الحلقه التامنه والعشرون
سراج :مرح متزعليش مني بنقولك حاجه مرح :شن في قول مانيش زاعله
سراج :أنا بنسافر لي برطانيا عندي شغل
مرح :😢😢😢😢😢بتسيبني
سراج :أسبوعين وبنرجع عندي موضوع بنحله وبنرجع نستقر أهني وبنخطبك طول بندير عرس ماداره واحد بإذن الله
مرح :باهي رد بالك على روحك وكل يوم كلمني
سراج :من عيوني أدللي
خليك شويه بنجيب حاجه من السياره
مشي للسياره وجابلها هلبه حاااجاات عطهولها وسلم عليها ودعها ومشي روح
تاني في يوم الصبح
ناضت حنين وتت لفطور ونوضتهم فطروا وظمت الحوسه وقعدت تقري في أحمد ومحمد عندهم إمتحانات
جي ياسين رفع فرح للكليه وقاللها أن أمه بتجيهم العصر
وجي باص غاده ومرح مشوا للقرايا شويه وجي باص أحمد ومحمد ومشوا حتي هما
جواد وسراج وتوا حوايجهم ومشوا للمطار بيمشوا لي مصر سراج بيقعد في مصر يومين وبيمشي لبرطانيا عنده إجتماعات مهمه
وتت حنين لغداء وروحوا كلهم وتغدوا وضموا الحوش
ودارت غاده كيكه وقعدت تتفكر في موقف جواد ومنطره وهو يأكل في الكيكه وتضحك خشت عليها مرح لقتها تضحك
مرح :شن في يامفعوصه خيرك تضحكي
غاده :في موضوع صار معاي تو نحكيهلك
مرح :حتي أنا في حاجات بنحكيهلك بس بيني وبينك
غاده :أكيده متخافيش خيتك أنا
خشت عليهم فرح :شن تخططن أنتي وياها أعترفن
غاده :قولنا مفروض أنتي أديريها الكيكه تتفكرى يافرح لما مشينا لي حوش عمامي وأنا كذبت وقلت أنك أنتي درتي الكيكه
كنت حاسه أن ياسين يبيك ومرت عمي حاطه عينها عليك
فرح :ومن قاللكم جايه تخطب مرات جايه تهدرز بس
مرح :ماهو ياعبيطه كان جايه تهدرز مخدتش موعد
فرح :ايه صح كلامك طلع فيك عقل وتفكرى
مرح :شن شايفتيني غبيه قدامك
جت حنين للكوجينه :فرح نوضي ألبسي ولودي على روحك قريب تجي إبتسام
فرح :باهي حاضر
حنين :فيسع أنتي وياها كملن حوستكن وغيرن حوايجكن
غاده &مرح :حاضر ماما
مشي ياسين خدي هديه لي فرح وخدالها حاجات حلوات هلبه وخدي بكلاوه وحلوات وعصاير وروح لي حوشهم
ياسين :أمي وينك ياحويجه
ابتسام :هي شويه بس أنا واتيه انراجي في خواتك
ياسين :أماني أميمه هي يافرخات وينكن
غاده اتصل تليفونها لقاته رقم غريب مبتش ترد خافت يكون داني شويه وجتها رساله شافتها قعدت ترعش مكتوب فيها ............
إلي اللقاء للحلقه القادمه
للكاتبه :(نسرين محمد )
👄👄👄👄👄👄👄👄👄👄
