الحلقه الخامسه عشر
سراج :شن في ؟
جواد :في هلبه مشاكل في الشغل وفي إجتماع مهم لازم تحضره والشركات لي معانا حاسين إن في تقصير وأنا معاش قدرت بروحي ياراجل ضغط عليا بكل معنديش وقت حتي نحك شعرى وكان متجيش غضوه بنخسروا الصفقه مع الشركه الأوربيه
سراج :😲😲 باهي خلاص ياجواد غضوه نكون عندك 😕
جواد :خلاص نستنا فيك
تاني يوم في الصبح
ناض سراج وته حوايجه وكل شي وطلع يفطر معاهم فطروا وكملوا
سراج :أنا اليوم بنولي لي مصر عندي شغل
حنين :خليك معانا ياوليدي والله خدينا عليك
مرح :شن وعدتني أنت😢قالتها بنبرة صوت حزينه قريب تبكي
سراج قعد يشوفلها وقلبه يتقطع وفي خاطره يقول أه ياأميرتي كيف بنبعد عليك بعد ماحبيتك بس منقدرش نقولك لي في قلبي ياريت نقدر نقولك ونتريح بس راح نرجعلك ياغاليه
سراج :قاعد عند وعدي بس عندي شغل وبنرجع ان شاء الله
أحمد :لا خليك من بيلعب معانا ومن بيرفعنا للمدرسه ومن بيرفعنا للجامع بنصلوا لا خليك خليك
محمد :خليك سراج والله حبيناك
سراج :والله حتي أنا حبيتكم راح نرجع
فرح :مطولش علينا هلبه ومتنساش وعدك 😦
سراج :مش مطول بإذن الله
ودعهم وطلع من الحوش لحقت عليه مرح
مرح :سراج مطولش هلبه 😢
سراج :مش مطول أنا تعالي معي شويه للسياره
مشت معاه للسياره وطلع كيس وعطهولها
سراج :عيد ميلادك بكرى قبل نبي نحضره لكن طلعلي الشغل المفاجي هذا هاذي هديتك وكل عام وأنتي بخير
مرح :قعدت تبكي 😭
سراج مسحلها دموعها وقاللها كل يوم بنكلمك خلاص أسكتي
مشي سراج وقلبه قاعد عند مرح بس مجبور هذا شغله
خشت مرح وركبت لي دارها فتحت الكيس لقاته أيفون فرحت قريب طارت وساعه تهبل
إبتسام مقعمزه جنب ياسين وتقرأ في القرأن وإبراهيم طلع للكفتريا بيجيب قهوه ليه ولي إبتسام
فرح خذت تليفونها وإتصلت بالرقم لي بعتتهولها أماني
فرح :ألو أهلين عمتي إبتسام كيف حالك أنا فرح
إبتسام :أه أهلين فرح الحمد الله كيف حالك وكيف حال أهلك
فرح :بخير الله يسلمك كيف حال ياسين
إبتسام :الحمد الله وضعه تحسن وقاللنا الدكتور أنه يحس بكل شي ويسمع فينا يبي وقت ويرجع زي قبل ان شاء الله
فرح :عمتي ممكن تحطي التليفون على وذن ياسين في كلام نبي نقولهوله بس مانبي حد يسمعه لكلام غير ياسين
إبتسام :حاضر فروحه شويه بس
مشت إبتسام جنب ياسين هي تكلمي فروحه وحطت التليفون جنب وذنه وقعمزت على الكرسي لي جنبه
فرح :تتكلم وتبكي 😭😭الو ياسين حبيبي وينك ياعمري استحشتك أنا أسفه كان زعلتك مني والله مانقصد ياغالي حياتي من دونك مليهاش طعمه أرجعلي ارجعلى حبيبي وينك ياااااسين نحبك أنا ونموووووت فيك الله يخليك ليا أرجعلي ونور حياتي بوجودك أنا تعبت تعبت يا ياسين اااااه خلاص معاش عندي حيل على البعد أنا 😭😭😭
ياسين تكلم بصوت واطي بكل وقال فرح إبتسام سمعاته وقعدت تبكي وفرح حتي هي سمعاته وصارت فيها حاله
خذت إبتسام التليفون وكلمت فرح
إبتسام :الو فروحه ياسين تكلم وقال فرح سمعتيه 😢
فرح :سمعته إيه 😭خلاص عمتي كان في حاجه طمنيني
إبتسام :ان شاء الله سلميلي على أهلك
فرح :يوصل
شويه وجي إبراهيم لقي إبتسام تبكي جابلها قهوه وحكتله لي صار وإن ياسين تكلم ومشوا للدكتور وحكوله لي صار ودارله فحوصات وقال كل شي تمام وفي أي وقت يستعيد وعيه
خشوا إبتسام وإبراهيم علي ياسين وصارت فيهم حاله إبراهيم طاح على لوطا وإبتسام تعيط بالصوت العالي جي الدكتور والممرضات يجرو
إبراهيم يقول ...........
............... ....... ...........
إلي اللقاء للحلقه القادمه
للكاتبه :(نسرين محمد)
❤❤❤❤❤❤❤❤❤❤❤
