الحلقه الثالته عشر
فرح :هاذي عويشه
عويشه :الو فروحه كيفك
فرح :تمام عيوش كيفك انتي
عويشه :تمام وينك يابارده والله استحشناك والكليه من دونك مش حلوه بكل
فرح :تسلميلي ياغاليه والله حتي انا استحشتكم هلبه كيف حال أيه
عويشه:باهيه طيحت واحد طرف من الأخير والله مانحكيلك
فرح :ههههه باهي واخيرا فتاته الولد متع المطار
عويشه :ههههه فتاته ..شن صار في بوك ؟
فرح :والله مافي خبر عليه بكل
عويشه :ان شاء الله خير فروحه كانك قاعده في الحوش بنجوك انا وأيه بعد العصر
فرح :قاعده تعالن استحشت دوتكن الفاضيه ههه
عويشه :هههه باهي اقلبي وجهك توا سلام
فرح :هههه سلام عيوش
هاذي عائشه صاحبت فرح تعرفن على بعض في الكليه بنيه طيوبه ودمها عسل وجوها ضحك أطلع طول تهدرز معاها تنسيك همك
بوها متوفي في حادت وعندها أمها وخواتها 2 وخوتها 3 (هي طويله وجسمها حلو وشعرها طويل لونه بني وعيونها عسليات )
حنين :خيرها عويشه
فرح :بتجيني هي وأيه بعد العصر
حنين :والله استغربتهن وين مختفيات ومدورنكش
شويه وخبط الباب فتحت فرح لقاته سراج وجايب معاه هلبه حاجات حطهم في الكوجينه ومشي يجيب في الباقي من السياره
مشت فرح قالت لأمها وجت حنين
حنين :شن هذا ياسراج
سراج :شوية حاجات للحوش
حنين :ليش مكلف نفسك ياوليدي
سراج :والله ياعمتي أنا معاكم حسيت بالراحه والأمان وحسيت روحي بين أهلي أنا معندي حد بابا متوفي وأمي متعلم بيا حي وإلا ميت منحسش أني غريب عليكم بكل
حنين :والله حتي احني ياوليدي ربي يحفظك
سراج :تسلمي عمتي كان ناقصه حاجه قوليلي بس
فرح :سراج ☺
سراج :نعم فروحه
فرح :بيجوني صاحباتي بعد العصر نبي حاجات
سراج :شن تبي قولي ؟؟
فرح :نبي مكسرات وشبس وشكلاطة كندر وتوكس وبوشار وبكلاوه 😆😆
سراج:حاضر لما بنروح بي خوتك نجيبهم معاي
فرح :تسلم
سراج :كان نسيتي حاجه وتفكرتيها قوليلي ☺
فرح :حاضر
دارت حنين لغدي كسكسي
مشي سراج للمول وخذي حاجات فرح لي وصاته عليهم وخدي لي مرح حاجات شوكلاطات هلبه أنواع كلها راقيه وشبس ومكسرات وكيكات
وخدي لي محمد وأحمد
مشي لمدرسة مرح لقاها تستني فيه لما شافته جت تجري
مرح :وينك طولت عليا 😒
سراج :أسف بس كنت في المول وجبتلك حاجات تفضلي
مرح شافتهم قعدت تضحك وقالتله شكرا خدت شوكلاطه فتحت طرف كلت منه قعد سراج يشوفلها عطاته من طرفها خدي منها ويشوفلها ويبتسم 😊
وصلوا لمدرسة أحمد ومحمد
سراج :حطيهم في الشنطه لأن لي جبتهلك أنتي أكتر منهم كوليهن بروحك
مرح :😂😂حاااضر
ركبوا أحمد ومحمد وعطاهم حاجاتهم ومشوا للحوش
فرح أضم في الحوش وفرحانه ركبت فوق تسمع في حد يتكلم قربت من باب الدار وقعدت تسمع أنصدمت😱 معاش عرفت شن ادير فتحت الدار ..... . .
إلي اللقاء في الحلقه القادمه
للكاتبه :(نسرين محمد )
💝💝💝💝💝💝💝💝💝💝💝💝
