الحلقه الأول
رن المنبه ناضت فرح شافت الساعه لقتها 8:30 ناضت تجرى غسلت وصلت ولبست وخدت كتبها ونزلت لوطه لقت أمها وبوها يفطروا فطرت وطلعت هي وبوها وصلها للكليه ومشي للعمل
حنين :غاده مرح نوضوا هيا
غاده :صباح الخير ماما
حنين :صباح النور نوضن هيا ومشت نوضت محمد وأحمد طبعا اليوم سبت معندهمش قرايا
نزلت حنين وتتلهم لفطور
ضمن غاده ومرح دارهن ومشن ضمن دار محمد ودار أحمد ونزلوا فطروا وضمن الحوسه
فرح في الكليه عندها صاحبتين واحده أسمها أيه والتانيه عائشه
فرح :صباح الخير كيفك أيه
أيه :صباح النور تمام وانتي
فرح :تمام وين عويشه
أيه :وين يعني راقده
فرح :مش جايه شكلها وقت على المحاضره خلينا نرقوا هيا
أيه :باهي هي
وهما ماشين جي جهاد سلم على فرح وعطاها كتاب وقاللها أكيدا راح تحتاجيه
فرح :شكرا جهاد كيف حال لعويله
جهاد :بخير الحمد الله منطولش عليك شكلك عندك محاضره
فرح :ايه عندي محاضره سلام
جهاد هذا ولد عمت فرح يقرا حتي هوا طب سنه رابعه يعني أكبر من فرح بسنتين
هو طويل وجسمه رياضي يهبل وعيونه خضر وكبار وشعره أصفر وبشرته متوسطه
أيه : محلاه ولد عمتك يافرخه شكله ذايب فيك ههههه😉😉
فرح :بلاش سماطه يابارده واجري وقت على المحاضره
دارت حنين لغداء ومرح وغاده ضمن الحوش ودارت غاده كيكه
غاده :ماما بنمشي أنا ومرح لحوش جدو
حنين :حتي أنا حاطه في بالي بنمشي بعد الغداء وقلت أنا منين جاتك الفلاحه ودرتي كيكه ههههههه
غاده :ماما 😕😕
حنين :باهي خلاص سكت
شويه وروحوا حسام وفرح وتغدوا وضمت غاده الحوسه وخشوا يوتوا في رواحهم ومشوا خشوا سلموا عليهم ولقوا عمتهم سعاد وبناتها غادي
سعاد هذي أم جهاد عندها جهاد ونورا ونور الهدي
ولقوا عمهم إبراهيم وعياله مرته إبتسام وبنته أماني وأميمه وولاده ياسين وشاهين
ويهدرزوا ناضت فرح للكوجينه وجت وراها نورا
نورا :شن جو الكليه يافرح
فرح :ماشيه والله تعب بكل
نورا :حتي جهاد يقول تعب قالي انه شافك اليوم
فرح :ايه عطاني كتاب
دارن قهوه وكيكه وطلعن وقعدوا يشربوا ويهدرزوا
سعاد :ماشاء الله على الكيكه فروحها شكلك انتي مدايرتيها
فرح :اا
غاده :ايه فرح دارتها فرح شاطره في كل شي في القرايا في الطبخ في كل شي
سعاد :ماشاء الله ان شاء الله نشوفك عروس
حنين :ان شاء الله سلمك
غاده:😈😈
فرح :😞😞
شويه وطلعن لبنات للجنان ويهدرزن ويضحكن شويه وجي جهاد
جهاد :السلام عليكم
البنات :وعليكم السلام
جهاد :كيف حالكم
البنات :بخير
أماني :شن جو لقرايا جهاد أنا اخر سنه في التانوي قلت مرات نخش طب زيك أنت 😍
جهاد :أسألي فرح لأنها بنت زيك أنا ولد وتختلف قراية البنت عن الولد 😡
البنات :😂😂😂😂😂😂
أماني :طارتلها وخشت داخل
جهاد :نورا نادي أمي نوضي
نورا :باهي تعالي غاده بنوريك لي قلتلك عليه 😉
ناضت غاده وناضت وراهن نور الهدي وأميمه حتي احني بنشوفوا
قعد جهاد يشوف لي فرح مرح حست انه في حاجه ناضت
البنات يشوفلهم من الروشن وأخيرا فهمت السيده مرح وناضت
أماني :شن تشوفوا شافت وطارتلها 😠😠لأنها هي تحب في جهاد وجهاد مش معبرها بكل
جهاد :فرح 😊
فرح :نعم
جهاد:أعطيني رقمك نبيك في موضوع ضروري
فرح :شن في قول توا
جهاد :لا منقدرش توا متشوفيش وراك البنات قريب يطلعن من الروشن 😂😂
فرح :😐باهي ........ ملت الرقم عليه
ناض جهاد وسجل رقم فرح وإتصل بي أمه وقاللها هيا طلعوا روحوا وجهاد سلم على فرح ويشوفلها في نظرات غريبه ☺
طلعن لبنات ويشوفن لي فرح ويضحكن
فرح :خيركن شن في ؟؟؟😠😠
خشت فرح وهي خاشه تخبطت هي و. .....
إلي اللقاء في الحلقه القادمه إن شاء الله تنال إعجابكم
للكاتبه نسرين محمد
💖💖💖💖💖💖💖💖💖💖💖💖
