امواج القلوب❤

موجات منوعه لمد واحد😉

هلو حبايب 🤗

اشكر اللي افتقدوني وسألوا عني 😁

والحمد لله عرفت قصتي ناجحه من الطلبات الكثيرة للبارت الجديد😊

وهذا بارت طويل جدا ومشبع وملئ بالاحداث حتى تعذروني😉

والبارحه كتبت وبالليل اجيت انشر لكيت ابني الصغير ماسحه كله وفوك هذا عندي حالة وفاة وملتهيه والله ورغم هذا حاولت ما اقصر وياكم😭😭

ووره هذا كلامي كله يلا كل اللي انتظر البارت يصوت لا اجي اكسر اصبعه لا عيوني كامت تغوش😡😡

......................

حسن:
وعيت على نفسي وعصبيتي عليها واني واشوف موج تمددت بنص البستان بينا وبين اهلها ركضت اني والحجيه عليها بعد ما بقى عقل براسي وعيت شلون ضربتها واذيتها بس كل ما اتذكر الصور والكلام اللي معاهم دمي يغلي اكثر اباوع ممشاها من البيت لمكان وكعتها كله نقط دم على طول طريقها 

وصلت الها ومحمد سبقني وشالها يركض لسيارته ثوبها نفسه مال الحفلة ورجليها طالعه كلها حتى من اخوها ضجت لان شايلها
ركضت وراهم محمد يصيح على اهله يجيبون الها عبايه واخذناها وطلعنا اني ساكت وهو ساكت زين هسه شلون وشنو اللي اكدر اسويه ما كان بعقلي هي هيج يصير بيها ضايج منها وعليها 

وصلنا واخذوها منا بالطوارئ وتحاليل وفحوصات وحطولها مغذي كالوا شويه وتصحى سألوا شبيها محمد كال الهم تزحلكت ويباوع بوجهي يعاتبني كملنا الاجراءات كلت لازم محمد يروح احجي وياها من تصحى

-محمد توكل انت للبيت اني يمها
-لا خالي انت روح ارتاح الله وياك وموج اذا صحت تروح ويايه لبيتنا ونتفاهم هناك
-يابه رجال ومرته وكل بيت تصير بي مشاكل ميصير كلامك لا تكبرها وهي طلعتها تصير لبيتي بس
-خالي المكان مو مناسب للكلام بس انت ترضاها بنتك تجيك بهاي الحاله تركض شنو جايبها من شارع وهيج مستقوي عليها ما عدها اهل اذا ابويه يرضى هالكلام اني ما ارضى وعالعموم تكعد ونعرف وين تروح هي تختار

عصبت وكعدت بعيد عنه لا ابتلي بيه يريد ياخذها اي هي هاي العايزة
طلعت الدكتورة من يمها بعد ما تابعت حالتها كمنا يمها نسمع كالت لمحمد انت زوجها اشرلها الي 

-لا هو زوجها واني اخوها
نزلت نظاراتها تباوع الي باستغراب لو بيدي احط اصبعي بعينها

-زوجتك الحمد لله زينه والجنين نبضه زين بس عدها نزف لازمها راحه ونوم على ضهرها هالاشهر لحد ما تتعدى الخطر واكتبلها مثبتات اسبوع وترجعها
اني صافن عليها اي جنين اي حمل
-حامل؟؟؟
-ما تدرون هههه زوجتك حامل شهرين يتربى بعزك دير بالك عليها 

راحت واني تلقائيا لكيت نفسي ابتسم شكد كنت عصبي نسيت وفرحت بالخبر بس والله فشله عمري شكبره وراح اصير اب وبعدها شكم شهر ويجوز اصير جد محمد ساكت ويباوع بوجهي
بس كل ما اتذكر الصور عبالك نار وتشب بيه هسه صارت الي يمها حجه وما تكدر تسوي شي بعد ولا اهلها يكدرون ياخذوها اي صح ادري اني اناني بس موج زوجتي وتبقى زوجتي