بدلت حياتى

الحلقة الرابعة

الحلقة الرابعة

فنظرت (نهال) ل (إياد) وتحدثت موضحة
-yes i know him this is my friend migo
(نعم أعرفه ٠٠ فهو صديقى (ميجو) )
فنظر (إياد) لها
-صاحبك ازاى يعنى ؟
فقال (أمجد)
-فاكر البنت اللى حكتلك عنها اللى كسرتلى الفانوس
فنظرت (نهال) لإسفل بينما شعر (إياد) بالغضب قليلا بإن ابنة عمه هكذا تتحدث مع أى شاب ثم قال لكى يضايقها
-انتى ع طول كده بقى
-مش اوووى دول مرتين بس
-حوادث انا هسميكى بعد كده حوادث
فقالت (نهال) لكى تغيظه
-master loser
فنظر (أمجد) وضحك عليهم هم الاثنان
-انتى بقى بتعملى ايه فى بيت (إياد) ؟
تحدثت (نهال) بنبرة حزينة
-للإسف انا بنت عمه
-ايه ده !!  دى بنت عمك !!
-اه للإسف
فشعرت (نهال) بالغضب وهزت رأسها
-انا طالعة اوضتى هنام لحد ما عمى يجى
فقال (إياد)
-يكون احسن
فشعرت (نهال) بالحزن وذهبت إلى غرفتها وهى حزينة فقال (أمجد)
-ايه يا عم بالراحة عليها
-دى سخيفة
-بس زى القمر
اشتدت نظرات (إياد) إلى ( أمجد) ثم قال
-اتعدل يا (أمجد) دى برده بنت عمى
ابتسم (أمجد) ثم قال
-لا انا بعبر بس
-لا تعبر ولا تنيل اسكت خاالص
-سكتنا المهم هتخرج معايا النهاردة
-لا مش هخرج مليش نفس
-خلاص ع راحتك
وفى تلك الاثناء عاد (عامر) من العمل وأقترب من (إياد)
-بنت عمك وصلت ولسه ؟
-وصلت وقاعدة فى اوضتها
-طب مخلتهاش تقعد معاك ليه
-قعدت معايا شوية وطلعت
-اوك هطلعلها
صعد (عامر) إلى غرفة (نهال) وطرق الباب فسمع صوت يأتى من الداخل
-ادخل
ففتح الباب وظل ينظر لها لبرهة وهو سعيد
-مكنتش اعرف انك كبرتى واحلويتى كده
فأبتسمت (نهال)
-انت عمو (عامر) صح ؟
فأبتسم وهز رأسه إيجابا فركضت نحوه واحتضنته
-يااااه يا عمو انا مبسوطة اوووى ان هيبقى ليا عيلة متتخيلش هناك كنت مضايفة وحاسة بوحدة فظيعة
-احنا هنا كلنا معاكى ومش هتحسى بوحدة إن شاء الله
-إن شاء الله يا عمو
-عموما اسيبك تريحى شوية وهصحيكى ع ميعاد الغدا
-اوك يا عمو
*******************
كانت (سما) تجلس فى لجنة أمتحانها وبعد إن أنتهت من الإجابة خرجت من الأمتحان سعيدة وحدثت نفسها
-ياااه اخيرااا بقى خلصت امتحانات
ثم تابعت بحزن
-النهاردة اخر يوم اقضيه مع خالتو
فى تلك الاثناء كان (أدم) قد خرج من الأمتحان ومعه صديقه (أسر)
-بص دايما تطلع اول واحدة وبرده الأولى ع الدفعة
فرد عليه (أدم) بضيق
-سيبك منها
-ايه ده مش بعادة انت ايه مش كنت ناوى تصاحبها
-لا مش عاوز اصاحب الأشكال دى
-ليه مالها جميلة وزى القمر
-يوووه يا (أسر) فكك منها بقى
فتحدث (أسر) ليستفزه
-قول بقى انك استسلمت ومش هتقدر توقعها فى حبك
-ايه استسلمت دى ؟!!
