الحلقه الرابعه عشر
فتحت الدار لقت غاده تكلم في التليفون ومن كلامها عرفت أنها تكلم في ولد لما خشت فرح سكرت غاده التليفون
فرح :في من كنتي تكلمي ياغاده 😡
غاده :😨😨
فرح :نكلم فيك ردي عليا
غاده :نكلم في واحد أسمه داني
فرح :من هو داني هذا ؟؟
غاده :واحد يشتغل في الكفتريا 😳
فرح:كان تعلم بيك أمي توريك
غاده :😢متقوليلهاش
فرح :أنا مش فاضيه توا حسابك بعدين توا تعالي معاي بيجوني أيه وعويشه بعد العصر بيتعشوا عندنا مندير حاجات
غاده :باهي 😔😔
روحوا سراج ومرح ومحمد وأحمد وتت فرح لغدي وتغدوا وضمن الحوسه
بعد الغداء خشن فرح وغاده ومرح للكوجينه
مرح دارت كيكه تهبل زي التورته وغاده دارت بيتزا وسنبوسه فرح دارت بوريك وكفته وحنين دارت محاشي يجروا جري يبوا يكملوا قبل ميجن أيه وعويشه
وسراج يلعب بي لبلستيشن هو ومحمد وأحمد
مرح خدت من الكيكه ورفعت لسراج هما في المربوعه قعمزت على الصالون
مرح: سراج تعالي شويه
سراج لتفت لقي مرح مقعمزه على الصالون قعد يضحك
طفي لبلستيشن وقال لي أحمد ومحمد نوضوا هيا العصر يذأن بنمشوا للجامع وتو روحكم
طلعوا أحمد ومحمد وجي سراج قعمز جنب مرح
سراج :نعم
مرح:هذي الكيكه أنا درتها جبتلك منها
سراج خدي منها الكيكه وقعد يأكل ومرح تشوفله تستني فيه يقول حاجه كملها وقاللها شكرا مرح قعدت تشوفله وخلاص
سراج :😂😂خيرك
مرح :لا شي
ناضت بتطلع شدها سراج من يدها
سراج :الكيكه تهبل أحلي كيكه نأكلها في حياتي يسلمو يديك بس نبي نحرقلك دمك قبل 😅
مرح :هههههه نحسابها معجبتكش 😀
كملن كل شي في الكوجينه وضمنها وركبت فرح لي دارها لادت علي روحها لبست توته صفراء طالعه عليها تهبل
شويه وخبط الباب فتحت غاده لقتهن عويشه وأيه سلمت عليه ودخلتهن للصاله
نزلت فرح وخشت للصاله سلمت عليهن وقعدت تبكي 😢
فرح :رايفت عليكن هلبه والله
أيه :ونحنا رايفنا عليك فروحه
عويشه :والله كل يوم بنقولوا بنجوك ميصيرش قرايا ومحاضرات والوقت ضيق بكل
فرح :عادي حبيباتي مش لايمه عليكن أنا
وقعدت يهدرزن ويضحكن والجو يهبل 😉😄😅😀😁😁
حنين جابت قهوه وكيكه وهدرزت معاهن شويه وناضت توتي في لعشاء هي وغاده
فرح ركبتهن لدارها وقعدن يتفرجن على فيلم
مرح حطتلهن على الطاوله المكسرات والشبس والشوكلاطه والبكلاوه وعصير
والبوشار وطلعت مرح نزلت مع أمها وغاده
فرح غيرت جوها قداش ليها جوها مش صافي وتعشن وقنعن فرح أنها تجي للكليه على الأقل مره مره
وروحن عويشه وأيه الساعه 12 وفرح فرحانه بطير خشت لدارها رقدت طول لأنها تاعبه
حنين كملت الحوسه هي وغاده وركبت دوشت وقعدت تقرأ في قرأن وتدعي أن حسام يرجعلها وقعدت تبكي 😭قريب للصبح ورقدة
غاده طول الليل يتصل بيها داني متردش عليه بعتلها رساله وقاللها نبيك ضروري
غاده ردت عليه الوو
داني :خيرك مترديش
غاده:فرح عرفت أني نكلم فيك وخايفه اديرلي مشكله
داني :مدوريهاش أختك الهبله هاذي ملقتها لي روحها
غاده :متقولش على أختي هكي
داني :أنا حر بنقول لي بنقوله
غاده :أنت أصلا واحد تاعب ومتلزمنيش
داني : هاذي الساعه المباركه والله أصلا أنا محبتكش كنت نضيع في الوقت معاك وخلاص
غاده :😭😭حسبي الله ونعم الوكيل فيك يافاسد وسكرت عليه وسكرت تليفونها بكل وصارت فيها حاله
سراج مكسد على الفيس شويه وتليفونه يتصل شاف الساعه لقاها 1 قال ان شاء الله خير غريبه جواد يتصل في الوقت هذا
جواد هذا صاحب سراج وفي نفس الوقت سراج مسلمله كل الشركات وكل أملاكه
سراج :الو اهلين جواد كيف حالك ؟؟
جواد :والله ماني بخير ياسراج بكل
سراج :شن في ؟
جواد :...... . ...... .. ...
سراج :😲😱😱😱
إلي اللقاء للحلقه القادمه
للكاتبه :(نسرين محمد)
👄👄👄👄👄👄👄👄👄👄
