الحلقه السادسه والتلاتون
جواد :كيف حالها أميرتي اليوم ؟؟
غاده :بخير وأنت كيفك
جواد :سمعت صوتك صرت بأحسن حال
ياعمرى بنقولك حاجه
غاده :شني قول
جواد: أنا بنمشي لي شرق عند أهلي
غاده :😳😳بتقعد غادي
جواد :لا عندي موضوع بنديره وبنرجع
غاده :امتي بتمشي
جواد :اليوم
غاده :باهي توصل على خير ورد بالك على روحك
جواد :ان شاء الله حتي انتي ياروحي
غاده :ان شاء الله لما توصل كلمني
جواد :باهي حاضر سلام توا
غاده :سلام
حنين :غاده تعالى نبيك في داري
غاده :حاضر ماما شويه بس
حنين :أحكيلي شن صار بعدي خيرها مرح وشن قصتك أنتي وجواد
غاده :............... وهذا كل شي ياماما
حنين :بس سراج مليشي علاقه بالموضوع حتي هو مظلوم زينا وجواد هذا منعرفوا شي عليه
غاده :بنتك مسكرا راسها ومتبيش تكلمه هي لي لزاته وجواد صاحب سراج ولينا شهر معاه وهو ولد كويس صدقيني ماما
حنين :باهي أمشي كلميلي مرح
غاده :باهي حاضر
مشت غاده كلمت مرح . .........
غاده :مروحه تبيك ماما في دارها
مرح :باهي هي
مشت مرح لي دار أمها وهي متردده وخايفه لأنها عارفه الموضوع لي تبيها أمها فيه
مرح :نعم ماما
حنين :تعالي في جنبي ياماما
مرح :نعم
حنين :حكتلي غاده كل شي وسراج مدخلاش في الموضوع وهو ولد ماشاء الله عليه مارينا منه كان كل خير
مرح :😭😭😭قعدت تبكي ياماما أنا لما شفتك كيف تاعبه معرفتش شن اندير وحطيت اللؤم كله عليه وقلتله هلبه كلام 😭😭
حنين :باهي معاش تبكي أنا في جنبك وسراج قاعد تقدري تصلحي غلطك معاه أنتم تحبوا بعضكم ومكابرين أنا نعرف
مرح :أنا مسكره تليفوني من يوم مرضتي لأني منبيش نحكي معاه
حنين:خلاص لي صار صار وسامحيه
مرح :قلبي قاعد غاضب ومش متريح أمتي مانصفاء توا نكلمه
حنين :باهي على راحتك
في الليل 🌸🌸
مقعمزين يتفرجوا على التلفزيون تليفون فرح يتصل شافاته لقاته ياسين
فرح :اهلين ياسين كيف حالك
ياسين :اهلا يافرحة عمرى بخير وأنتي
فرح :بخير
ياسين :أنا قدام الحوش أفتحي الباب
فرح :باهي شويه بس
فرح :ماما ياسين جاي قالي أفتحي الباب
حنين :باهي نوضي أفتحيله
ناضت فرح فتحت الباب لي ياسين
ياسين :اهلا تعالي شويه نبيك في موضوع
فرح :وين
ياسين :تعالي نقعمزوا على الطاوله لي برا
فرح:باهي تعالي هي
قعمزوا على الطاوله وقعدوا يشوفوا لي بعض
فرح :أي أحكي نسمع فيك 😊
ياسين :بصراحه الموضوع حساس شويه وأنا خايف من ردت فعلكم بس هكي أحسن صدقيني ولازم تفرحي بيه الخبر
فرح :باهي شن هو قول شوقتني
ياسين :طلع ورقه من جيبه وعطاها لي فرح
فرح :شن هاذي ؟؟؟
ياسين :أفتحيها تو تعرفي
فرح فتحت الورقه وقعدت تقرأ فيها ومش مصدقه بكل ودموعها ينزلوا زي لمطر وفي نفس الوقت تضحك 😢😢
(مرات يصيرن مواقف متعرفش فيهم تعبر عن لي داخلك تضحك تبكي مش فاهم شي وتايه لأن مرات الأنسان من كتر مامرن عليه مواقف في الحياه وتعب احساسه وتميزه في مشاعره يفقده من كتر الألم والخوف 😢😢)
فرح :ياسين أنا مش عارفه نفرح والا نبكي والا شن ندير
ياسين :تعالي نحكوا لي أهلك
فرح :الله يستر نوض هي
خشوا فرح وياسين داخل وهما متراددين وخايفين وقلوبهم ❤❤يدقوا بسرعه
ياسين :السلام عليكم
حنين :وعليكم السلام كيف حالك ياوليدي وكيف حال أهلك
ياسين :الحمد الله بخير ياعمتي سلمك
حنين :تفضل
ياسين :زاد فضلك بارك الله فيك أنا ياعمتي جاي بنقوللكم موضوع
حنين :ان شاء الله خير شن في ؟؟؟
ياسين :..............
إلي اللقاء للحلقه القادمه
لاتنسوا التصويت حبايب قلبي الله لايحرمني منكم 😘😘😘
للكاتبه (نسرين محمد)
🌻🌻🌻🌻🌻🌻🌻🌻🌻🌻🌻
