
ياسين :قرب منها وقاللها نبي .............
إلي اللقاء في الحلقه القادمه
للكاتبه :(نسرين محمد )
💜💜💜💜💜💜💜💜💜💜💜
