الحلقه السابعه عشر
قعدت فرح تعيط وجت حنين تجري ومرح وجوا أحمد ومحمد
مرح مشت إتصلت بي عمها عمر
مرح :الو عمي تعالي بسرعه أختي غاده مش عارفه خيرها متتحركش بكل تقول ميته 😢
عمر :باهي شويه وجاي أنا قريب من حوشكم
مشت حنين لبست عبايتها جرى وفرح حتي هي شويه وخبط الباب فتح محمد
عمر :وينها أختك
محمد :فوق
ركب عمر هوا وولده ورفع غاده للمستشفي مشت معاه حنين وفرح
قاللهم الدكتور صارلها انهيار عصبي ومحصله صدمه قويه ركبنالها تغديه وعطيتها إبراة مهدي وبكرى وضعها يتحسن بإذن الله لازم تقعد تحت المراقبه اليوم
عمر :حنين خليني نوصلك أنتي تاعبه وصغار بروحهم في الحوش تقعد معاها فرح وأنس حتى هو يقعد معاهن
حنين :باهي هي 😢
روحت حنين للحوش وطمنت مرح عليها
فرح مقعمزه جنب غاده على الكرسي وتبكي وأنس واقف جنب الباب
(عمر خوي حسام صغير يشتغل محامي ومرته أسمها إسراء تشتغل معلمة جغرافيا عنده ولده لكبير إسمه أنس يقرأ سنه رابعه إقتصاد ولد واحد وبنتين لكبيره أسمها دعاء تقرأ تالته تانوي في نفس تانوية غاده والتانيه إسمها أسيل تقرأ أولي تانوي حتي هي في نفس تانوية دعاء )
أنس :فرح
فرح :نعم
أنس :خيرها شن صاير معاها في حد مضايقها كان في حاجه قوليلي
فرح :حتي أنا مش عارفه تنوض ونعرف منها كل شي
تاني يوم الصبح
ياسين عطوه خروج طلع مع حنين وإبراهيم لي فندق وحجزوا في الطائره بكرى بيرجعوا لي ليبيا
ناضت غاده الصبح لقت أنس مقعمز يشرب في قهوه علي الكرسي لي جنبها
أنس :الحمد الله على سلامتك ياغاده
غاده :الله يسلمك شن صار ليش أنا هنا
أنس :تعبتي أمس وجبناك للمستشفي وقال الدكتور صاير معاك إنهيار عصبي
غاده :😳😳😳😳
أنس :غاده في حد مضايقك قوليلي متخافيش أنا ولد عمك بمتابت خوك لكبير
قعدت غاده تبكي 😭😭😭😭
أنس :معناها في حاجه قولي شن في
غاده حكتله على موضوع داني وأن هو كذب عليها وحكتله كل شي قعد أنس يصبر فيها
أنس :حسابه عندي لمنكرها عيشته أنا
غاده :انس الله يخليك مديرله شي فكينا منه متخلينيش نندم إني حكيتلك
أنس :قاعده تحبيه بعد هذا كله😡😡
غاده :لا والله ماعاد نحبه نكره أنا لكن خايفه عليك منه لأنه وحش هو مش إنسان
أنس :حاضر مش حنديرله شي بس أوعديني كان دارلك أي شي أو حاول يحكي معاك تخبريني
غاده :وعد ياأنس
فتحت فرح الباب وجايبه فطور معاها على أساس أنها كيف جت بس هي واقفه وراء الباب وتسمع في كلامهم من البدايه
فرح :نضتي حبيبتي الحمد الله على سلامتك خوفتينا عليك
غاده :الله يسلمك
فطروا وعطوها خروج روح بيهم أنس وطول الطريق وهما ساكتين وصلوا للحوش وخش معاهم أنس قعمزوا في الصاله شويه واتصل تليفون أنس
أنس :الو اهلين بوي لا روحت بيهم عطوها خروج من الصبح بكري أنا عندهم في الحوش توا باهي تعالو
حنين :شن قالك
أنس :قالي جاي هوا وأهلي
حنين :تعبناكم معانا ياوليدي
أنس:ولو يامرت عمي هذا واجبي
جابت مرح القهوه وضيفت أمها وأنس وقعمزت معاهم
شويه وخبط الباب فتحت فرح جي عمها عمر ومرته إسراء وبناته أسيل ودعاء
قعدوا تغدوا عندهم دارت حنين ومعاها إسراء كسكسي وأسيل وفرح دارن كيكه
دعاء ركبت هي ومرح وغاده لي دارهن وقعدن يهدرزن ويضحكن وجوهن يهبل
أنس مشي هوا وبوه ومعاهم أحمد ومحمد يصلوا في الظهر في الجامع
تغدوا وضموا الحوسه وروحوا العصر
سراج طول الوقت في الشغل بس عقله مع الفصعونه مرح شاف تليفونه لقاها الساعه 5 إتصل بي واحد صاحبه في ليبيا وطلب منه خدمه بسيطه يديرها وصاحبه وافق (تو تعرفو شن هي اصبروا شوي😂)
مشت حنين لي دارها صلت العصر وقعدت تبكي وتذكر في حسام وإيماتهم الحلوات لي عاشوهن طلعت صورهم وقعدت تبكي
(حسام معيش حنين كأنها ملكه عمره مقصر معاها نهائي مع انه متجوزهاش على حب هوا كاين يبي وحده أسمها سهي بس أهله رفضوها وتجوزها صاحبه وأهله جوزوه حنين طبعا حنين هاذي إسم على مسماء حنينه وطيبه وقلبها كبير مع الوقت حبها حسام وصارت هي كل حياته وعاشوا إيامات أحلي من إيامات العشاق وكل يوم يعيشوا فيه كأنه أول يوم يتعرفوا على بعض)
الساعه 8 في المساء مرح جتها رساله إستغربت من رقم فتحتها لقت مكتوب فيها خليك قريبه من الباب استغربت بس نزلت وقعدت قريبه من الباب شويه وخبط الباب مشت تجرى فتحت الباب وإنصدمت 😲😲😲😲😲وقعدت تبكي شافت ........ . ..
....... ................. ....
إلي اللقاء للحلقه القادمه
للكاتبه :(نسرين محمد)
🎶🎶🎶🎶🎶🎶🎶🎶🎶🎶🎶
