امواج القلوب❤

خلاف اول

هذا بارت ثاني لعيون متابعيني😘😘
بس قبل لا تقرون المقدمه انتو قاريها ببداية القصة بس عدتها للتذكير اقروا للاخير منا راح نكمل قصتهم ومنا راح تبدي تغيرات بحياتهم 😒😒

موج:
كعدت من النوم مثل باقي الايام دموعي تجري واصيح باسم سيف وايدي تريد تكمشه بس يبتعد هالحلم صارله سنه وشويه اشوفه نفس التفاصيل ونفس القهر نهضت من الفراش وضميت وجهي بايديه وادهك جهالي ماكو الظاهر مطلعهم حسن وهو كاعد على كرسي مقابيلي ما يحجي ويايه هسه هذا ليش هيج مهتم بيه اتخبل يطبني مرض هو شنو باقي بيه وكفت من السرير ورحت للحمام اغسل وابجي مليت كثر ما حاولت انهي حياتي ويتلاحكوني شلت راسي من المغسله بللت ملابسي وشعري ووجهي راسي يريد ينفجر من كثر الالم تقدم حسن اخذ خاولي ويريد ينشف وجهي لان الجو شويه صاير بي برودة وخصوصا وقت الغروب
سحبته منه ونشفت وجهي واجيت امشي بس لكيت حضنه يسبقني عبالك انطاني الضوء الاخضر حتى افرغ همي بجيت وهو حاضني ويمسد براسي حضنه دافي يحسس بالامان بجيت لما هدأت

-وين جهالي
-وديتهم يم الحجيه وانعام توها اجتي
-عمه انعام هنا
-اي هنا يلا غيري ملابسج واطلعي يمهم لا تسوين عشا هسه اجيب من بره وسمسمه تره مصخنه شويه رايح اجيب الها دوه قبل الليل
-حسن اني اسفه
-اششش لا تحجين شي ولا تفكرين اني اللي اسف وما كان لازم اخليهم يضغطون عليج براحتج ياغاليتي المهم ترتاحين عندي

راح واني اباوع عليه يا ربي هذا معقولة يكون بشر ابد لا هذا ملاك نزل من السما بس لراحتي يمكن عوض من ربي يمكن هدية رفعت ايدي ادعي اله مثل كل صلاة وكل لحظه عشتها وراح اعيشها وياه

...........

نزلت بالبيت وكانت عمه انعام والحجيه كاعدات يسولفون كعدت شويه يمهم سولفنا ورحت اجيب الضيافة لعمه انعام لان بصراحة هي من النوع اللي تنتقد وتحجي هوايه واني اخر همي بعد اسمع انتقادات بهاليوم كملت الصينيه واخذتها دا اريد افوت يمهم واسمعها تحجي عليه

انعام:يمه ادري هاي ليش هيج منطيها مجال شنو هذا لبسها الاسود عليمن رجلها وصارله سنه وشويه من راح وتزوجت هسه شنو هالعيارة لابسه الاسود مثل الغراب وتفتر بالبيت

ام حسن :لا مو هيج انعام ميصير هيج تحجين بس والله اني حجيت وياها وياهو اللي يشوفها يحجي بس هي ما رضت تنزعه

-يمه فدوة لعينج هاي شبيكم انت وحسن كفختين اعدلها واخليها تجر عدل لو ما ارملة ووراها جاهلين منو يباوع بخلقتها خلف الله عليكم انت وابو عماد مدري شعجبكم بيها واخذتوها

-حرام عليج انعام لا هيج تحجين قابل هي رملت نفسها هذا امر ربها وقسمتها بس الاسود اني هم ما راضيه عنه وحجيت وياها بس ما تسمع مني

-اي بنت سلوى ليش لا يلوك الهن بيت وسيارة ورجال مهيوب وتتعزز وتجر بضهرها مال كسر بضهرها ان شاء الله كله من بيت عمهن ودلالهن وابوهن اللي ما كسر عيونهن اذا يريد يطخها احد تنكلب الدنيا وام عبد الله تسويلنا عركه شكبرها لا خلت ابوهن يربي ولا هي ربت هذيج اخذت الرجال وطفرت وعاف اهله وهاي راح تبهذلكم