الحلقه الخامسه والعشرون
في الليل مقعمزين في الصاله يتفرجوا على التلفزيون تليفون حنين يتصل
حنين :ألو
:السلام عليكم
حنين :وعليكم السلام مني معاي ؟؟
:أنا إبتسام ياحنين كيف حالكم
حنين :اه اهلين ابتسام الحمد الله بخير كيف حالكم أنتم
إبتسام :بخير ونعمه سلمك
غاده خدت لمخده ولوحتها على على فرح
فرح :خيرك ياحيوانه 😠
غاده :عزوزتك تتصل تسأل عليك ههههههههه
مرح :ههههههههههه أشي سعد الناس أنا ماعندي عزوز
مرح &غاده 😂😂😂😂😂😂😂
فرح :😒😒
حنين فنصت في بناتها بمعني أسكتن 😠
إبتسام :والله أنا نبيك في موضوع كان قاعدين بكرى بنجيكم
حنين :ايه قاعدين تفضلي في أي وقت ان شاء الله خير بس
ابتسام :خير خير ان شاء الله سلميلي على لبنات وتصبحي على خير
حنين :يوصل سلامك وانتي بخير سلام
حنين :خيركن متسكتن مش قدامكن نتكلم بالتليفون 😡
غاده :خيرها ياماما شن تبي
مرح :شكلنا بنحصلوا عرس قريب
حنين :طمي فمك انتي وياها قال بتجي بكرا
فرح :ماقلتش علاش بتجي ؟؟😯
حنين :ماقالت شي هي نوضن أرقدن ساد سهر
إبتسام :ياسين وينك
ياسين :في الكوجينه ياأمي
ابتسام :كلمت حنين توا وخديت موعد بنمشيلهم بكرى
ياسين :وعلاش شن عندك عندهم
ابتسام :بنخطب لي شاهين
ياسين :من بتخطبيله ؟؟
ابتسام :بنخطبله فرح
ياسين كانت في ايده طاست العصير طاحت منه .. كيف ياأمي اديري في رايات منك ليك ومن قالك شاهين يبيها أصلا 😡😡
ابتسام :هوا قالي
ياسين :متمشيش مافيش مشي
ابتسام :وعلاش ان شاء الله ياغزال بنمشي نبي نفرحك بيك ونشوف صغارك وصغار صغارك
ياسين :قلت لا يعني لا 😨كيف صغار مني
ابتسام :صغارك ياأهبل بنخطبلك فرح لان وصلني في وحدين بيمشوا يخطبوها قلت نسبقهم لان عارفاتك تبيها
ياسين :سلمها ليا أحلي ام في الدنيا وقعد يسلم علي امه ويتغمر فيها
ابتسام :باهي ساد ياأهبل وخر عني قبل منغير رأي
طلع ياسين من الكوجينه مشي يجرى لي داره خدي تليفونه ويتصل بي فرح
ياسين :اهلين ياروحي كيف حالك
فرح :الحمد الله بخير وأنت
ياسين :أنا بألف ألف مليون ترليون خير 😍😍
فرح :😀ان شاء الله خير شن في ؟؟
ياسين :بنخطبك يافرخه خلاص بتصيري مرتي أمي بتجيكم بكرى فرحان بنطير أنا
فرح :بس أنا منقدرش نتجوز 😔
ياسين :وعلاش ان شاء الله شن في خيرك ؟؟؟😞😞
فرح :لأن ................ ...........
إلي اللقاء للحلقه القادمه
للكاتبه :(نسرين محمد )
💙💙💙💙💙💙💙💙💙💙💙💙
