Naaalala mo pa ba,
Kung paano ang lahat ay nagsimula?
Kung paano ang matamis na pagtitinginan ay nabuo
Na ang buong akala ko ay totoo
Tandang tanda ko pa
Kung paano tayo nagkakilala
Kung paano ka nakilala ng lubusan
Dahil sa mga kwento mong puro kalokohan
Tandang tanda ko pa
Ang lahat ng naging alaala
Mga alaala na kasama ka
Mga sandaling tila kay saya
Bigla mo akong iniwasan
Sa huli'y napagdesisyunang lumisan
Lumisan ka nang wala man lang paalam
At iniwan ako sa pagitan
Sa pagitan mo ako iniwan
Sa pagitan ng kaibigan at ka-ibigan
Sa pagitan ng nahulog na ako at nahulog ka nga ba?
Sa pagitan ng may namagitan nga ba o wala
Sa pagitan ng gusto kita o mahal na ata kita
Sa pagitan ng umasa ako at pinaasa mo ako
Sa pagitan ng pinili kita at pinili mo'y iba
Sa pagitan ng katotohanan at ilusyon ko
Sa pagitan ng akala ko at akala ko lang pala
Sa pagitan ng sana at sana hindi nalang
Sa pagitan ng okay lang at ang sakit talaga
Sa pagitan ng ikaw lang at sana iba nalang
Sa pagitan ng ngiti at tawanan
May nakaadya na palang paglisan
Sa pagitan ng matatamis na salita
Mauuwi lang pala ang lahat sa wala
Sa pagitan mo ako iniwan
Sa pagitan ng alaalang di makalimutan
Sa pagitan ng dilim at liwanag
Sa pagitan ng damdaming hindi mapaliwanag
Sa pagitan mo ako iniwan
Sa pagitan ng dalawang pagpipilian
Ang tuluyang kalimutan ka,
O ang maghintay hanggang kaya pa
BINABASA MO ANG
Spoken Poetry (Tagalog)
PoesíaTula para sa mga taong lumuha, tula para sa mga mugtong mata na sa pagiyak ay pagod na, at tula para sa nakaraang nais limutin na. Tula para sa tunay na pagibig, tula para sa mga salitang di masabi ng bibig, at tula para sa mga taong umaasang baka b...
