الحلقه التامنه والتلاتون
سمعتهن حنين جت تجري
حنين فتحت الباب بالقوه كسراته لقو مرح
طايحه في الحمام قعدوا يبكو معاش عرفوا شن إديروا طبتها حنين وحطتها على سرير مشت فرح تجرى اتصلت بي ياسين
فرح :ألو ياسين بالله تعالي فيسع مرح مش عارفه خيرها لقينها طايحه في لحمام 😭😭
ياسين :باهي شويه وجاي
شويه وجي ياسين مشت معاه فرح وحنين وغاده قعدت مع خوتها
دخلو مرح للمستشفي وخشلها الدكتور وبعد نص ساعه طلع
حنين :طمني يادكتور على بنتي خيرها 😢😢
الدكتور :الحمد الله على سلامتها هي تاعبه هلبه ومتأكلش ومحصله صدمه قويه صايرلها انهيار عصبي اعطيتها إبرة مهدي وركبنالها تغديه وفي شويه أدويه لازم تأخدهم وبعد تتحسن شوي لازم تعرضوها على طبيب نفسي لأن حالتها صعبه ولو متعلجتش بتصعب أكتر
حنين :يانارى بنيتي صغيره 😭😭😭
ياسين:باهي بارك الله فيك يادكتور
فرح :😢😢
الدكتور :وفيك بارك الله هذا واجبي 😊
ياسين :خلاص يامرت عمي معاش تعذبي نفسك الحمد الله قال الدكتور انها بخير وان شاء الله تتحسن وترجع زي قبل واحسن
فرح :مرح قويه وان شاء الله بتتحسن
حنين :ان شاااااااء الله يااااارب
بعد ساعتين⌚
ياسين :مرت عمي أنتي تاعبه خليني نروح بيك وتريحي هي مش راح تنوض اليوم وغضوه نجيبك من الصبح
حنين :لالا شن بتقعد بروحها 😡😡
ياسين :انا وفرح معاها
حنين :لالا خليني ياوليدي 😢
فرح :بالله روحي تريحي ياماما وكلمتني غاده وقالت أن احمد ومحمد مرقدوش بكل خايفين
حنين :باهي بنروح لكن من الصبح تجيبني
ياسين اكيدا ان شاء الله
وصل ياسين حنين للحوش وخدي حوايج لي فرح من الحوش وطلع مشي خدي حاجات يأكلوهن وجي للمستشفي
فرح راقده على الكرسي لي جنب مرح جي ياسين قعمز قدامها ومسك إيديها ويكلم فيها
ياسين :فرح يافرحة عمرى وسنيني حبيبتي نوضي
فرح فتحت عيونها
فرح :جيت حبيبي 😦
ياسين :ايه توا كيف جيت خلي أختك متريحه تعالى برا
فرح :باهي حاضر هي
حنين روحت للحوش طمنت أحمد ومحمد وخشوا رقدوا خشت هي دوشت وصلت وخدت المصحف وقعدت تقرا
غاده تهدرز هي وجواد وحكتله عن حالة مرح
جواد :مسكينه هالمرح من يوم عرفتها وهي حزينه
غاده :الله غالب هذا قدرنا ماما طول الوقت وهي مقهوره وحزينه من لي داراء فيها لي مايتسمي ومرح حتي هي تتعذب من حبها لسراج هي تحبه أكتر ماتتخيل اصلا هي مريضه لأنها سيباته بس تكابر 😢😢وهذا كله بسبب لي مايتسمي وأختي فرح قداش ليها مقريا فاتحتها وكل مره يتأجل العرس وتصير حاجه حتي هو بسبب لي مايتسمي وقعدت تعيط 😭😭😭😭😭😭😭😭جواد يهدي فيها بس هي نار والعه في قلبها تشوف في هلها يتعذبوا قدامها 😭😭
جواد :بالله حبيبتي خلاص الا دموعك والله لميدفع التمن غالي ومرح راح تتحسن وترجع لي سراج وأنا وأنتي بنحلوا الموضوع هذا وبنفرحوا بي فرح وياسين وأمك لما تشوفكن فرحنات هي تفرح وتنسي كل شي وأنتي عندي ليك مفجأه تهبلللل
غاده :شكرا جواد لولاك مش عارفه شن كان صار فيا
جواد :اسكتي يامشفشفه أهلك هما أهلي
حي أصبري شويه في حد خش على الانتظار
غاده :من بيتصل في هذا الوقت
جواد :هذا .................
غاده :😲😲😲
إلي اللقاء للحلقه القادمه
للكاتبه :(نسرين محمد)
💖💖💖💖💖💖💖💖💖💖💖💖
