الحلقه التالته
نبي نشوف لعيونك نشبع أنا 😍
فرح :بلا بصاره سامطه هيا شن تبي
ياسين :نبيك أنتي
فرح :😠شن تقول أنت
ياسين :نحبك أنا
فرح طلعت تجري للدار وسيباته في الكوجينه
ياسين :تي خيرها المنجوها هاذي 😞
طلع من الكوجينه لحق عليها لقاها في الدار خش للدار وسكرها
ياسين :فرح أنا أسف والله ماقصدي نزعلك
وقعد يمسحلها في دموعها وسارح في عيونها البريئه أول مره يشوفها تبكي 😢
فرح : 😭
ياسين :خلاص فروحه سلام وأنا أسف مره تانيه
طلع وسكر الدار
شويه وجي حسام وروح بيهم
خشت فرح لي دارها وقعدت تبكي ومش عارفه خيرها تبكي وليش إضيقت ورقدت
ياسين طول الليل وهوا يفكر في ردت فعل فرح
تاني يوم
ناضت فرح الصبح ولبست ونزلت لقت أهلها يفطرو فطرت وطلعت هي وبوها
في الجامعه
فرح :صباح الخير عيوش كيفك
عائشه :تمام كيف أنتي
فرح :تمام وين أيه ؟
عائشه :قالتلي أنها في الطريق
فرح :خلينا انرجوها ونركبوا جميع
عائشه :باهي خلينا نخدوا قهوه من الكفتريا بينما جت أيه
فرح :باهي أمشي هي
مشن للكفتريا فرح تلقت هي وجهاد قعد يشبحلها ويضحك فرح دارت روحها ماشفتش بكل
جهاد : اهلين فرح كيف حالك اليوم ؟
فرح :بخير كيفك أنت
جهاد :الحمد الله
عائشه جت هاك فرح القهوه قالتلي أيه أنها جت هيا وقت جي الأستاذ
فرح :باهي هي ..سلام جهاد عندي محاضره
جهاد : سلام
حنين في الحوش بروحها ضماته ودارت لغداء
غاده في التانويه تحب في واحد أسمه داني يشتغل في الكفتريا متعت التانويه
عندها صديقتين وحده أسمها هنادي والتانيه زينب
غاده :بنات هيا أنا جعانه خلينا نفطروا
هنادي :حتي أنا هيا
مشن خشن للكفتريا طبعا غاده عيونها قلوب قلوب 😍😍طلبن همبورجا وقهوه
داني طويل وأسمر ورقيق وعيونه كبار وسود وشعره أسود وعنده غمازات ولبسه على الموضه جميل جدا
داني :تفضلي
غاده:شكرا
مدتله لفلوس مباش يأخدهم غاده أصرت عليه
داني :مش راح نأخد منك شي يا...
حقه شن أسمك ؟
غاده:إسمي غاده
داني :عاشت الأسامي وأنا داني
غاده :باهي بارك الله فيك وطلعت
مش مصدقه بكل وطايره من الفرحه 😄
هنادي &و زينب :خيرك تضحكي شن في ووجهك أحمر وعيونك يلامعوا قولي
غاده :شكله حتي هوا معجب بيا😍
زينب :متستعجليش ياغاده
غاده :باهي خلاص أسكتن وأنتن ديما مخربات عليا الفرحه خلاص كولن 😡
فرح كملت محاضرات تتصل بي بوها تليفونه مقفل إنشغلت عليه قعدت تراجي قريب ساعه والكليه فضيت جهاد بيطلع شافها مقعمزه بروحها جاها
جهاد :فرح
فرح :نعم
جهاد:خيرك قاعده لعند توا
فرح :نتصل بي بابا تليفونه مقفل معنديش من يروح بيا
جهاد :أنا مروح نوضي نوصلك معاي
فرح :باهي هي
طلعت فرح ركبت في سيارة جهاد وطول الطريق وهي سارحه وتفكر في بوها خيرا مجهاش لأن عمره متأخر عليها
جهاد:فرح ..فرح وصلنا لحوشكم
فرح :اه بارك الله فيك
نزلت فرح لقت أهلها يراجوا فيهم على الغداء هي وبوها
فرح :السلام عليكم
حنين :وعليكم السلام فروحه هيا غيري حوايجك وتعالي تغدي معانا وين بابا
فرح مش عارفه نتصل بيه تليفونه مقفل روحت مع جهاد لأن الكليه فضيت معاش فيها حد بكل خفت نقعد بروحي
حنين :كيف عمره مطول في العمل هكي ويسيبك في الكليه
حنين مشت خذت تليفونها وتتصل بيه لقاته مقفل للعصر وهي تتصل والتليفون قاعد مقفل
تليفون فرح يتصل مشت تجري خداته لقاته رقم غريب
فرح :ألو من معاي
....أنا........
إلي اللقاء في الحلقه القادمه إن شاء الله تنال إعجابكم
للكاتبه :(نسرين محمد)
💟💟💟💟💟💟💟💟💟💟💟
