الحلقه التالته والتلاتون
شويه والباب يخبط مشت مرح وفي خاطرها تقول به وشن مزال أكتر من هكي
ومتعرفش أنا الأكبر لي وراء الباب هذي صدمتها الأكبر
مرح :مني ؟؟
سراج :أنا سراج يامرح
فتحت مرح الباب وحظنت سراج وتبكي 😭😭
سراج :خلاص يامرح شن في خيرك ؟؟
مرح :تعالي داخل تو تفهم كل شي
خشوا مرح وسراج ولما شافهم سراج نصدم ومعرفش شن يقول قعد واقف في مكانه
حنين :ممكن حد يفهمني شن لي يصير أنا مافهمت شي وأنتي من تكوني ؟؟
عفاف :أنا أسمي عفاف ونكون أم سراج ومرت حسام
حنين :😲
مرح :😱😱😲😲
فرح& وغاده &ومحمد &وأحمد 😲😱😲😲
حنين :شن تقولي أنتي حسام من هاذي أنتي كذابه أطلعي من حوشي أطلعي ياكذابه
عفاف :أول شي أنا مش كذابه وتاني شي هذا حوشي زي ماهو حوشك وتالت شي كان مش مصدقتيني أسئلي حسام وإلا سراج
حنين مشت وقفت جنب سراج وهي تبكي
حنين :بالله أنت أحكيلي ياوليدي شن لي يصير هني أكيدا كذب أو أنا نحلم
سراج :ياخالتي أسمعيني والله مافي حاجه تستاهل وأمسحي دموعك وخليك قويه وأنتي متحلميش وهذا الواقع والراجل لي ليك 6 شهور تراجي فيه وبكيتي بدل الدم دموع عليه طلع خاين وباعكم كلكم على خاطر مرأه والمرأه هذي تكون مرت صاحبه ولي هي أمي أنا
حنين مشت جنب حسام وقعد تطرب فيه بيديها على صدرها وتعيط بالصوت العالي وتقوله شن لي رجعك لينا باهي ياريت مرجعت ولا شفناك ياريتك طلعت ميت أنت واحد حقير طلقني طلقني
(ليته لم يعد أكيدا فهمتوا معني أسم الروايه 😉😉 )
وحنين أغمي عليها طلعها سراج يجرى بيها وركبها في السياره وركبت معاه مرح مشوا للمستشفي ودخلوها وجي الدكتور ومنع سراج ومرح أنهم يخشولها وقعد يفحص فيها
حسام روح هو وعفاف فرح أتصلت بي ياسين وقالتله تعالي نبيك ضروري
أحمد ومحمد مصدومين ويبكوا وغاده مشغوله على أمها تتصل بي مرح بس مرح طلع تليفونها في الحوش
بعد نصف ساعه طلع الدكتور من عند حنين جاته مرح تجرى وجي سراج وراها
مرح :شن يادكتور طمني على وضع أمي 😢
الدكتور :........... ..........
إلي اللقاء للحلقه القادمه
للكاتبه :(نسرين محمد)🌼🌼
🌸🌸🌸🌸🌸🌸🌸🌸🌸🌸🌸
