الحلقه العاشره
سراج :يافرح أنا نشتغل محقق
فرح: 😲😲 تبصر
سراج :هههههه لا منبصرش
مشت فرح لدارها وقعدت تبكي وتذكر في ياسين وكلامه ونظراته ليها 😭
خدت تليفونها وإتصلت بي أماني
فرح :الو كيف حالك أماني
أماني :والله لا ماشيه وخلاص شن بيكون حالي يعني 😟
فرح :كيف حال ياسين قالتها بصوت حزين بكل قريب تبكي 😢
أماني :مافيش أي تحسن نهائي عايش بالأجهزه وخلاص وبعد شهر بينحوهله
فرح :شن قصدك ؟؟
أماني :مع الأسف يافرح هذا لي صاير والله صايره فينا حاله 😢😢 مافيش أخبار عن بوك
فرح :لا لا 😳 أماني بالله طمنيني عليه وكان في أي خبر عليه قوليلي
أماني :ان شاء الله فروحه إدعيله بس
سكرت فرح وقعدات في حاله تبكي وخلاص 😭😭😭
خشت صلت ركعتين وخذت المصحف تقرأ
غاده :ماما وينك ؟؟
حنين :في الكوجينه
غاده :شن اديري
حنين: في العشاء
خشت مرح عليهم ماما عندي حاجات نقصاتني نبيهم
حنين :توا تقولي الوقت تأخر
مرح :نمشي أنا وغاده
غاده :لالا مش فاضيه أنا
مرح:نشوف فرح أحسن شي
ركبت لي فرح لقتها تقرأ في القرأن مبتش تزعجها طلعت برا في جنان قعمزت على الطاوله وقعدت تبكي
سراج يلعب في كره هو ومحمد وأحمد شاف مرح تبكي جي قعمز على الكرسي جنبها
سراج :معاش تبكي خلاص وعد مني راح انرجعلك بوك
مرح :زادت تبكي أكتر 😭😭أنا استحشته بابا وحياتنا بعده مش حلوه بكل ياريت يرجعلنا قبل لما نبي حاجه يرفعني طول من غير منكمل كلامي
سراج :قعد سارح في ملامحها الطفوليه البريئه وفي عقله يقول حرام طفله بالجمال هذا والبراءه هذي تبكي هكي
شن أسمك أنتي ؟؟
مرح رفعت راسها وشافتله حست أن بوها هوا لي كلمها ومسحت دموعها وابتسمت إبتسامه خفيفه ☺إسمي مرح
سراج :شن ناقصك يامرح ؟؟
مرح :هلبه حاجات ومافيش من يمشي معاي ماما وغاده مش فاضيات وفرح تاعبه
سراج نوضي جهزي روحك
مرح :من بيرفعني ؟
سراج :أنا
مرح :لا متخلنيش ماما 😳
سراج :انتي نوضي بس يمشوا معانا أحمد ومحمد
مرح :إبتسمت إبتسامه من قلبها 😊وقالتله شكرا سراج
سراج من لما نطقت أسمه سرح فيها وقعد يتأمل في جمالها وعيونه راحو قلوب قلوب 😍😍
حست مرح أن سراج سارح فيها تحشمت وجهه راح أحمر وقعدت تشوفله
سراج جميل جدا (طويل وجسمه يجن رياضي وشعره أسود وعيونه سود وكبار ولحيته مرسومه تجنن ولبسه على الموضه وأسلوبه عسل وطيب ويحب الخير للناس ويشتغل محقق عمره 25سنه وفلوس هلبه بكل وهوا وحيد أهله بوه متوفي وأمه تجوزت وسيباته )
مشت إبتسام جنب ياسين وقعدت تبكي وتدعي لي ربي وقعدت تسلم عليه وتكلم فيه نوض ياوليدي حرام عليك تعذب فيا وتعذب في بوك وخوتك نوض هيا نبي نفرح بيك واتعبي الحوش عليا صغار ونشوفك متهني في حياتك نوض هيا ياااسين سلم وليدي متسيبني هيا نوض لمينتك ووبيك
إبتسام قعدت تعيط بالصوت العالي جي إبراهيم يجري والممرضه جت
إبراهيم :شن في ؟؟؟
إبتسام :........ .......................
إلي اللقاء في الحلقه القادمه
للكاتبه :(نسرين محمد )
💗💗💗💗💗💗💗💗💗💗
