امواج القلوب❤

تناقضات

حسن:
ضليت خايف عليها اذيتها هوايه امي تحاول تصحيها صحت ولكت نفسها هيج ثوبها كان مشكوك من يم صدرها
بدت تلم بروحها وتشهك بسكوت وعدلت نفسها ما ترد على امي اللي تواسيها وتحجي عليه
كعدت مدنكه وتبجي بسكته بس شهكتها تنسمع قهرني انكسارها امي كاعدة يمها جرت راسها لحضنها وطردتني من الغرفة بس ما طلعت اخذت كرسي وكعدت مقابيلهن راسي كام يوجعني صعد الضغط اكيد
اخذت علاج وامي تباوع عليه وتكلي يلا يمه لا تبقى عصبي مو زين هيج عليكم

ضليت اروح وارجع بالغرفة اريد اجمع كلامي اريد افهمها اني ما كنت واعي 

-موج ما كان قصدي هيج يصير

بقت ساكتة وتبجي ما تحركت ولا سوت اي رد فعل تقربت منها كعدت من الجهة الثانيه وجريتها عليه بالاول دفعتني بصدري بس ما خليتها اخذتها بحضني وجريت كلينكس مسحت شفتها ورتبت شعرها وهي ما اعترضت

امي شافتنا هيج كامت طلعت وسدت الباب حاولت تبتعد جريتها اكثر وحاوطتها بايديه
-موج كافي
-اريد انام عوفني
-اي نامي بحضني
-عفيه عوفني تعبانه روح بعد ما الي حيل والله تعبان جسمي
-وين اروح ما تريديني
-لا ما اريد شي عوفوني
-موج انت غلطتي من صحتي بامي ما تدريها شكد تحبج واني تره ما جايبج لسجن هذا بيتج وما تطلعين منه ميصير اللي سويتيه والله
-اسفه وحقكم على راسي والله بعد ما اعيدها بس عوفني
-يعني تريدين اعوفج واطلع
لابت بحضني واعرف شبيها و سؤالي كان بي قصد لان هي تكول عوفني ووجهه حاطته بصدري ما ترضى تشيله وتشهك ما جاوبتني كملت اني وياها
-ما اعوفج ابد وما تخلصين مني بعد حبيبتي انت واني اريدج تصيرين الي موج ليش ما تقبلين اتقرب منج
-تعبانه وضايجه اريد انام
-اي شكو بيها نامي حبيبتي
بقت حاطه راسها بحضني واني امسح بشعرها بكفي وابوسها ردتها تعرف اني ما قاصد اذيتها ولا مفكر راح نوصل لهنا

كل شويه تتعالى شهكاتها وازيد لمساتي وبوساتي الها بصراحه كانت لمسات بريئة جدا وبوسات ما تتعدى كصتها بس تخيلوا محروم من الاكل وينطوه خبزة يابسه وحاير بيها
هاي اني اول مره تكون بحضني وهي صاحيه دائما من تنام يلا اكدر احضنها
ما كدرت امنع نفسي منها واصلا هو الواحد بعد من يصير عصبي ما يطفيه الا الشي اللي يحبه واني مو بس احبها اني اريدها بكل صفاتها وشلون ما تكون
بوستها من شعرها ما شفت اعتراض نزلت لوجهها كصتها خدودها عادي كانت تتصرف وياي وتسكت وتمسح دموعها وتعدل شعرها وره البوسه
ضحكتني بتغيرها السريع لو ادري من زمان مسويلي مشكلة وياها حتى تصير اليفه هيج تماديت وياها اكثر بديت انزل ببوساتي قريب شفافها بس من اكمل البوسه تضم راسها بصدري مدري خجلانه مدري معترضة بصراحة ما حددت موقفها ابد ولا ادري هي شنو كانت تريد لو شنو احساسها لحد ما وصلت للمكان اللي اعشقه دفعتني وابتعدت .....

موج:
وره ما كعدت لكيت الحجيه خايفه وتحجي عليه وحاطتني بحضنها ما ردتهم يمي ولا طايقتهم كعد يمي ولو بيدي اكوم انهزم او اكول الكم الصدك فكرت اشمر نفسي من الشباك
هالنوب فوك ما ضربني وتأذيت واحس جسمي كله بايد ما بيه حتى اشيل ايديه من كم الطاقة والعصبيه اللي فرغتهم بيهم قبل شويه كاعد يمي ويعاتبني بالله هذا شحجي وياه بس شنو ما اوصف الكم احساس الحضن مالته حضن اب وحبيب بنفس الوقت احس بي ابويه بحنيته والدفو واحس بي حبيبي بتصرفاته اللي خلتني انسى هو نفسه اللي قبل شويه شبعني تكفخ
اكول اله عوفني والكي روحي لازكه بي اكثر وراها بوساته لوجهي ولشعري ولراسي خلتني اهدأ وحركت عندي مشاعر واحاسيس ماكو ملغيه عندي