Makapag-aral, yan ang aking desisyon
Ngunit sa pagpasok ko'y tila walang motibasyon
Dito'y wala ang aking atensyon
Nais makapag-aral ngunit ang magaral ay hindi intensyon
Tila lagi nalang walang gana
Sa mga proyekto'y madalas walang gawa
Mga aralin ay di pinapasok sa utak
Pero bunganga ko'y walang tigil sa pagputak
Papasok sa eskwela
Pero laging nakatunganga
Ganyan na ang nakasanayan
Pagsabihan ma'y di na tinatablan
Sarili'y di matawag na mag-aaral
Dahil sa mga bagay na inaasal
Tila isang manlalakbay na walang patutunguhan
Tila ganyan ang bagay na ginagampanan
Sa sigaw ni titser
Sa utos niyang tumayo at humarap sa pader
Tila diyan ay nasanay na
Himala kung mayroong magbago pa
Pero nagalit si titser
Hindi dahil may problema sila ng kanyang mister
Hindi dahil sa pagod na siyang umintindi
Hindi dahil sa bunganga ko'y siyang tuluyan ng narindi
Nagalit siya
Wala akong narinig na masakit na salita
Bagkus ako'y tinawag niya
At naglaan ng oras para makapag-usap kaming dalawa
Tinanong niya ako kung ano ang aking plano
Kapag nakapagtapos sa kolehiyo
Ano daw ba ang nais kong maging trabaho
Anong klaseng buhay daw ba ang nais ko
Sa mga tanong niya ako'y napasimangot
Wala akong maisip na maisasagot
Naubusan na ata ako ng mga pangarap
Hindi ko na makita ang maganda kong hinaharap
Ang tanging sagot ko sa tanong niya'y "hindi ko alam"
Naiinis ako, ano ba ang kanyang pakielam
Nagalit siya, yun ang aking pakiramdam
Nais ko na sanang magpaalam
Ngunit niyakap niya ako
Maniwala daw akong mayroong magbabago
Kung talagang gugustuhin ko
Mahahanap ang tunay na papel sa mundo
Nagalit siya
Dahil sa aking kawalan ng gana
Sa mga maling bagay na ginagawa
Sa kawalan ng pag-asa
Nagalit siya
Pero sa positibong paraan ipinakita
Ganito niya iparamdam ang pagmamahal niya
Galit siya pero kabutin ko parin ang inaalala
BINABASA MO ANG
Spoken Poetry (Tagalog)
PoesíaTula para sa mga taong lumuha, tula para sa mga mugtong mata na sa pagiyak ay pagod na, at tula para sa nakaraang nais limutin na. Tula para sa tunay na pagibig, tula para sa mga salitang di masabi ng bibig, at tula para sa mga taong umaasang baka b...