-اه البت مش عاوزة تديك ريق حلو
-انا لو عاوز اوقعها فى غرامى هعمل كده
فنظر له (أسر) بشك
-مش هتقدر
-طب هوقعها فى حبى وهتشوف
-وهتشوفها فين بقى وخلاص الجامعة انتهت
-انا عارف هى بنت مين وبعدين انت مش ليك عليا انى اوصلها وخلاص
-بالظبط
تحدث (أدم) وهو يشرد بعيداا
-متسألش ع الطريقة بقى
-تمام
كانت (سما) تنظر للساعة فى قلق  وتحدث نفسها
-كل ده يا (مروة) بتحضرى دكتوراه ولا ايه
وبعد قليل خرجت (مروة)
-ايه يا بنتى كل ده ؟!!
-بس الحمد لله حليت احسن من كل يوم
-طب كوووويس الحمد لله
-طبعا بفضل ربنا وبعدين محاضرتك
أبتسمت (سما) ثم قالت بزهو مصطنع
-مبحبش اكلم عن نفسى كتييير بس زعلانة اوووى يا (مروة) النهاردة اخر يوم اقضيه مع خالتو
-وايه يعنى يا ستى العيشة مع ابوكى احسن
تنهدت (سما)
-خالتو ملهاش غيرى بس انا مش هسيبها هبقى اجلها كل نهاية اسبوع انا كنت عايشة معاها عشان مسبهاش لوحدها وعشان كمان بيتها جنب الجامعة مش هحتاج اركب مواصلات وانا مبحبش اركب من اصله
-عااارفة يا معقدة
فأبتسمت (سما)
-طب تعالى بقى اعزمك ع اكلة جامدة فى احلى كافيه
-اوك بقى ايوة بقى انا همووووت من الجوع
-انا كمان
******************
فى وقت الغداء صعدت أحدى الخادمات لتنادى على (نهال) فأرتدت (نهال) ملابسها ونزلت وحينما رأت (يسرية)
-اووووه حضرتك اكيييد مرات عمو طنط (يسرية) مش كده ؟
فنظرت لها (يسرية) بضيق
-ايوة
فأقتربت منها لكى تحضنها وتسلم عليها فأبعدتها (يسرية) عنها
-مبحبش السلام الكتير
فشعرت (نهال) بالإحراج
-اوووه سورى يا طنط
كان يتابع ذلك الموقف (إياد) وأندهش من رد فعل والداته ثم جلسوا جميعا على الغداء وكانت (نهال) تتناول الطعام وتنظر لعمها
-عمو لو سمحت كل خميس عاوزة ابات مع مامى
فشعر (عامر) بالضيق
-ربنا يسهل
فقالت (يسرية)
-انتى المفروض تقطعى علاقتك بمامتك دى كانت ست خاينة
شعرت (نهال) بالضيق
-لو سمحت يا طنط ماما مش خاينة لييه بتقولى كده ؟!
-كلنا عااارفين انها كده واحسنلك عشان تعرفى تتجوزى ده لو اتجوزتى تقطعى علاقتك بيها
فشعرت (نهال) بالحزن الشديد وتركت السفرة وصعدت غرفتها بينما نظر لها (عامر) بشدة
-انتى ازاى تحرجى البنت كده
ونظر (إياد) لوالدته
-صحيح يا ماما ازاى تكلميها كده وبعدين ايه موضوع مامتها دى ؟
فقال (عامر)
-ملكش دعوة انت يا (إياد)
تحدثت (يسرية) بضيق
-ازاى يعنى ملهوش دعوة ؟!! مش بدل ما تضحك ع ابنك
ثم نظرت (يسرية) ل (إياد)
-انا مش عاوزة يبقى ليك علاقة بالبنت دى خاالص
-لا انا عاوز افهم بقى
فقالت (يسرية) بأنفعال
-تفهم ايه المحروسة امها سابت عمك عشان خانته مع واحد وراحت اتجوزته بعد اقل من سنة حتى
فرفع (إياد) حاجبه
-معقول
فقال (عامر)
-ملكش انت دعوة يا (إياد)
ثم نظر (عامر) ل (يسرية) وتابع
