بدلت حياتى

الحلقة الأولى

الحلقة الأولى

فى أحدر النوادى كانت تجلس سيدتان فى أوخر سن الأربعين تحدثت أحدى السيدتان
-انتى مش ناوية تشوفى لأبنك بقى عروسة ؟
تحدثت الأخرى بحزن
-لا هو مش عاوز يتجوز دلوقتى عموما ده لسه صغير عنده 26 سنة ايه اللى يخلينى اجوزه
-انا مش قادرة افهم هتفضلى لحد امتى انتى وجوزك مدلعين فيه كده ده المفروض بقى راجل
-وهو ابنى مش راجل
-معلش يا (يسرية) ده لسه بياخد من ابوه المصروف انتى عارفة انا بحب (إياد) اد ايه بس حاله مش عاجبنى
-(دلال) انتى عارفة ان ابنى كويس واى واحدة تتمناه
-يا حبيبتى مقولتش حاجة بس خليه يعتمد على نفسه شوية
-مش مهم مادام هو كويس يبقى مش مهم
*******************
فى أمريكا ٠٠
فى أحدى المنازل التى يبدو عليها الفخامة من الداخل والخارج
كانت ترتدى احدى الفتيات ملابسها وتستعد لإمتحانتها الأخيرة ارتدت (مينى جيب و بلوزة لونها ازرق قصيرة قليلا) ونزلت وجدت والدها يشرب الشاى
-good morning dad
(صباح الخير يا بابا)
-صباح الخير يا (نهال)
-بابا انا بحب الأسم اللى كانت بتدلعنى بيه مامى وانا صغيرة نووونا
تحدث والداها بسخرية
-امك دى كانت مدلعكى اوووى
-dad انت وعدتنى
-اوك اوك خلاص اول ما تخلصى امتحانات هتنزلى تقعدى عندها يومين بس بعد كده هترجعى بيت عمك
شعرت (نهال) بحزن شديد
-يوووووه بقى يا بابا واروح عند عمى ليه مادام ماما ليها بيت فى مصر انا مش فاهمة
-امك مش هتبقى فضيالك اصلا امك بتحب الشغل وبس انا مسبتهاش من شوية
فعوجت (نهاال) فمها
-لو سمحت يا dad اكلم عن ماما بطريقة كويسة 
-انا مش فاهم انتى بتحبيها ليه اصلا انا اللى ربيتك هى مهتمتش بيكى وراحت اتجوزت واحد تانى
زفرت (نهال) بضيق
-اكيييد ليها اسبابها يا بابا وانا هفهم الأسباب دى لما ارجع مصر
-براحتك يا حبيبتى انتى عارفة انا مش معترض انك تعيشى معاها ولا تشوفيها بس انا مش هاقدر أامن عليكى فى بيتها وجوزها ده اسمع انه مش كويس هطمن عليكى يا بنتى فى بيت عمك هيبقى اضمن
استسلمت (نهال) اخيرا لرغبة والداها
-اووووكيه dad خلينى بقى اروح الأمتحان وانا بالى مش مشغول بحاجة واحس ان نهاية الشهر ده هرجع مصر بقى 
فأبتسم (عبد العزيز) والداها
-ماشى يا حبيبتى ربنا معاكى يا بنتى
فإبتسمت (نهال) وخرجت للأمتحان
********************
فى مصر ٠٠
فى وقت الظهيرة فى أحدى غرف قصر ما كبير استيقظ شاب  دخلت عليه خادمة ما ومعها كوب من النسكافيه ووضعته بجانبه على (الكوميدين) فنظر لها الشاب بتمعن وعلى زى الخادمات الذى ترتديه فى القصر حيث يكشف قدمها فأبتسم حين رأها
-انتى جديدة هنا ولا ايه ؟
تحدثت الفتاة بأبتسامة
-ايوة يا فندم
تثائب الشاب وهو ينظر لها بعينان زائغتين
-واسمك ايه بقى ؟
-اسمى (داليا)
-قمرررر 
-افندم !!!!
