الحلقه الرابعه والتلاتون
بعد نصف ساعه طلع الدكتور من عند حنين جاته مرح تجرى وجي سراج وراها
مرح :شن يادكتور طمني على وضع أمي 😢
الدكتور : محصله صدمه قويه وخشت في غيبوبه
مرح :😭😭😭😭تبكي
قعد سراج يهدي ويصبر فيها
مرح :واخر عني أطلع من حياتنا كل لي صار فينا بسببكم
سراج :😨شن تقولي يامرح أنا معنديش علم بالموضوع ولما علمت كلمتك وقلتلك جايكم نبي نحكيلكم لي صار هما سبقوني
مرح :أطلع من حياتي أطلع 😭😭😭😭😭😭😭😭😭😭😭😭😭😭😭
سراج مشي طلع وسيبها وفي خاطره يقول هذا لي خايف منه أنا باهي شن ذنبي أنا 😳
مشي للبحر ويعيط بالصوت العالي ويقول شن ذنبي أنا ياربي علاش ديما نتحمل في أخطاء غيري والله تعبت حتي لي حبيتها بتسيبني 😵
مرح أتصلت بي فرح وحكتلها لي صار شويه وجي ياسين لي فرح وحكتله كل لي صار معاهم قاللها وتي روحك بنمشولها في المستشفي مشت فرح كلمت غاده وقالتلها رد بالك من أحمد ومحمد وأنا بيرفعني ياسين لي ماما في المستشفي
طلعت فرح ركبت مع ياسين في السياره وطول الطريق ساكتين وفرح تبكي 😢
ياسين :يافرح خليك قويه أنتي لكبيره ولازم تكوني قويه قدام خوتك وأدعيلها بس وهو والله مايستاهل دمعه من عينك
فرح :أنا واجعتني ماما وهو والله مايهمني بكل ياريت مرجعش بكل وإلا طلع ميت أحسن مايكون سيبنا على خاطر وحده هو لو كان قاللنا راهو مصارش هكي مش يختفي فجأه وننشغلوا عليه 😢
وصلوا للمستشفي فرح لقت مرح مقعمزه على الكرسي وتبكي وصايره فيها حاله تغمرتها وقعدت تبكي هي وياها😭😭
🌼^بعد مرور شهر^🌼
حنين قاعده في غيبوبه ليها شهر ومافيش أي تحسن في وضعها نهائي وكل يوم تقعد معاها وحده من بناتها وياسين هو لي تكفل بيهم وقعد معاهم طول الوقت ويرفع فيهم ويجيب
وياسين عقد على فرح بس بدون عرس ولا حاجه يعني مش يبدا عادي يخش ويطلع في أي وقت ويفتكوا من دوت الناس بس عقد بلا زواج
وفرح دارت إمتحاناتها وكملتهم وكل يوم تمشي بدون ماتقرا
وأحمد ومحمد كملوا قرايا ونجحوا
مرح قطعت علاقتها مع سراج من شهر وصارت فيها حاله ضعفت راحت بتموت وهملت قرايتها ونفسها
وغاده تقوت علاقتها هي وجواد وأعترفلها بحبه وهو رجع لي ليبيا وتقوت علاقته مع ياسين وراحو صحاب
وحسام وعفاف عايشين حياتهم ويهيجوا في باريس وكل أسبوع في مكان شكل وعفاف طلعت حامل
وسراج قطع علاقته مع الكل وباع كل أملاكه ومشي لبرطانيا عايش غادي وصايره فيه حاله ويحاول كل مره يتصل بي مرح بس هي مسكره تليفونها متبيش تكلمه يسأل عليها في جواد ديما
في الليل مقعمزه فرح جنب أمها هي وياسين فجأه صوت الجهاز متعت القلب قعد يدير في صوت طلع ياسين يجرى كلم الدكتور وجي الدكتور يجرى وجوا الممرضات وقعدوا يديرولها في الصدمات
فرح تبكي بالصوت العالي ياارب يااارب إلا أمي كل شي إلا هي يااربي
وياسين شاد فرح ويهدي فيها وهو بروحه خايف أن يصيرلها شي لأنه عارف شن حيصير فيهم بعدها
قعد الدكتور عندها نص ساعه بعدين طلع
ياسين :شن صار يادكتور طمنه عليها
فرح :أمي عايشه يادكتور قولي عايشه قول يادكتور 😢😢😢😢
الدكتور :....... ...........
إلي اللقاء للحلقه القادمه
للكاتبه :(نسرين محمد)
❤❤❤❤❤❤❤❤❤❤❤❤
