الحلقه السابعه
مكتوب في الرساله كان تبوه يرجعلكم سالم وتو 3 مليون وكان تبو تخسروه خبروا الشرطه معاكم 3 أيام بعد 3أيام تو نكلمكم أنا ..والفيديو فيه حسام وهو مربوط وواضح عليه التعب ورايح إمبهدل وحالته حاله مسكين ..
شويه وجي جهاد رفع حنين للمستشفي ومشت معاه غاده
فرح قعدات في الحوش معاش عرفت تتصرف تتصل بي ياسين ميردش عليها
إتصلت بي عمها إبراهيم وقالتله لازم تجي توا في موضوع خطير
شويه وجي إبراهيم حكتله فرح على لي صار
أصر إنه بيحكي مع الشرطه بس فرح منعاته
شويه وإتصل تليفون فرح شافته لقاته ياسين سكرت عليه
إبراهيم إتصل بي خوته وخواته وقاللهم لازم غضوه الصبح الساعه 11 كلكم تكونوا في حوش حسام
حنين عطوها مهدي ورقدة
ياسين ساعد خوه ورفعه للحوش وطلع
يتصل بي فرح متردش عليه يجري بالسياره قريب يقلبها ويتفكر في نظرات جهاد لفرح ويزيد السرعه وفقد السيطره على السياره معاش عرف يتحكم فيها خش في شاحنه كبيره
فرح مشت للكوجينه بتأخد عصير طاحت منها الطأسه وحست بحاجه غريبه 💔💔
جو الإسعاف ورفعوا ياسين للمستشفي ودخلوه للعمليه طول حالته خطيره بكل
لقت الشرطه تليفون ياسين إتصلوا بي أهله وخبروهم وعطوهم إسم المستشفي
طلع إبراهيم يجري وناضت إبتسام نوضت شاهين ومشت هي وياه للمستشفي
فرح إتصلت بي جهاد وإطمنت على أمها وقعدات تفكر كيف تلقاء حل وتساعد بوها
حسام عنده صاحبه المقرب إسمه عيسي هو من مدينة بنغازي بس عايش في مصر
مشت فرح إدور في وراق بوها لقت رقم مكتوب في مذكره ومكتوب فوقه عيسي الشرقاوي إذكراته إن صاحب بوها وعايش في مصر وكاين ديما يجيهم وأنه عنده شركات في بريطانيا ومصر سجلت الرقم في تليفونها شافت الساعه لقتها 12 قالت تأخر الوقت غضوه إنشوفه
إتصلت بي ياسين لقت تليفونه مقفل خشت دوشت ورقدة
ياسين داروله عمليه وطلع من العمليه الفجر بس العمليه مش ناجحه مع الأسف مزال عنده عمليه تانيه في الظهر ووضعه قاعد في خطر ومش عارفين شن ممكن يصير معاه
إبراهيم إمشي للدكتور وتفاهم هو وياه إنهم بيطلعوا بيه بره بعد ساعتين والعمليه بيديروهله في أمريكا
روحت إبتسام وتت حاجاتهم هي وإبراهيم وياسين بيسافروا بعد ساعتين
بعد ساعتين سافروا وصلوهم أماني وأميمه وشاهين ورجعوا للبيت
وإبراهيم حكي لي شاهين كل شي على حسام وطلب منه الصبح يمشي لفرح ويحكيلها على لي صار ....
تاني يوم ناضت فرح الساعه 8
نزلت فطرت وخدت تليفونها وإتصلت بي عيسي
فرح :ألو السلام عليكم
.....:وعليكم السلام
فرح :عمي عيسي
......: لا مش عيسي عيسي توفي و......... ........
إلي اللقاء للحلقه القادمه
للكاتبه :(نسرين محمد)
💞💞💞💞💞💞💞💞💞💞💞
