Minahal kita ng sobra
Ito'y alam mo ba?
Pangjeje ang tila naging linya
Ikaw lang, sapat na
Ang pag-ibig ko sayo ay parang linya sa kanta
Kulang ako kung wala ka
Para rin itong isang pelikula
Umabot man ng tatlong taon ay di magsasawa
Pagmamahalang walang hanggan
Di maghihiwalay kailan man
Yan ang sumpaang pinanghawakan
Kaya tayo'y patuloy na lumalaban
Ngunit alam kong sa akin ay magsasawa
At pag-ibig mo ay mawawala
Alam kong ika'y makakahanap ng iba
At sa puso mo ang papalit ay siya na
Alam kong darating ang pinakamasakit na araw
Na ikaw na mismo ang siyang bibitaw
Alam kong ika'y magdudulot ng sakit
At paghihiwalay natin ay sasapit
Hindi pa man nangyayari ito
Pero ako ay siguradong sigurado
Ang puso kong iyong binuo
Ay unti unting wawasakin mo
Ang mga bagay na ating pinagplanuhan
Ang lahat ng ating sumpaan
Iyong dahan dahang tatalikuran
At hindi na lilingunin kahit minsan
Hindi ko inuunahan dahil ako'y naiinip
Pero advance kasi akong mag-isip
Binuksan na ang mga bagay na nakatakip
Na balang araw ay posibleng sumilip
Hindi na kita tinanong pa
Kung ito sayo'y ayos lang ba
Nagdesisyon ng mag-isa
Sarili ko'y aking inuna
Kahit alam kong ito'y hindi kaya
Kahit takot man na mauwi sa wala
Masakit man sa damdamin
Pero itong desisyon ang siyang pipiliin
Ako'y hindi na nagdalawang isip
Kahit may panghihinayang na kalakip
Sa ating pag-ibig ako ay sumuko
At sayo ay tuluyan ng lumayo
Alam kong mauuwi lang sa masamang panaginip
Buhay natin ay iba ang magiging ihip
Advance kasi ako mag-isip
Kaya sarili ko'y akin ng sinagip
BINABASA MO ANG
Spoken Poetry (Tagalog)
PuisiTula para sa mga taong lumuha, tula para sa mga mugtong mata na sa pagiyak ay pagod na, at tula para sa nakaraang nais limutin na. Tula para sa tunay na pagibig, tula para sa mga salitang di masabi ng bibig, at tula para sa mga taong umaasang baka b...