-متنسوش انها مش بنت (سميرة) لوحدها دى بنت كمان (عبد العزيز) واللى هيضايقها منكوا انا هقف ليه
فتنهد (إياد) وتابع تناول طعامه واكل الجميع وبعد ان انتهى (عامر) من تناول الطعام دخل المطبخ وطلب من (سعاد) ان تحضر له صينية بها طعام ليصعد بها إلى (نهال) ٠٠
*****************
ذهبت (سما) إلى المنزل ودخلت إلى المطبخ ووجدت أن خالتها تعد الطعام لها واشتمت الرائحة ثم قالت
-الله الله كمان ورق عنب لا انا مش منقولة من هنا ٠٠ ورغم انى لسه واكلة من شوية بس جعت لما شميت الريحة دى
-الود ودى يا حبيبتى متقعديش بعيد عنى خاالص بس مقدرش امنعك من ابوكى
-متخافيش يا ست الكل كل نهاية اسبوع هاجى اقضيها معاكى إن شاء الله
فأبتسمت خالتها فقالت (سما)
-يا سلاااام يا (مديحة) ع روايح اكلك بتخلينى كده عاوزة اكل ايديا ورا اكلك
فأبتسمت لها (مديحة)
-طب روحى غيرى ونامى عقبال ما اخلص الكم ورقة دول واسخنه
-مش عاوزنى اساعدك فى حاجة
-هتعملى ايه وانتى بتعرفى تطبخى
مطت (سما) شفتاها بتذمر
-جرى ايه يا (مديحة) ده انا بطبخ احلى سلطة فى الدنيا
فظلت (مديحة) تضحك عليها
-طب غيرى وتعالى اطبخى السلطة بتاعتك
-يا سلااام عينيا
********************
أخذ (عامر) صينية الطعام ثم دق علة
ى باب غرفة (نهال) فمسحت (نهال) دموعها وقالت بصوت خافت
-ادخل
فدخل (عامر) ووضع الصينية امامها وهو يقول
-ينفع يعنى اول يوم ليكى فى بيت عمك متاكليش
-عمى انا ماما مش خاينة لييه بتقولوا عليها كده كل الموضوع سوء فهم منكوا
-طب انا مستعد اسمع مش هعمل زى ابوكى و(يسرية)
فأبتسمت (نهال) وبدأت ان تقص عليه كل شئ كيف إن والداها ووالدلتها لم يتفقوا سويا فتفهم (عامر)
-امممم يعنى مامتك اصلا مكنتش عاوزة تتجوز (عبد العزيز ) ووافقت بس عشان جدك الح عليها وهى محبتش تكسر كلامه
-بالظبط وهما مكنوش متفاهمين مع بعض ع طول خناااق كان طبيعى يتطلقوا ولما اطلقت مكنش ليها حد فعرض عليها اونكل (عادل) الجواز
-انا كده فهمت
-يااريت تكون مصدق
فأبتسم (عامر)
-طبعا مصدق عموما يلا بقى كلى عشان مزعلش منك
فهزت (نهال) رأسها بطفولة واكلت من الطعام فأبتسم لها (عامر) ثم قامت (نهال) بالحديث مع عمها
-صحيح يا عمو
-ايه يا حبيبتى
-انا عاوزة اسامى شركات اقدم فيها ال CV بتاعى
-لو محتاجة فلوس قوليلى وانا اديلك
-لا يا عمو انا عاوزة اشتغل متعودتش اقعد فى البيت
-انتى مش محتاجة يا حبيبتى
-مبحبش قعدة البيت بليييز يا عمو
-طب حيث كده بقى ما تيجى تشتغلى معايا
شعرت (نهال) بسعادة كبيرة
-اووه بجد يا عمو
-بجد يا حبيبة عمو
-طب ابدء شغل من امتى من النهاردة من بكرة اقصد
ابتسم (عامر)
-الصبر يا حبيبتى الأسبوع ده خليه اجازة وسياحة وكده وابتدى معايا شغل من الأسبوع اللى جاى إن شاء الله اكون حتى حضرتلك مكتبك
-ميرسى اووووى يا عمو
-ع ايه بس !