-لا ولا حاجة
ذهبت (داليا) لتقوم بفتح شباك الغرفة ليدخل النور فنظر لها الشاب بحدة
-انتى يا بت انتى محدش قالك قبل كده انى مبفتحش الشباك
-لا ده حتى الاوضة ريحتها وحشة ومفيش فيها هوا خااالص يا (اياد) بيه
فعض (اياد) شفاته
-غورى من وشى دلوقتى يا (داليا)
-حاضر يا فندم
دخل الحمام ليغتسل ثم أرتدى ملابسه وابتدى ان يشرب كوب النسكافيه وهو يشعر بصداع شديد فمسك رأسه وحدث نفسه قائلا
-اهاااا يا دماغى ايه الصداع ده بس اللى انا حاسس بيه
ثم سمع صوت هاتفه فأخذ هاتفه واجاب
-مش ممكن انت لسه فاكرنى عشان تتصل ؟
فأته صوت شاب
-جرى ايه يا (إياااد) مانت عارف انا كنت مسافر ليه شغل وهرجع فى نهاية الشهر إن شاء الله
- ماشى يا عم بس يعنى بقالك شهريين حتى متصلتش
-كنت مشغول جدااا جدااا جدااا والشغل كتير اوووووى
-ربنا يعينك
-مش ناوى انت كمان تشتغل ولا ايه ؟
أجابه (إياد) معترضا
-لا يا (أمجد) انا كده زى الفل
-يا بنى انا مش فاهم انت مبتزهقش كل يوم بنات وشرب
فأبتسم (إياد) بسخرية
-مين قالك انى مش بزهق
-طب ايه ؟
-بقولك ايه غير الموضوع انا دماغى وجعانى
هز (أمجد) رأسه بإسى
-لما الكلام ميجيش ع هواك بيجيلك الصداع
أبتسم (إياد) قائلا
-عيبك انك فاهمنى 
فأبتسم (أمجد) 
-طب يلا سلااام وهبقى اكلمك بعدين
-اوك يا حبيبى
أرتدى (أياد) ملابسه وهبط بالأسفل فأعدت له أحدى الخادمات الفطور ودخل عليه والده
-ايه لسه صاحى يا (إياد) ؟
-ايوة يا بابا
فإبتسم والده
-طب بعد ما تخلص ابقى تعالى عشان اديلك الفلوس اللى انت عاوزها
-اوك يا بابا
*******************
فى الجامعة جلست فتاة يبدو انها تنتظر شخص ما فكل ثانية تنظر فى ساعتها وفى خلال دقائق اقتربت منها فتاة ما وهى تقول
-معلش يا سمسمتى المواصلات صعبة
أبتسمت الفتاة ثم قالت
-ولايهمك يا (مروة) ٠٠ يلا على المحاضرة
أنصرفت تلك الفتاة مع (مروة) وهم فى طريقهم لقاعة المحاضرات وجدت شاب يجلس مع فتاة نظرت له وإلى تلك الفتاة التى تنام على كتفه هكذا أمام الجميع دون أى خجل زمت شفتاها وشعرت بالضيق وجدت (مروة) إن صديقتها قد توقفت فقالت
-فى ايه يا (سما) ؟
ثم نظرت تجاه ما تنظر إليه وجدت ذلك الشاب والفتاة فتنهدت بأسى ثم قالت
-(سما) انتى مهتمة ب (أدم) ؟
افاقت (سما) من شردوها ثم قالت
-انتى ناسية انه بيجرى ورايا بقاله 5 سنين بأسم الحب !!
نظرت (سما) لإسفل ثم قالت
-ده انسان مش هيتغير الخيانة فى دمه
-بس انتوا مرتبطوش يا (سما) عشان يخونك انتى دايما رفضاه
ابتسمت (سما) بسخرية ثم قالت
-ده اخر راجل ممكن ابص ليه ٠٠ يلا على المحاضرة
تنهدت الفتاة ثم قالت
-يلا
*******************
فى أمريكا ٠٠
انتهت (نهال) من الأمتحان وكان سعيدة للغاية فإقترب شاب منها قائلا
-Nonaaa how r u ?
(نونا ٠٠ كيف حالك ؟)
-iam so happy ··the exam was so easy
(اشعر بسعادة كبيرة ٠٠ فقد كان الأختبار سهل للغاية)
-yes yes
(بالفعل)
-what about u  jhon?
