الحلقه السادسه والأربعون
مرح :ليش شن السبب
حنين :فهمينا خيركم ؟؟
غاده : مش عارفه قالي يجي وقت وتفهمي 😭😭
قعدن يصبرن فيها
غاده :ماما كان كلماتك قوليها موافقين
حنين :بس يابنتي
غاده :لا بس لا حاجه
فرح :احني مسألنش عليهم ولا نعرفوهم
مرح :باهي يجي وشوفيه وهذرزوا وكان تريحتي باهي وافقي
حنين :كان اتصلت انقوللها يجي بتشوفه قبل
غاده :ايه 😢😢
شويه وتليفون حنين يتصل
حنين :الو
خديجه :اهلين حنين كيف حالكم توا
حنين :بخير سلمك
خديجه :شن صار
حنين :والله قالت بتشوفه قبل وبعدين تقرر
خديجه :باهي خلاص اماله نجوكم غضوه ونتفهموا على كل شي
حنين :خلاص تمام
خديجه :تصبحي على خير
حنين : وانتي بخير
فرح تهدرز هي وياسين وحكتله كل لي صار
وتفهموا انهم بيمشوا شهر عسل لي باريس
مرح تهدرز هي وسراج على الفايبر وحكتله لي صار
غاده تصلي في استخاره وخدت المصحف قعدت تقرا وتدعي لي ربي
تاني يوم صباحا🌝🌝
ناضوا فطرو وطمو الحوشه اوتو هلبه حاجات عليشان الخطابه
حنين :غاده يابنتي أنا منبيكش تستعجلي حسيتك موافقه عليشان تقهرى جواد 😢
غاده :بالعكس ياماما والله حاسه روحي بنطير من الفرحه وامس صليت استخاره وتريحت هلبه شكله وجه خير عليا عالعريس 😅😅
مرح :بس ان شاء الله يطلع طرف 😍😍
غاده :تحشمي تقولي على راجلي هكي 😠
فرح :😅😅😅راجلك صار ماقالتش حتي خطيبي
حنين :الحمد الله ياربي قداش ليا مشفتكش فرحانه هكي
غاده :الحمد الله يااارب أمتي بيجو طولوا صح
فرح :😅😅😅بشوي عليك بس
مرح :😅اقلبي وجهك لودي على خليقتك تو نكملوا احني
غاده :باهي شكرا ااااموووواه
وطلعت تجرى من الكوجينه وفرحانه بطير 😍😍خشت لي دارها شويه تليفونها يتصل شافته لقاته جواد مبتش ترد عاود يتصل
جواد :اهلين غاده كيف حالك
غاده :نعم شن تبي 😠😠
جواد :خيرك تتكلمي هكي 😡
غاده :لو سمحت أنا مش فاضيه وهاذي اخرلك مره تتصل بيه أنا نخطبت
جواد :شن تقولي أنتي نخطبتي أكيد تبصري
غاده :لا منبصرش انخطبت وهو جاي بعد شويه ولو سمحت امسح رقمي لأني منحبش الخيانه ومستحيل نخون خطيبي مع واحد باعني
جواد :أنا نحبك مستحيل نسيبك أنتي ليا أنا وبس فاهمه ليا أنااااااا يعني أنااااا
غاده :غير زيد أحلم كان تحبني مديرش هكي سلام
جواد :غير أسمعيني
سكرت غاده عليه عاود يتصل بيها سكرت تليفونها بكل وخشت دوشت وجبدت شعرها ولادت على روحها وفرحااااانه بطير ومش عارفه ليش
فرح كلمت ياسين وقالتله تعالي بيجي خطيب غاده وجيب معاك سراج لان مافيش من يستقبل الراجل في المربوعه
بعد ساعه وصلوا ضيوف وخشن نساوين لصاله وضيفوهن قهوه وحلوات وخشت غاده سلمت عليهم طالعه تهبللللللل خياااال وهدرزت معاهم شويه وتليفون فرح يتصل ناضت شافته لقاته ياسين
فرح :نعم حبيبي
ياسين:الراجل في المربوعه قولي لي غاده تطلع أنا وسراج بنقعمزوا في جنان خلهم يأخدوا راحتهم
فرح :باهي حبيبي تو نكلمها سلام
فرح كلمت غاده وقالتلها أنا الراجل في المربوعه يستنا فيها
ناضت غاده لبست عبايه و وشاح وطلعت وقلبها يدق بسرعه ❤❤❤❤وترعش خايفه
وصلت لي باب المربوعه ...............
إلي اللقاء للحلقه القادمه
ان شاء الله عجبتكم احباااابي 😘😘
😻😻😻😻😻😻😻😻😻😻😻😻😻
