الحلقه السابعه والتلاتون
حنين :تفضل
ياسين :زاد فضلك بارك الله فيك أنا ياعمتي جاي بنقوللكم موضوع
حنين :ان شاء الله خير شن في ؟؟؟
ياسين : هاك شوفي الورقه هاذي 😑
حنين :😢😵😨😳
قعدت تبكي ودموعها ينزلوا زي لمطر مقدرتش تتحكم فيهن
فرح :ماما مضايقيش روحك والله مايستاهل دمعه منك بالله خلاص احني كلنا معاك 😢
حنين :هذينا دموع الفرح يابنتي صح إني متخيلتش في حياتي أنه يطلقني لكن توا نتمنا فيها وجتني بروحها لي واجعني هي العشره لي بينا ياما تحملت على خاطره وضحيت بي هلبه حاجات على خاطره ووقفت ضد الكل على خاطره بس ريتيه هوا كيف يجازي فيا 😢
مرح :😢هو لي خاسر ياماما يجيه يوم ويعرف قيمتك وقيمتنا ويرجع
غاده :لا خلاص معاش نبوه يرجعلنا ياريته مارجع بكل من الأول وطلع ميت
فرح :خلاص لي صار صار توا وأهم شي معاش نبو سيرته في الحوش 😳
أحمد :أنا معاش عندي بو بوي مات من اليوم
محمد :متزعليش روحك عليه ياماما والله مايستاهل بكل
ياسين :على فكره والله هذا أحسن حل وهو الخسران
حنين :أحلي شي صار معاي في الفتره هاذي هو خبر الطلاق وأنا متريحه بس واجعني شبابي لي ضاع معاه
وصل جواد لي أهله في الشرق وأتصل بي غاده
جواد :ألو أهلين كيف حالك غاده
غاده :مش بخير 😦😦
جواد :خير ان شاء الله شن في
غاده :ماما أطلقت اليوم 😳
جواد :😨😨😨اه هكي أحس ياحبيبتي مضايقيش روحك والله مايستاهل خليك واقفه في جنب أمك
غاده :كلهم الرجاله خاينين 😢😢
جواد :شن لكلام هذا ياغاده عيب عليك والله أنا مستحيل نخونك لو يقتلوني
غاده :حتي بابا كان هكي يقول وأكتر 😢
جواد :صدقيني ياغاده أنا حبيتك من قلبي وعهدت نفسي حنكون وفي ليك للموت
غاده :بعيد السوء عليك بعد عمر طويل ان شاء الله
جواد :ان شاء الله ☺أسمعي ياهبله عندي ليك مفجأه تهبل
غاده :شن هي ☺
جواد:وليش أسمها مفجأه 😅😅
غاده :اه باه 😊
جواد :خلاص تو نكلمك بعدين سلام توا
غاده :سلام رد بالك على روحك
جواد :حاضر
في الليل 🌒
غاده تهدرز هي وجواد على الفايبر ومرح مقعمزا جنبها وسارحه تفكر في سراج وإيماتهم الحلوه لي ضاعن قبل مايبدن وقعدت تبكي 😭😭رقدت في فراشها وتغطت متبيش حد يعرف أنها تبكي وهي مضايقه ومخنوقه وحاسه أن الدنيا صاغرا بيها
فرح تهدرز هي وياسين في التليفون 📱
ياسين :يافرح انا والله خلاص تعبت
فرح :من شني تعبت خيرك 😯
ياسين:نبي نتزوج ونتريح لي مدادي بصغارهم قداش ليا صابر انا واتي والحوش واتي وكل شي تمام قلتيلي لين يرجع بوك ريتي اهو رجع وكاين عايش ومبسوط ولا هامه شي ضاعت كان علينا
فرح :توا منقدرش انا 😕
ياسين :وليش ؟؟؟😒😒
فرح :ماما كيف مطلقه وقاعده في العده
ياسين :وشن فيها كان تزوجنا 😡😡
فرح :اجل الموضوع شوي
ياسين :باهي لكن شويه بس راهو 😡
فرح :باهي حاضر
ياسين :هي سلام في تكسيده مع الشباب توا
فرح :سلام نحبك أنا
ياسين :وأنا نمووووت فيك ياروحي 😘سلام
ياسين يتصل بي جواد
ياسين :هي وينك قريب نوصل فيك أنا الشباب يراجو فينا
جواد :باهي هي هاني طالع
جواد :غاده أنا توا عندي مشوار نتلاقوا بعدين
غاده :باهي ربي يحفظك سلام
جواد :ويحفظك ياحبي سلام
جت فرح لي دار غاده ومرح
فرح :غاده شن اديرى ؟؟
غاده :مكسده على النت
فرح :مرح شكلها رقدت
غاده :ايه رقدت
فرح :باهي تعالي نكسدوا مع ماما على التلفزيون
غاده :باهي هي وطلعن مشن لي أمهن قعمزن على الصالون وقعدت يهدرزن
محمد وأحمد يلعبوا بلبلستيشن
ناضت مرح خشت للحمام
خشوا محمد وأحمد رقدوا وخشت حنين لدارها
ناضن فرح وغاده للكوجينه دارن بوشار وخشن لي دار بيتفرجن ملقنش مرح إستغربن
غاده :أكيدا في الحمام
فرح :قلبي مش مطمن
غاده :بلا درامه زايده 😅😅
فرح :😅😅باهي حطي فيلم نبيه رعب
غاده :رعب عينك تبيني معاش نرقد الليله 😮
طولت مرح انشغلن عليها ناضن يشوفن فيها لقن الحمام مسكر يخبطن عليها مبتش ترد
غاده :مرح مررررررح أنتي في الحمام ردي عليا
فرح :أنتي كويسه ردي علينا يامرح وقعدن يخبطن عالباب بلقويه
سمعتهن حنين جت تجري
حنين فتحت الباب بالقوه كسراته لقو مرح ................... ...... . .......
إلي اللقاء للحلقه القادمه
ان شاء الله عجبتكم ☺☺
للكاتبه :(نسرين محمد )
🌷🌷🌷🌷🌷🌷🌷🌷🌷🌷🌷🌷
