الحلقه الخامسه والأربعون
تليفون غاده يتصل ناضت تجرى شافته لقاته جواد 😲😲😲😲
غاده :الو اهلين جواد وينك بالله والله استحشتك حرام عليك خيرا تليفونك مقفل تكلم فيه وهي تبكي 😭😭
جواد:اسمعيني ياغاده وياريت تفهميني وتقدري موقفي أنا مسافر بكرا لإبرطانيا ومش راجع اهني مره تانيه وياريت تسامحيني
غاده :كيف شن تقول انت باهي ليش فهمني
جواد:يجي يوم وتفهمي أنا بنسكر توا سلام
غاده :اسمعني ياجواد
سكر عليها جواد عاودت تتصل بيه لقت تليفونه مقفل قعدت تبكي وصارت فيها حاله
ليش ياربي انا اصلا عارفه حظي كل شي ضدي مش عارفه الغلط مني او منهم ياريتك أعطيتني سبب مقنع بس ياجواد 😭😭😭كلكم خاينين زي بعض ياريتي ماشفتك ولا حبيتك طلعت ماتستاهل حبي 😭😭😭رقدت وهي تبكي
تاني يوم صباحا🌞🌞
ناضت حنين وتت لفطور ونوضتهم فطروا وضموا الحوسه
غاده قررت أنها تنسي كل لي صار وتعيش حياتها وتفتح صفحه جديده وعاهدت نفسها أنها معاش تحب لو شو مايصير
حنين:يابنات وينكن تعالن نبيكن
فرح :نعم ماما
حنين :كلمي خواتك وتعالن
كلمت فرح غاده ومرح جن لي أمهن في الصاله
حنين :معاش في وقت مزال تلات أسابيع على العرس لازم نخططوا لي كل شي
فرح :ماما كلمني ياسين وقالي ان بنديروا العرس يوم لخميس بس حفله كبيره في الصاله وبنعزموا كل أقاربنا وأصحابنا وانا بندير حفلة حنه بسيطه بنكلم خوالي وعمامي وجيرانا وصحباتي يوم الأربعاء نديروا عشاء
مرح :ايه أحسن هكي ياماما
غاده :لازم نوصوا على لحلوات ولعشاء والحار وعلى هلبه حاجات
مرح :مفروض موصين عليهن قداش لينا معاش في وقت
حنين :أنا غضوه بنمشي لي مرأه بنوصيها على لحلوات والحار
غاده :صاحبتي عمتها طباخه واطيب في المناسبات نكلمها ونتفهم معاها
فرح :ياسين قال الصاله عليه موتي كل شي
حنين :باهي كويس
فرح :مزال في حاجات بسيطه بنأخدهم قبل بيجي ياسين بيرفعني اليوم قلتله بيجونا ناس
حنين :حي نسيت بكل نوضن في حاجات يبن الدير
فرح :انا خايفه على يديه منيش ماسه شي
مرح :والله اماله حتي انا مانيش مدايره شي غاده ادير معاك
غاده :على راسك ريشه انتي ويها نوضن كلنا جميع والا مانيش حتي انا
حنين :اسكتي انتي وياها بنقسمكن وكل وحده ادير حاجه
فرح: 😕
غاده :😂😂😂تستهلن نوضن
حنين :غاده انتي ضمي الحوش ونظفيه كويس فرح نوضي ديري لغداء
مرح انتي اطلعي ضمي جنان والمربوعه
فيسع أنشطن
حنين :أحمد محمد وينكم تعالو
محمد :نعم ماما
حنين :سلم وليدي بتجينا مراه في لعشيه نبي حاجات هاك الورقه هاذي وهاك لفلوس امشي للمحل أنت وخوك
محمد:باهي حاضر
تغدوا وضموا الحوسه اوتوا كل شي وفي لعشيه الباب يخبط
حنين فتحت الباب لقتها مرأه ومعاها زوز بنات دخلتهن في الصاله وقعمزن
وقعدوا يهدرزوا فرح درات قهوه وكيكه وضيفتهم
المرأه أسمها خديجه وبناتها لكبيره ساره متجوزه وعندها بنتين والتانيه فاطمه متجوزه وعندها ولد
خديجه :هاذي بنتك لكبيره
حنين :ايه
خديجه :شكلها مخطوبه
حنين :ايه مخطوبه وعرسها بعد تلات أسابيع
خديجه :ربي يهنيها عندك بنات غيرها
حنين :ايه عندي بنتين غاده ومرح
خديجه :وينهن مجنش سلمن علينا☺
حنين :نوضي يافرح نادي خواتك
فرح :باهي حاضر ياماما
فرح مشت كلمت خواتها
جت غاده سلمت وقعدت تهدرز معاهن وقعدن يسألن فيها أنتي مخطوبه وكم عمرك وشن تقري
وبعدها جت مرح جابت لعصير وسلمت
خديجه :بصراحه أنا ياحنين يشكرولي فيك وفي بناتك وأنا جايه نخطب لي ولدي وعجبتني غاده، انا وليدي بحوشه وبعمله وبخدمته وماشاء الله عليه وان شاء الله يكون في نصيب
حنين:والله شن بنقولك
خديجه :خودي وقتك وتشاوروا في الموضوع وردولي خبر في الليل توا نكلمك
وخدت رقمها وروحت
داروا لعشاء وتعشوا وضموا الحوسه
وقعمزوا يتفرجوا
حنين:كانت اتصلت بنقوللها مافيش نصيب
غاده :ليش
حنين :شني ليش أنتي وجواد مش تحبوا بعض
غاده :قعدت تبكي
فرح :خيرك شن في ؟؟
غاده :جواد سيبني ومشي وقالي سامحيني وسافر ومش راح يرجع مره تانيه 😢😢
مرح :ليش شن السبب
حنين :فهمينا خيركم ؟؟
غاده :................
إلي اللقاء للحلقه القادمه
للكاتبه :(نسرين محمد )
💍💍💍💍💍💍💍💍💍💍💍