(ماذا عنك يا چون)
-me too happy this the last exam
(اشعر بسعادة بالغة ٠٠ فقد كان أخر أمتحان)
ابتسمت (نهال) واقتربت منها احدى الفتيات
-(نهال) انا عكيت اوووى
شعرت (نهال) بالحزن وهى تنظر إلى صديقتها
-ليه كده يا (سمر) ؟
-مش عااارفة بقى اصل انا مذكرتش امبارح اصلا
-ليه كده يا بنتى ؟
تنهدت (سمر) بضيق
-كالعادة بابا وماما مشاااكل زهقت منهم بجد
-معلش يا حبيبتى
-عاارفة كنت بفكر اطلبلهم الشرطة بجد ع الأزعاج ده
فظلت (نهاال) تضحك
-يا مجنونة هتسجنى باباتك ومامتك
-انا مش عااارفة بجد لما تسافرى هقعد لوحدى ازاى انا ما صدقت الاقى حد مصرى زيى
فتنهدت (نهال)
-انتى كمان هتوحشينى بس لازم ارجع عاوزة اشوف ماما اوووووى يا (سمر)
-إن شاء الله هتشوفيها وهتفرحى  بقى انتى بقالك اد ايه مشوفتيهاش ؟
شعرت (نهال) بحزن شديد
-انا جيت هنا من وانا سنى 12 سنة ومن بعدها معرفش عنها حاجة بس جبت رقم تليفونها وهكلمها بليل وهقولها انى جيالها
-انا مش قادرة اصدق انتى مش بتكرهيها ؟!!  دى مسألتش عليكى
-اكيييد ليها اسبابها مين يعرف
-ممكن برده
-يلا انا مروحة عشان احضر الأكل لبابا قبل ما يجى من الشغل
-اوك يا حبيبتى
********************
انتهى (إياد) من أفطاره ودخل مكتب والده بالدور السفلى للقصر قام بفتح الباب ثم قال
-خييير يا بابا
-محتاج فلوس اد ايه الأسبوع ده ؟
فقاال (إياد) بلا مبالاة
-زى كل مرة
-تمام
وفى تلك اللحظة اتى لوالده اتصال
-ايه ده ده عمك بيتصل
تحدث (إياد) ببرود
-عمى مين !!
هز والده رأسه بأسى
-انت مش عايش اصلا معانا
ثم اجاب والده على الهاتف
-ايوة يا (عبد العزيز) عامل ايه وايه اخبارك ؟
-الحمد لله كله تمام يا حبيبى انت اخبارك ايه ؟
-تمام الحمد لله
-انا عاوز اقولك ان (نهاال) هترجع اخر الشهر
شعر (عامر) بسعادة كبيرة
-ايه ده بجد وانت مش هترجع معاها ولا ايه ؟
-لا انا عندى شغل محتاج شوية وقت عشان اصفيه وهى مش قادرة تصبر عاوزة تشوف امها
زفر (عامر) والد (إياد)
-انت مش حكتلها ع والداتها دى
-اعمل ايه مقدرش امنعها من انها تشوفها
-طيب
-عموما هى هتقضى اول يومين عند امها خلى بالك منها
-حاضر متخافش وبعدين تبات ليه ؟ ما تيجى تبات عندى
-عاوزة تقعد يومين سيبها
-بس انا خايف عليها من (عادل) جوز امها ده
تحدث (عبد العزيز) بثقة
-معتقدش انه يقدر يعملها حاجة وبعدين (نهال) مش ضعيفة متقلقش
-تمام
واغلق معه الهاتف ونظر (عامر) ل (إياد)
-انت متعرفش ان ليك عم ؟
-وانا شوفته فين ده قبل كده
-يا بنى عمك لما سافر كان عندك 15 سنة
-مش فاااكره
-ومش فاكر كمان بنت عمك
اندهش (إياد) قائلا
-هو ليه بنت ؟!
-اهااا (نهال) 
-يعنى بزمتك كده انا فاكر عمى من اصله عشان افتكر بنته بابا ادينى الفلوس وسبنى امشى
-طيب
واعطى له النقود فأخذهم (إياد) وقال
-بابا انت عمرك ما عزمت عمى ده عندنا من اصله مستغرب ليه انى مش فاكره !!