******************
وفى المساء كانت (سما) تمسك هاتفها وتتصفح الأنترنت فإتاها اتصال من والداها
-ايوة يا بابا
-ايوة يا حبيبتى هترجعى بكرة إن شاء الله
-ايوة يا بابا وطنط (سميرة) عاملة ايه ؟
-كويسة وبتسلم عليكى ومستنايكى تيجى تعيشى معانا
أبتسمت (سما)
-هى كمان وحشتنى يا بابا
-خلى بالك ع نفسك
-انت كمان خلى بالك من نفسك يا (عادل)
فظل (عادل) يضحك عليها
-مجنوووونة
*********************
فى الصباح ارتدت (نهال) ملابسها لتذهب للنادى وهى تركض  قابلت (امجد) وكانت ( ترتدى هوت شورت و بادى كت) وتضع كااب من حرارة الشمس حين رأها (أمجد) اقترب منها وقال
-بتعملى ايه هنا ؟
ابتسمت (نهال)
-اووووه ميجو انا هنا بحب اجرى ٠٠ وانت ؟
-انا كمان باجى اجرى هنا قبل ما اروح الشغل
-اوووه واااو فينا كتير من بعض
فأبتسم (أمجد)
-طب حيث كده بقى تحبى اعزمك ع عصير
-لا ميرسى انا هروح
-لا بجد هزعل يرضيكى ازعل
فأبتسمت (نهال)
-ميرضنيش طبعا يا ميجو
فأبتسم لها (أمجد) وذهب معها ليجلسوا معا على منضدة ثم سألها
-تحبى تشربى عصير ايه ؟
-برتقان
-تمام
وطلب كوبين من عصير البرتقال ثم نظر لها
-ايه ناوية تعملى ايه فى مصر ؟
-عاوزة اشتغل بقى كلمت عمو وهيشغلنى معاه
-طب كووويس جدا
-بس مستغربة ان عمى سايب master loser من غير شغل
فقال (أمجد) مستفهما
-master loser !!!
- ابنى عمى اللى اسمه (مراد) ده
فإبتسم (أمجد)
-اسمه (إياد)
-whatever
-مجنوووونة
-بقى كده ··· قولى بقى بتشتغل ايه ؟
-مع بابا فى الشركة ماسك عنه شغل الشركة وبساعده وكده وبمعنى اصح متشحطط بداله سافر يا (أمجد) الغردقة حاضر يا بابا روح امريكا حاضر يا بابا روح باريس حاضر يابابا
فأبتسمت (نهال)
-ده انت بتلف العالم و زعلان
-ظهرى اتقطم يا جدعاااان
فإبتسمت (نهال)
-سلامتك يا ميجو
واتى الجرسون ومعه العصير وظلت (نهال) تشرب من العصير ثم نظرت ل (أمجد)
-انا مضطرة امشى بقى
-نفسى ابقى اشوفك تانى
-إن شاء الله
ذهبت (نهال) إلى المنزل واغتسلت و جلست لتتناول الفطور ثم قررت ان تخرج إلى حديقة القصر استنشقت الهواء النقى واخذت كتاب معها كانت تقرئه حتى مر عليها الظهر ذهبت لتصلى وبعد ان أ ء
نتهت خرجت من غرفتها وجدت (إياد) يخرج من غرفته فنظرت له بشدة
-ايه ده انت لسه صاحى ؟
فتثئاب (إياد) وهو يهز رأسه فعوجت فمها
-انا مش قادرة افهم عمى سيبك كده ازاى
-يا فتاح يا عليم ع الصبح انتى مالك حطانى فى دماغك كده ليه ؟
-انت اقل منى انى احطه فى دماغى يا  master loser
فنظر لها بشدة
-اقولك ع حاجة يا حوادث انتى
-حوادث !!
