امواج القلوب❤

اعراض مرض خطير 😷

هذا البارت موجه خطيه اجتها عدوى بفايروس خطير من المنطقة والجو والبيئة المحيطة😷

هوايه عالم يمنا مصابين بهذا المرض عافاكم الله مما ابتلانا 😂🤣

----------------

موج :
اقترب العرس وقبل الحنه بيوم اجونا اقارب عمو ابو عماد يصيرون بيت عم ابوه من غير محافظه بيومها هلكت بالشغل طبخ وتنظيف وخبز بحيث لما صار الغدا متت تعب قبل الغدا بساعه وصلوا اني شايفتهم بس مو كلش اعرفهم من بعيد يعني بهذا اليوم عرفتهم زين او بالاحرى عرفتها😡
نزلوا من سياراتهم كانوا جايين بسيارتين حديثات ومبينين من غير مستوى وغير طبقه لان شكلهم هذوله اللي يشبهون جكليت الماكنتوش يلمعون وكله جينزات وحصر ولزك وبناطير شويه وتوكع

نزلوا الام والاب وشباب اثنين نوتيلا واثنين بنات تكول قوطية جلاكسي جواهر وانطشت مو لان حلوات عووع لا الوانهن تشبه اغلفة الجكليت مصبوغات من فوك لجوه والشعر الاشكر والاضافر تكول الساحرات والحمرة والكحله تكول عرايس وحتى امهم رغم كبيرة عمر لابسه تنورة وستره ما راهمات لعمرها والشال هيج مشمور على راسها بصراحه ضليت اني صافنه وفاتحه حلكي تره غلطانين مو اليوم العرس شبيهههم هذوله
البنات كل وحدة طولها تكول زرافه ومعصعصات بصراحة وبدون لف ودوران وهاي الدوخه يشبهون كاميرون دياز 😒😒 بس بيناتنا الكلام لا تكولون لاحد حلوات كلش😲😲

استقبلناهم وضيفناهم طبعا وصفت شكلهم هسه خلي اوصف الكم شنو اني جنت لابسه واستقبلتهم بي كان دشداشه قماشها كودري سودة عريضه حجاب مو شال وكل شويه اروح اشوف الدجاج بتنور الطين ريحتي عبارة عن دجاجة مشويه هههههه😌

بنين راحت يمهم واني بس سلمت بقيت بالمطبخ اكمل تحضير الغدا واجهز المقبلات واقلي كبة وبورك دخلت وحده من بناتهم ويه بنين ومن دخلت حطت ايدها على خشمها وكالت اوووي هاي شنو ريحة قلي طبعا تكول الكلمة بالفصيح اني اجتني الضحكه بعدين من انتبهت كمية التصنع والمياعه بالموضوع لعبت نفسي ما عاجبها ريحة القلي ام خشم هسه ندزه لحسوني على كولتها يجيبلج كنتاكي من المطعم اللي براس فرعنا هو احنا كاعدين بالمنكطعه وهاي تريد تاكل ستيك 

اجتي بنين عود دا تشرحلي عنهم واول وحدة بدت بيها ام القلي اسمها مرام مواليدها اكبر مني بهواي عجوز مو كلت الكممبينه عجوز بس اصغر من عمو بهواي همين... وحسب كلام بنين كتلت نفسها ورادت تاخذ ابوها وهو ما رايدها لان حسب قوله ما تفيده طبعا السلطان سليمان يريد وحده تشوي بتنور الطين وتخبز يوميه خبز حار ما تفيده ام القلي

ولو هو كلامه كله عكس اشو ما يريد زواج وتزوج ما يريد هاي ومن الصبح لهسه ميت ضحك وياها لا عبالكم اغار ابد ما اغار بس عيب عليهم عاد احترام للكاعدين شويه ينضبون مو كاعد كهكهكه ومهمهمه وياها