الحلقه التلاتون
باب الشقه قعد يخبط
جواد:من بيجينا يعني ؟؟
سراج :وين نعلم نوض شوف
جواد:والله ماني نايضها نوض بروحك أنا بنرقد سلامتك
سراج :تي باهي ياكلاب والله ماني مفوتهلك
وناض سراج بكل كسل يكر في روحه كران
سراج :مني ؟؟؟
..... . :أفتح أنا عمك
من عمي هذا 😞😞فتح لباب لقي أمه واقفه على الباب ومعاها راجل
سراج :😠😠
بيسكر الباب في وجهم منعه راجل أمه ودف الباب وقاله ياسراج لازم تسمعنا بعدين أحكم أنا مانبي شي غير أنك تسمع أمك هي كل يوم تتعذب وأنا منقدرش نتحمل عذابها
سراج :باهي تفضلوا
خشوا وقعمزوا في الصاله
سراج :نسمع فيكم أحكوا لي عندكم
:أنا راجل أمك ياسراج وبمتابت عمك أسمي حسام ال*********
سراج :كيف 😲😲شن أسمك أكيدا تبصر أنت 😱😨😵😲😱😡😠
حسام :خيرك شن في ياسراج ؟؟؟
سراج :أنت والله ماتتحشم واحد حقير😠
حسام :شن الكلام هذا خيرك
سراج :متعرفش شن صار فيهم بعدك وأنت ولا هامك وعايش حياتك وهما كل يوم يبكو عليك ومش عارفين شن يديروا مافيش حل لي ماداروه ومافيش مكان لي مدورك فيه وأنت تصيع أهني 😠
عفاف (أم سراج):شن تقول ياسراج ؟؟
سراج :أنتي أخر وحده تتكلمي هو فاهمني على شني نتكلم مفكرتش في صغارك باهي فرح وغاده ومرح باهي أحمد ومحمد وعمتي حنين المسكينه أنت واحد حقير
حسام:أنا نحب أمك من زمان ونبيها بس مصارش نصيب وماعنديش حل غير أني نهرب أنا وياها لأن هلها مش راح يوافقوا ومرتي وصغاري مش راح يهنوني ومبيتش نحكي لي حد ولما مشيت مفكرت في حد كان في نفسي وهذا لي صار
سراج:أطلعوا برا أطلعوا
لزهم من الحوش وصارت فيه حاله مش مستوعب الموقف لي صار ويفكر كيف بيقوللهم على لي صار
جي ياسين وروح بي أمه وصلها للحوش وطول أتصل بي فرح
ياسين :ياهلا بعروستي
فرح:اهلين بيك ياعريسي هههههههه
ياسين :دومها الضحكه ياربي 😘😘😘أنا اليوم أسعد واحد في الدنيا كلها
فرح :وأنا أسعد وحده في الدنيا 😘
هدرزوا شويه وبعدين سكروا
فرح فتحت الواتس وقعدت تهدرز هي وعويشه وأيه في لقروب أسم لقروب (يارب نعقلوا )
فرح :بقيراتي عقلتن وإلا مزال
عويشه :أنا منعقلش لين نموت ههههههه
فرح :وأنا بنقوللكن أني عقلت ونخطبت
عويشه :مبرووك مبروك نعيجتي من عريس الغفله
أيه :مبروك (أندرويري)من هذا تعيس الحظ هههه
فرح :ياسين
قعدن يهدرزن لعند الليل ويضحكن وجوهن يهبل 😍😍
سراج :خدي تليفونه وبتصل بي مرح بس متردد وخايف شن بيقوللها يعني أنا بوك لقيته وطلع مسيبكم عليشان وحده وتزوجها والوحده هاذي هي أمي الموضوع صعب
(مرات تفرح وتحس الدنيا مش سايعاتك من الفرحه في لحظه وأقل من تانيه يجي من يخربلك فرحتك ويقلب حياتك وحياة غيرك وبالمقابل هو مش هامه شي .......
هو الحب مش عيب وماليشي عمر بس مرات يخليك تتهور وتتسرع وأدير أشياء وتستخناء عن أشياء تندم عليها طول عمرك
وفي النهايه كله أقدار ومكتوبه ونحن لانستطيع تغير شي ولا منع شي )
تشجع سراج وأتصل بي مرح
سراج :ألو مروحه كيفك
مرح :بخير الحمد الله على سلامتك
سراج :الله يسلمك ياعمرى
مرح :والله أستحشتك من توا 😳
سراج :مرح بنقولك حاجه
مرح :شني سراجي قول
سراج :أنا .............. ...
إلي اللقاء للحلقه القادمه
للكاتبه: (نسرين محمد)
💔💔💔💔💔💔💔💔💔💔