-بس جاه يودعنا قبل ما يسافر
-بس مش فااكر شكله بالنسبة ليا كان حد غريب
-مش مهم لما (نهال) تيجى تقعدوا مع بعض وتبقوا صحاب
-اه اه إن شاء الله وانا مالى بيها اصلا الا لو كانت حلوة بقى
هز (عامر) رأسه بأسى
-دى بنت عمك تبقى محترم معاها مش عاوز حركاتك اللى مع البنات التانية دى عليها
-يا عم دى لو طلعت حلوة من اساسه مش يمكن تبقى شكلها وحش ومعقد ساعتها لا بنت عمى ولا اعرفها
-مجنووووون
*********************
فى امريكا
أحضرت (نهال) الورقة التى بها هاتف والداتها وابتسمت قليلا ثم طلبت الرقم فأجابت والداتها على الهاتف
-الو
ابتسمت (نهال) بفرحة حين سمعت صوت والداتها وقالت
-ماما ؟!!
صمتت للحظة (نهال) و والداتها لم تكن تدرى ماذا عليها أن تجيب شعرت بالسعادة والتوتر والقلق وظل قلبها يدق بشدة ثم حاولت (سميرة) ان تتحدث جاهدة
-نوووونا انتى بجد (نهال) ؟!!!
فأبتسمت (نهال) وقالت
-ماما وحشتينى اووووى
-انتى كمان يا حبيبتى انا مش مصدقة انك بتكلمينى
تحدثت (نهال) بنبرة معاتبة
-كده يا ماما طول ال 11 سنة متحاوليش تعرفى مكانى ولا انا فين انا تعبت عشان اجيب رقم تليفونك
-انا معرفش انتى سافرتى فين اصلا ابوكى خدك وسافر فجاءة
-انا مليييش دعوة بالمشاكل اللى بينك وبين dad انا عاوزة اشوفك
-انتى فين وانا اجيلك ؟
فشعرت (نهال) بالضيق
-انا يا ماما فى امريكا بس هنزل اخر الشهر وهاجى اقعد معاكى يومين
شعرت والداتها بحزن شديد
-تقعدى معايا يومين بس؟!
-معلش بابا مش راضى اقعد اكتر من كده ومصمم انى اقعد عند عمى بس اكييد هبقى اشوفك
-عشان جوزى مش كده
-انتى عارفة اى اب من حقه يخاف ع بنته عااادى بقى يا ماما
-ماشى يا حبيبتى ولا يهمك قبل ما ترجعى بيوم قوليلى
-حاضر يا ماما بحبك اوووى بقى
-وانا كمان بحبك يا نونااا
ابتسمت (نهال) وأغلقت الهاتف وهى فى قمه سعادتها
********************
كان (أمجد) يجلس فى مكتبه فى الغردقة فدخل عليه والده
-انا عاوزك تسافر اليومين دول امريكا
-لييه يا بابا ؟!
