الحلقه التامنه
عيسي توفي وأنا ولده وإسمي سراج تفضلي ياأختي كيف نساعدك
فرح حكتله الموضوع كله من البدايه وطلبت منه المساعده
سراج :باهي خلاص أنا جاي لي ليبيا بعد العصر نكون عندك ممكن تبعتيلي عنوان بيتكم
فرح :تمام بارك الله فيك ياسراج
شويه وخبط الباب فتحت فرح لقتها أمها روحت سلمت عليها وقعدت تبكي 😭😭
خشت أمها وغاده وجهاد وتتلهم فرح لفطور وفطروا وروح جهاد
شويه وجو خوت حسام وخواته كلهم في حوش حسام مقعمزين في الصاله حكتلهم فرح على لي صار وأن بوها مخطوف وأنها طلبت مساعده من ولد صاحب بوها
شويه وقعد الباب يخبط ناضت مرح فتحت لقاته شاهين
شاهين :وين فرح
مرح :داخل وعمامي وعماتي كلهم داخل
شاهين :أحسن حاجه
مرح :تفضل
خش شاهين وسلم عليهم وحكالهم على لي صار مع ياسين وإن وضعه خطير وسافروا بيه لأمريكا
كلهم مصدومين 😲😲😲😲
فرح :قعدت تبكي المسكينه 😭😭وصارت فيها حاله كلهم حسوا أنه في حاجه بيناتهم
ومشي شاهين خبر جده وجداه على لي صار مع ياسين ومع عمه حسام وانصدموا وصارت فيهم حاله
إتصلت حنين بي هلها وخبرتهم إن حسام مخطوف شويه وجوا كلهم والحوش زحمه بكل
فرح المسكينه في حاله من جهه بوها👨 ومن جهه تانيه حبيبها ❤
داني يتصل بي غاده متردش عليه بعتلها رساله وقاللها كان مترديش بنجي لحوشكم بعتتله رساله وقالتله إنها مش فاضيه وكلهم ملتمين في الحوش وبابا مخطوف
وصل إبراهيم لي أمريكا ودخلوا ياسين
للعمليه طول
حنين خشت لي دارها قعدت تقرأ في القرأن وكلهم روحوا
غاده إتصلت بي داني وحكتله كل لي صاير
شويه وقعد يخبط الباب فتحت فرح لقاته شاب وسيم وجميل جدا
فرح :تفضل ياخوي من تبي
أنا سراج ولد عيسي أكيدا أنتي فرح
فرح :أه ايه أنا فرح تفضل أدخل
خش سراج وضيفاته غاده قهوه ومشت كلمت أمها
قعدات فرح تحكيله على الموضوع بالتفصيل وشاف الرساله والفيديو
وعطاها المبلغ كامل وقاللها متتصرفيش من عندك أنا بنكون معاك في كل خطوه
قعد سراج عندهم في المربوعه لأنه معنداش حد في ليبيا
ياسين قعد في العمليه 9 ساعات وقاعده حالته خطيره وعايش بالأجهزه لو نحوها من عليه يموت طول
إبتسام وإبراهيم في حاله ولدهم قدامهم ومش قادرين يديروله حل
الساعه 12 في الليل تليفون فرح يتصل ناضت تجري شفاته لقاته رقم غريب عرفاته لي خاطفين بوها
قاللها تو تمشي تحطي المبلغ في الحديقه جنب البريد وأي حركه منك محسوبه حطيه وطول للحوش وراهو كان حد علم إنك بتجيبي المبلغ للحديقه تلقي بوك في المقبره عندك ساعه وحده لأكتر ولا أقل
فرح 😱😱باهي باهي وبابا كيف بتعطيهلي ؟؟
ديري زي ماقلتلك وين نعلم بيك كان تكذبي بوك الصبح تلقيه في الحوش ..
فرح :تمام 😢😢
فرح لبست عبايتها وتخمرت مش ما حد يعرفها وخذت المبلغ وطلعت وهي طالعه من الحوش يلقيها ........... .......
إلي اللقاء للحلقه القادمه
للكاتبه :(نسرين محمد )
💘💘💘💘💘💘💘💘💘💘💘
