Tinawag nila ako
Para gawin ang mga bagay na ito
Sumabay sa agos ng mundo
Makisakay sa bago't uso
Tinawag nila ako
Na parang akong isang dayo
Tinuruang makipag kapwa tao
Kinailangang makibagay sa mga ito
Tinawag nila ako
Sinunod lahat ng kanilang payo
Oras ay ginugol para magbago
Sarili'y pinilit na maging katanggap tanggap sa mga ito
Pero bakit tila may mali?
Hindi ko na makilala ang sarili
Sa kagustuhan kong makibagay
Tila hindi na ito ang pinahalagahan kong buhay
At ngayon, tinawag nila ako
Isang hangal at walang kwentang tao
Sa kabili ng lahat ng bagay na ginawa ko
Panghuhusga parin ang aking natamo
Ako ay naging alipin
Ng kanilang mga tingin
Isang lapastangan, ganyan nila ako kung tukuyin
Nasugatan ng mga salita ang aking puso't damdamin
Ngunit, sa kabila ng ingay ng mundo
Sa kabila ng naririnig kong negatibo
Narinig ko ang tinig mo
Tinawag mo ako
Nakiusap na lumapit sayo
Sa nararamdaman ko'y may kung ano
Mga paa ko'y kusang sayo'y tumungo
Tila kahit paano'y napanatag ang loob ko
Tinawag mo ako
Binanggit ang pangalan ko
Laking gulat dahil ako'y kilala mo
Pero sino ka? Ano ang iyong pagkatao?
Tinawag mo ako
Sa pagkakasadlak ay tinulungang tumayo
Lakas ng loob ay binalik mo
Unti unting tinulungang magbago
Tinawag mo ako
Sarili'y mas nakilala ko
At doon ko napagtanto
Sa kasalanan hinayaan ang sariling magtago
Tinawag mo ako
Ipinaramdam ang pagmamahal mo
Mga nadurog na piraso sa aking puso
Ay pinulot at muling binuo
Tinawag mo ako bilang isang anak
Hindi ininda ang aking pagiging wasak
Tinanggap bilang kalakip ng iyong buhay
Ngayon ika'y handang gumabay
BINABASA MO ANG
Spoken Poetry (Tagalog)
PoetryTula para sa mga taong lumuha, tula para sa mga mugtong mata na sa pagiyak ay pagod na, at tula para sa nakaraang nais limutin na. Tula para sa tunay na pagibig, tula para sa mga salitang di masabi ng bibig, at tula para sa mga taong umaasang baka b...
