الحلقه الخامسه
رفع رأسه لقي فرح تشوفله ووجهه أحمر وأضح عليها أنها منصدمه 😳
ياسين :الحمد الله على سلامتك يافرح
فرح :شن ادير أنت هنا وين أهلي بابا روح
ياسين :أمك كيف روحت توا تاعبه أنا بعتها للحوش وبوك مفيش أي خبر عليه
قعدت تبكي وخلاص 😭وياسين يهدي فيها
فرح :بابا مش حيصيرلا شي صح ؟
ياسين :ان شاء الله يافرح أدعيله أنتي بس
تاني يوم في الصبح
ناصت فرح لقت ياسين راقد على الكرسي هوا مقعمز قعدت سارحه فيه وتفكر في كلامه لي قاله أمس ناض ياسين لقي فرح سارحه فيه
ياسين :صباح الخير
فرح ياااافرح
فرح :نعم
ياسين :هههه وين سارحه قلتلك صباح الخير
فرح :صباح النور
ناض ياسين وقعمز جنب فرح على السرير وقعد يشوفلها وهي تشوفله
ياسين :فرح أنا أسف
فرح :عليش تتأسف
ياسين :على الكلام لي قلته أمس 😳
فرح:😔😔😔
ياسين :بنمشي نجيب فطور ونجي وتي روحك عطوك خروج اليوم
فرح :حاضر 😊
ناضت حنين الصبح ضمت الحوش ودارت لفطور
شويه والتليفون يتصل
حنين :ألو
ياسين :ألو عمتي كيف حالك اليوم
حنين :الحمد الله بخير شويه وجايه للمستشفي
ياسين :عمتي فرح عطوها خروج أنا شويه وبنروح بيها متعبيش روحك خليك أنتي
حنين :باهي بارك الله فيك ياوليدي
خدي ياسين فطور ومشي لي فرح لقاها واتيه
ياسين :تفطري هنا وإلا نطلعوا
فرح :نطلعوا
طلعوا ركبوا في السياره ومشوا للحديقه قعمزوا يفطروا
ياسين :خيرك متحشمه كولي
فرح :مش متحشمه نأكل أنا
كملوا فطور وطلعوا روح بيها للحوش
ياسين :فتح الباب لي فرح وقاللها هي تفضلي ياأميرتي 😍
فرح :شكرا 😊
نزلت فرح ومشي معاها ياسين خشوا للحديقه وقعمزوا على الطاوله
فرح :تعبتك معاي بارك الله فيك
ياسين :تعبك راحه بالنسبه ليا يافرح
فرح :اقعد تغداء عندنا اليوم
ياسين :مره تانيه فروحه عندي شغل أنا هيا خلينا نخشوا بنسلم على عمتي وبنطلع
خشوا للحوش
حنين :اهلين فرح كيف حالك اليوم بنيتي
فرح :بخير ماما سلمك
حنين :تفضل ياسين خش
ياسين :لا بنمشي قلت نسلم بس
حنين :لالا مافيش مشي خش تغداء وروح
ياسين :باهي حاضر
كلهم في القرايا مافيش حد كان حنين وفرح وياسين
حطت حنين لغداء على النار
خشت فرح دوشت وغيرت حوايجها لبست توته حمراء تهبل طالعه عليها ورفعت شعرها فوق
ياسين مقعمز في الصاله يتفرج
حنين :ياسين أنا طالعه شويه وبنجي كان سألتك فرح قوللها مش مطوله وقوللها اديرلك قهوه
ياسين :حاضر ياعمتي
نزلت فرح خشت للكوجينه ملقت حد دارت قهوه ومشت للصاله لقت ياسين مقعمز علي الصالون لما شاف فرح وقف لأن هو أول مره يشوفها هكي فرح تحشمت حطت القهوه على الطاوله وجت بتطلع وقفها ياسين
وقرب منها وقعد يشوف في عيونها وتغمرها
ياسين :فرح أنا نحبك معاش نقدر نعيش بلاك أرحميني أرجوكي
فرح قعدت تبكي قعد ياسين يمسحلها في دموعها وضمها لصدره بالقوه ويهدي فيها
فرح :ياسين
ياسين :عيونه قلبه روحه
فرح :حتي أنا نحبك وقعدت تبكي
ياسين :اه وأخيرا سمعتها ياروحي خلاص معاش تبكي كل شي ليه حل وعد مني مش راح نزعلك
قعمزوا يشربوا في القهوه شويه وتليفون فرح يتصل
ياسين :مني يتصل ؟؟؟
فرح :هذا ........
إلي اللقاء في الحلقه القادمه لاتنسوا التصويت
للكاتبه:( نسرين محمد )
❤❤❤❤❤❤❤❤❤❤