-اه من هنا ورايح ده هيبقى اسمك
فعوجت (نهال) فمها فتابع (إياد)
-خليكى فى حالك وانا فى حالى
-براحتك
ورددت فى نفسها
-شكلك زى مامتك
ثم تابعت بصوت عالى
-خلاص انا معدتش هدخل فى اى حاجة تخصك انا بس كان قصدى انصحك تشتغل وتعتمد ع نفسك هيبقى احلى
-هو انا اشتكتلك ولا قولتلك عاوز نصيحتك
-صح معاك حق انا كده بحب ادخل فى اللى مليش فيه
زفر (إياد) بضيق ودخل الحمام وتركها فنظرت له بشدة وتمتمت بصوت منخفض
-ررررخم
*****************
فى تلك الاثناء كانت قد وصلت (سما) إلى منزل (عادل) حين فتح باب الشقة قام بأحتضانها وهو يقول
-وحشتينى اوووى يا حبيبتى
-وانت كمان اوووى يا بابا
ثم جاءت (سميرة) وقالت
-نورتى يا حبيبتى
-ميرسى يا طنط
فأبتسمت (سميرة) ودخلت وجلست معاهم فقال (عادل)
-طمنينى ايه اخبار امتحانتك ؟
-الحمد لله يا بابا كله تمام إن شاء الله بإذن الله هبقى الأولى زى كل سنة
-ربنا يعينك ويقويكى يا حبيبتى
-ياارب يا بابا ···· وانتوا بقى ايه اخباركوا احكولى عملتوا ايه من غيرى
فقالت (سميرة)
-اخيرااا شفت بنتى يا (سما)
فأبتسمت (سما)
-بجد يا طنط عرفتى هى فين ؟
-هى دورت عليا اتضح انها كانت مسافرة امريكا كل ده وجت قعدت معايا
تحدثت (سما) بأسف
-اووووه يا خسارة كان نفسى اشوفها واتعرف عليها
-إن شاء الله هتتعرفى عليها قريب هى هتيجى تبات معايا كل خميس إن شاء الله
-طب ده كوووويس جدا اكيييد هنبقى صحااب بقى
-اكيييد يا حبيبتى انا هقوم احضرلك الأكل
-ايوة بقى يا طنط (سميرة) وعلمينى الأكل يا طنط ينوبك فيا ثواب انا مبعرفش اطبخ غير السلطة
فظلت (سميرة) تضحك هى و (عادل) وقال (عادل)
-مش هتعقلى ابداا
-ابدااا ابداااا
***************
جلس  (أدم) فى غرفته يدخن سيجارته فدخل عليه شقيقه الاصغر الذى يبلغ من العمر عشر سنوات
-مالك متنح كده ليه ؟
-ياااض ده انا اخوك اللى اكبر منك ب 11 سنة احترمنى شوية
فقال (عمر)
-طب يلا عشان ماما حضرت الأكل
-جاى اهو هغير هدومى وجاى
-اوك
ظل (أدم) مبتسم وهو يتذكر وجه (سما) وحدث نفسه
-اشمعنا انتى اللى مش موافقة بيا ده انا اى بنت تتمنى انى اعرض عليها بس حبى لو تبطلى يا (سما) بس دماغك النشفة دى بس مسيرك تبقى ليا زوق بقى عافية هتبقى ليا يا (سما)
*****************
شعرت (نهال) بالملل ونزلت للحديقة مرة اخرى وجدت (يسرية) تستعد للخروج تنهدت بأسى حين رأتها ونظرت لها (يسرية) بإستحقار واخذت سيارتها وذهبت فنظرت (نهال) تجاهها وهى تحدث نفسها قائلة
-هى ليه بتكرهنى كده انا معملتش ليها حاجة ياااارب انا مش بحب حد يكرهنى لانى مش بكره حد ليه هما مش بيحبونى
وجلست على المقعدر وهى تشعر بالضيق
***************
بينما كان موظف شركة (عاصم) يتحدث مع رجل ما داخل مكتبه
-عرفت هتعمل ايه ؟
-ايوة يا باشا خلاص فهمت
-مش عاوز اى غلطة ولو اسم (عاصم) بيه اتجاب فى اى سيرة اقرا ع نفسك الفاتحة
-متخافش يا بيه كله هيبقى تمام
-تمام
***************
وفى المساء كانت (نهال) فى غرفتها شعرت بإنها تريد ان تشرب فقررت ان تهبط للإسفل لتصل إلى المطبخ وفى تلك الاثناء سمعت صوت يأتى من مكتب (عامر) فذهبت لترى ماذا يحدث وجدت (إياد) فى المكتب ومعه احدى الخادمات وأقترب منها ليقبلها ٠٠
ظلت (نهال) مصدومة لما تراه ووضعت يدها على فمها وهى لا تصدق ٠٠

#بدلت_حياتى

#علا_السعدني