امواج القلوب❤

ما بين مد وجزر

شلونكم حبايب 😘

بارت طويل مثل ما تحبون 😋

وببدايته اريد اهني اثنين من صديقاتي ومتابعاتي بمناسبة عيد ميلادهم ربي يجعلها سنة حلوة عليهم🎂💝

@farah-f  @solen-20

..............

موج:
اليوم اللي بعده يمكن العراق والدول المجاورة وحتى الدول الاوربية سمعت بخبر اليوم اللي سبق للعصر اجتي بنين والحجيه حجت الاول والتالي
سمارة كل شويه تسألني سولفت الها وابتليت يا فشلة الفشلة شويه وينشروها عالتواصل الاجتماعي مو عائلة وكالة انباء 

طلعنا اني وحسن للسوك وودعت اللون الاسود واخيرا دخلت الالوان لحياتي كرار صاير يفتهم اول ما ذبيت الاسود يكول ماما طلعت حلوة والكل يضحك عليه حتى لابويه لما رحنا الهم يكول اله جدو ماما اشترت ميكاب وصارت حلوة اعض شفتي اريد انطلق بعد حسن مدنك ويضحك وابويه يغلس تالي ضحك كال اله افتهمنا يابه امك حلوة شهرتنا تره

فعلا اني طلعت حلوة لان الملابس تغيرت والشكل كله بسبب المكياج والترتيبات البسيطة اللي سويتها بس شنو فشلانه من نفسي شهرين ما اواجه الناس ولا حتى مواجهة نفسي احساس بالخجل من اللي سويته الارملة تحس عيب تسوي هالاشياء وكأنه محرمه عليها والسبب بمجتمعنا مو بينا لان الانتقاد اسمعه باذني واغلس يكولون دفنتلها شاب مثل الورد واستلمت رجال ثاني ما تستحي وما تخجل اشكال سمعت باذني ييولفون عني عدا الالفاظ اللي تطلق عليه بيها اللي ينجحي وبيها اللي يصدم من فظاعته

كنت اضوج وانقهر واتذكر سيف وكذب اكول نسيته حاولت بس يبقى بالبال ودموعي مرات اتذكره وتجري بس هالشي اخفيته عن الكل وعن حسن بالخصوص اللي صرت احسه يضوج اذا تذكرت شي قديم او حياتي القديمة ما يحجي بس تصرفاته دليل انزعاج وكانت كافيه تخليني اخفي كل شي بس شعور الخيانة مزعج اووو هو اني وين افكر اصلا حرام عليه حسن هسه زوجي وتفكيري بغيره هو الحرام والخيانة 

مشت الايام بيناتنا اني وحسن واحنا احلى عاشقين هذيج اجازته كانت اكثر من رائعه قضيناها سويه وما افترقنا رجعني حسن من مكان بعمري ما تخيلت ارجع منه يأس وبجي وجزع تحول الى حب وامل الاجازة اللي بعدها انتظرته اكثر وتحضرت اله اكثر صار عندي امل ابدي بحياة جديدة وياه

اكثر شخص كان فرحان الحجية لان تشوف ابنها مرتاح ويرجع من دوامه بشوق للبيت لما رجع بالاجازة اللي بعدها اني كنت مقهورة وضايجة حضرت كل اللي يحبه واحس بروحي مقصرة هسه هو ينزل اسبوع باسبوعين واني راح استقبله معذورة بالعذر الشرعي هسه شلون اكيد راح يضوج 

دخل من الباب يضحك ابتسامته دافية الشيبات اللي باطراف شعره زايداته هيبة عيونه الحلوة وكلامه الاحلى يخليني اعيش وياه بغير عالم
استقبلناه مثل كل مره وكعدنا نسولف حسن بي طبع اول ما يجي يضل يسأل عن الكل ويتأكد كلنا بخير يلا يصعد يغير ملابسه بهذا اليوم بس سأل الحجية عن صحتها وسأل عماد عن دراسته بين ما رحت اجيبله ماي اجاني للمطبخ سحبني بدون كلام اني استحيت اكول اله عالموضوع بالموبايل رغم يوميه نسولف اني وهو بس بقى عندي حواجز ما اكدر اكسرها الحجيه اجتي ويانا بالمطبخ وهو داخل مستعجل هههه