-عشان انا مش واثق فى المندوب اللى بعته لازم تبقى رقيب عليه
-يا بابا انا زهقت وبعدين انا وعدت (إياد) انى هرجع اخر الشهر
-مانت هترجع اخر الشهر يا حبيبى الصفقة دى مش هتاخد وقت من اصله هتنتهى على نهاية الشهر
-تمام يا بابا
********************
بينما كانت (سميرة) تجلس مع (عادل) زوجها بالمنزل على اريكة ما شعرت بسعادة كبيرة وهى تحدثه
-انا مبسوووطة اوووى يا (عادل) مش قادرة اصدق ان (نهال) هترجع بعد 11 سنة واشوفها اكيييد ابوها مفهمها عنى كلام وحش
تنهد (عاادل) وقال
-متنسيش اننا غلطنا فى حقه
-ابويا هو اللى غلط فى حقه مش انا
-وهو كان يعرف منين يا (سميرة) انك اتجوزتيه عشان ترضى ابوكى بعد ما ضغط عليكى عشان توافقى بيه
تنهدت (سميرة)
-انا عمرى ما حبيت غيرك يا (عادل) وبابا الله يرحمه عمره ما فهم كده وصمم أنى اتجوز (عبد العزيز)
-ابوكى كان شايف ان (عبد العزيز) اغنى واحسن وكان فاكراك هتبقى مبسوطة بالفلوس
-الفلوس مش كل حاجة انا معاك مبسوطة
فأبتسم (عادل) 
-وانا كمان
-كفاية 13 سنة من حياتى عشتهم مع (عبد العزيز) فى نكد وخناق عشان مفيش بينا حب من اصله
ثم تابعت بنبرة حزينة
-تعرف ان هو خايف تعامل (نهال) وحش او تبصلها بصة وحشة
فأبتسم (عادل) بسخرية
-هبص لواحدة اد بنتى هو من حقه يقول كده متنسيش انك لما سبتينى كنت بتاع بنات وبشرب كل يوم هو خد فكرة عنى انى كده على طول
-انا عارفة انك مش كده
فإبتسم (عادل)
-ربنا يخليكى ليا يا (سميرة)
-وانت كمان يا حبيبى
*****************
كان يستعد (امجد) للسفر إلى  أمريكا فدخلت عليه والدته فإبتسم لها
-خييير يا (ماجدة) داخلة ووشك فى الارض كده شكلك عاوزة تقولى حاجة
تحدثت والداته بحدة
-ايه (ماجدة) دى ؟ !يا ولد انا امك
فإبتسم (امجد)
-عاوزة ايه تحبى اقولك ايه ؟
- انت من كتر القعدة مع الجرابيع صحابك دول بقى لسانك فالت
-عاوزة ايه يا مامى
-ايوة كده
ابتسم (أمجد) وهو يقول
-مش عيب عليكى تخلى شحط زيى يقول مامى منظرى ايه وسط الناس دلوقتى
-بس يا ولد
-بسيت
-انا فى بنت عروسة جايبها ليك
-يوووووه تانى يا (ماجدة)
-اه وهتقابلها يعنى هتقابلها مفيش كلام لما نرجع القاهرة إن شاء الله
-بقولك ايه يا (ماجدة) انا مسافر امريكا ومش فاضى بجد للكلام ده
-لما ترجع من السفر كده كده البنت لسه عندها امتحانات على اخر الشهر لما ترجع هتكون هى خلصت وتقدروا تتقابلوا وأكون انا وأبوك خلصنا شغل فى الغردقة ورجعنا cairo
-اوك يا ماما ممكن تسبينى بقى احط هدومى
-حط
-يا سااااتر
*****************
وفى المساء كان (إياد) يجلس مع اصدقائه وهو يشرب ما حرمه الله
فقال له احدهم
-شايف المزة اللى هناك دى ؟!!!
فإجاب عليه (إياد)
-مالها ؟
-زى القمر اووووى يا بنى
-ده انت زوقك معفن امشى ياااض من جنبى
-انت اللى شكلك زهقت من البنات
-لا طبعا حد يزهق من البنات السمرا ليها جمالها والبيضا ليها جمالها والشقرا يا خرااابى عليها يابنى الستات دول حاجة كده تهبل تهوس بس مش اى واحدة تشدنى
-بس انت بقالك فترة ملكش فى الجو
-لا ابداااا بس مش لاقى اللى تستاهل
-وانت هتجوزها ؟!!
ضحك (إياد) ثم قال
-بقولك ايه انا شربت كتيير ودماغى تقلت انا هروح دلوقتى مش قاادر
-هتعرف تسوق
فوقف ومشى بعيدا عنه وهو يهتز ويقول
-اه اه متخافش
-لا استنى يا (اياد) انا هوصلك ده انت سكران طينة
وذهب معه (خالد) لإيصاله
*******************
فى إمريكا
فى صباح اليوم التالى
كانت تجلس (نهال) مع  والداها وتفطر معه
-بابا انا هنزل يا بابا عشان اشوف ورق الجامعة وكده عاوزة اخلص بقى واخلص كل ورقى من هنا عشان اسافر مصر
-ماشى يا حبيبتى
ارتدت (نهال) (هوت شورت مع بلوزة لونها بينك وعليها جاكت اسود) ثم ذهبت إلى الجامعة وبعد ان انهت أجراءت أورقها استقلت سيارتها وكانت فى طريقها للشركة التى كانت تعمل بها لكى تبلغهم بسفرها وبإنها لن تعمل مرة اخرى هنا فصفت سيارتها وسط سيارتين فإصطدمت بإحدهم فإتسعت عيناها ونزلت مسرعة ووجدت انها كسرت مصباح السيارة فإتسعت عيناها
-oh noooo 
ثم تابعت
-ايه البهدلة دى بقى ده ممكن يسجنى اعمل ايه فى الورطة دى طب اخد العربية واطلع وكأن مفيش حاجة حصلت ولا اعمل ايه
وفى تلك اللحظة اقترب شاب من السيارة فقطبت (نهال) حاجبيها وقالت
-اوباااا ده هو
فإقتربت منه (نهال)
-r u the owner?
