الحلقه العشرين
مرح رعشت لأن الدبدوب لما ضماته بالقوه قال I Lovy you Marah
قعدت تبكي وإضايقت هلبه حست روحها أنها غلطت مع سراج خدت تليفونها بتتصل بيه بس لقاته مقفل قعدت تبكي لقريب الصبح ورقدت
تاني يوم ...
إبتسام ناضت بكري وتت حوايجهم ولفطور ونوضت ياسين وإبراهيم فطروا ولادوا على رواحهم وطلعوا مشوا للمطار
ناضت حنين وتت لفطور فطروا محمد وأحمد ومشوا للمدرسه
مشت نوضت غاده ومرح فطرن وظمن الحوسه شويه ونزلت فرح
فرح :علاش مانوضني حد
حنين :قلت خلها إتريح
فطرت فرح وقعدت إدير مع إمها في لغداء
حنين :يابنات أنا بنمشي لي حوش أهلي من بيمشي معاي
فرح :أنا معنديش خلوق لي حد
مرح :وأنا نحس في روحي مريضه شويه
غاده :أنا بنمشي معاك
حنين :بنمشوا بعد لغداء لين يروحوا خوتك من المدرسه خليهم يمشوا معانا
غاده :ماما ندير حاجه نرفعوها معانا ؟
حنين :ايه ديري سلم بنيتي
غاده :شن إندير باهي
فرح :ديريلهم سمسام الهاري
حنين :فرح شن الكلام هذا هذيما خوالك
فرح :لخوالي لا نعرفهم
غاده :خيرك أنتي 😡
فرح :بالك في حد منهم جي دورنا لما بابا إختفي وقال بالك نقصتكم حاجه بالك تبو حاجه جو خمس دقايق وروحوا حتي البرانيه خير منهم 😢موقف معانا حد كان سراج وجميله مننساه لين نموت
حنين :ايه والله لي دارا سراج مدارا حتي خوي بارك الله فيه وقف معانا وقفت راجل
مرح عيونها دمعوا وهي تسمع في كلامهم حست أنها جرحاته بكلامها 😢
دارت غاده كيكة كراميل اوتوا لغداء وتغدوا وإتصلت حنين بي خوها لكبير سالم وقالتله إنه يجي يرفعهم شويه وجي رفعهم مشت غاده وحنين ومحمد وأحمد
مرح وفرح ضمن الحوش ومرح ركبت لي دارها تقرأ في الروايه لي شراهولها سراج وفرح ركبت دوشت وقعدت تستشور في شعرها لبست توته زرقه طالعه حلوه ونزلت لوطه دارت بوشار وقعمزت تتفرج على التلفزيون
وصلوا ياسين وأهله لي ليبيا وروحوا للحوش ودارولهم مفاجأه قعدوا يبكوا وصارت فيهم حاله وشاهين مش مصدق بكل وأماني وأميمه قعدت متغمرات ياسين وخلاص
دارتلهم أماني غداء وتغدوا وياسين دوش ولاد على روحه وبيطلع
إبتسام :تريح ياوليدي أنت تاعب
ياسين :مش مطول شويه وراجع
ابتسام :باهي على راحتك
طلع ياسين وقعدت إبتسام تهدرز هيا وأماني وأميمه
أماني :حي 😯
ابتسام :خيرك شن في
أماني :بنقول لي فرح إن ياسين روح
إبتسام :لا متقولي لي حد
أماني :بس
إبتسام :لا بس لا حاجه ديري زي منقولك
أماني :حاضر
مرح كملت الروايه وقعدت تبكي وتتصل بي سراج بتقوله كملتها بس ميردش عليها
شويه والباب قعد يخبط
فرح :من بيجينا في هالوقت ومشت قربت من الباب قعد يخبط مره تانيه
فرح :مني ؟؟
:أفتحي أنا ................
فرح :😲😲😲😲😲😲
إلي اللقاء للحلقه القادمه
للكاتبه:( نسرين محمد )
❤❤❤❤❤❤❤❤❤❤❤
