الحلقه الرابعه والعشرون
وهي طالعه من الكوجينه تشوف سراج جايها وقفت في مكانها مش مصدقه شي تحساب روحها تحلم قعدت واقفه في مكانها جي سراج قرب منها
سراج :مرح كيف حالك
مرح :😢😢 بخير
سراج :مرح أنتي فهمتيني غلط وأنا جاي بنحكيلك كل شي
مرح :شن بتقول
سراج :أمك في الصاله هي وصاحبي يهدرزوا تعالي نقعمزوا في جنان
مرح :باهي
طلعوا قعمزوا برا وقعدوا يشوفوا لي بعض وخلاص مرح قعدت تبكي قعد سراج يمسحلها في دموعها ويهدي فيها
سراج :مرح
مرح :نعم
سراج :أنا نحبك ونموت فيك وأنتي كل شي في حياتي وأنا كذبت عليك قلتلك إني خطبت قلت كان تحبني تو تغار عليا
مرح :😢قصدك أنك مخطبتش
سراج :ايه مخطبتش لكن توا بنخطب أحلي بنوته في الدنيا كلها
مرح :من هي 😳
سراج :أنتي ياهبله
مرح :😊
سراج :خلاص أمسحي دموعك وتعالي داخل ديريلنا قهوه
مرح :حاضر
خش سراج لي صاله وقعد يهدرز مع حنين وجواد دارتلهم مرح قهوه
كملت فرح محاضراتها واتصلت بي ياسين يجي يروح بيها شويه وجي ياسين ركبت فرح ومشوا خدوا غاده روحوا بيها معاهم
وصلوا للحوش نزلت غاده
فرح :حبيبي أنزل تغداء عندنا
ياسين :مره تانيه فروحه
فرح :أرجوك 😯
ياسين :باهي ياروحي حاضر
نزلو ياسين وفرح
خشت غاده للصاله لقت أمها وسراج وجواد سلمت عليهم جواد محولش عيونه من على غاده شويه وخشت فرح وياسين سلموا وقعمز ياسين معاهم
سراج :خلاص أنا بنستأذن
حنين :وين لا مافيش تغدوا معانا قبل
سراج :مره تانيه ان شاء الله
حنين :والله مانك طالع لين تتغداء عندنا قبل
مشت حنين للكوجينه قعدت توتي في لغداء ومعاها مرح
مشن غاده وفرح غيرن حوايجهن ونزلن مع أمهن
حنين مدايره لغداء كسكسي ومرح مدايره مسير ودارت سلاطه وفرح وغاده دارن كيكه وحطنها في الكوشه داروا لغداء كسكسي ومسير وسلاطه وبيبسي والفواكه
في الصاله ياسين وسراج وجواد يهدرزوا ويتعرفوا على بعض
وتولهم لغداء في المربوعه بعدين مشوا للمربوعه تغدوا
بعد لغداء وتت غاده الكيكه والقهوه وطلعت
طلع جواد
تلقت غاده هي وجواد
جواد :😍اهلين
غاده :اهلا 😳تفضل
جواد خدي طرف كيكه وقعد يأكل فيه 🍰ويشوف لي غاده وسارح في جمالها
غاده تحشمت وقالتله خدوها مني الصفره
جواد :خيرك مستعجله انتي 😆ممكن سوال
غاده :شني تفضل
جواد :انتي مرتبطه ؟
غاده :طارتلها وتعفلقت حطت السفره وخشت تجرى لدارها لأنها أذكرت داني الخاين
جواد :طارتله حتي هو يحسابها حمقت منه دخل السفره وشربوا القهوه ورواحو
في الليل مقعمزين في الصاله يتفرجوا على التلفزيون تليفون حنين يتصل
حنين :ألو
:السلام عليكم
حنين :وعليكم السلام مني معاي ؟؟
:أنا .........
إلي اللقاء في الحلقه القادمه
للكاتبه :نسرين محمد
💛💛💛💛💛💛💛💛💛💛💛