(هل انت مالكها ؟)
وكانت تشر على السيارة فأجاب (أمجد)
-yes
(نعم)
-iam so so sorry for this accident
(انا أسفة جدا لهذه الحادثة)
ونظرت لمصباح السيارة فنظر (أمجد) للسيارة ثم زفر ومسك رأسه فرفعت (نهال) كتفايها بخوف ثم نظرت له
-u can take all my money but please don't call police
(من الممكن أن تأخذ كل نقودى ولكن لا تستدعى الشرطة)
واخرجت من حقيبتها جميع النقود التى معها فى تلك اللحظة اتى شاب خلف (أمجد)
-mr (amged) ur phone u forgot it
(سيد (أمجد) ٠٠ لقد نسيت هاتفك)
فأخذه (أمجد)
- oh thxxx
(شكرا)
فأتسعت عينان (نهال) وقالت
-ur name is (amged) r u egyptian ?
(أسمك (أمجد) ٠٠ هل أنت مصرى ؟)
-yeees
(أجل)
فمدت يدها لتسلم عليه
-هااااى انا (نهال) مصرية برده
فنظر لها (امجد) وإلى ملابسها وإلى شعرها الأصفر وعيناها الخضروتان ومد يده وهو يرفع حاجبه
-مصرية ازاى يعنى ؟
-بجد انا مصرية بس عايشة بقالى 11 سنة هنا بليييز بليييز يا (أمجد) خد كل فلوسى بس متقبضش عليا
فظل يضحك عليها وعلى تلقائيتها
-انتى بتاخدى ع الناس بسرعة اووى
فهزت رأسها بالأيجاب
-Why not ?
ثم تابعت
-انت مصرى وانا مش بقابل هنا مصريين كتيير مليش غير واحدة بس صحبتى اسمها (سمر)
فإبتسم (أمجد)
-حطى فلوسك فى شنطتك يا (نهال) وعشان احنا ولاد بلد واحدة
ثم نظر إلى شعرها الاصفر وعيناها الخضراء
-ولو انى اشك ٠٠ مش هاخد منك فلوس ولا هقبض عليكى يا ستى
-ohhh u soooo cute
فإبتسم لها
-انتى بتكلمى ابن اختك
فرفعت حاجبها
-فين ابن اختى ده !!
-اهاا انتى بتقولى بقالك 11 سنة هنا انتى منزلتيش مصر خلال ال 11 سنة دول
-Nooo
-لا مصر اتغيرت عن زمان يا (ليناااا)
- my name is nehal not lina
فأبتسم (أمجد)
-ده انتى لقطة بصى انا ورايا شغل كتير بتمنى اشوفك تانى بجد بس نصيحة منى متتعامليش مع كل الناس كده لو نزلتى مصر يعنى
-اه انا هرجع اخر الشهر
-زيى
-بجد ؟!!
-ايوة
-خلاص احنا بقينا friends  نبقى نرجع مصر سوا 
ثم اخرجت كارت من حقيبتها
-لما تيجى تحجز تذكرة السفر ابقى قولى ونحجز سوا
ثم قالت له
-باااااى
ودخلت هى داخل الشركة بينما ظل (امجد) ينظر للكارت تارة وإلى الجهة التى سارت بها مرة اخرى وهو يقول
-ايه المجنونة دى ياربى انا نااااقص جنان !!!!!!

#بدلت_حياتى

#علا_السعدني