امواج القلوب❤

عقاب

حسن:
دخلت للبيت واسمع اصواتهم بالحديقة الجانبيه هي واطفالها يضحكون صدك حياتي ماليها بهاي هوستهم تمشيت اشوفهم لكيتها حاطه جهالها وتمرغ بيهم ويضحكون
صارلها فترة اختلف كل شي بيها تتجاوب وترد وتضحك رجعتلي امل تكون الها رغبة بحياة جديدة بيني وبينها والليلة الفاتت ما صبرت يجي ثاني يوم واجي اتأكد من هالشغلات اللي براسي يا ريت نرتاح ويا ريت تحبني مثل حبي الها
دخلنا للبيت ثوبها مبلل والدنيا بارده خفت عليهم كلهم صعدت تسبحهم واني صعدت غيرت ملابسي على ما يطلعون من الحمام واني اسمع هوستهم كنت كاعد اسمعها وهي بالحمام مره تغني ومره تهوس موج القديمة اللي كلها حيوية بدت ترجع يا ريت وترجع بنفس شقاوتها القديمة
كل شويه وتجي ببالي الصور اللي براسي من وصفت الي جسمها اريد اشوف الواقع اريد المس الاشياء كلها اللي ذكرتها هو بصراحة هي وصفت ببراءة ومو شي مغري بس العتب على مخي هههه يترجم الحرف مئة مره ويترجم الكلمة لالف معنى
طلعت من الحمام ثوبها الاسود معاكس لبياض بشرتها يعني مرات اسأل كل وحدة بالحداد تكون هيج حلوة ما شايف مثلها يلوك عليها اللون
خدودها لافحهن بخار الماي الحار وصايرات بلون الورد الجوري وشفافها لا اوصف ولا اتعب لان صعب افكر بشبيه الهن
حجيت وياها ولاطفتها ردة فعلها كانت حلوة لاهي قبول ولا خجل بين هاي وهاي جازفت وتقربت كل مره تدفعني وتعارض لما نوصل لمرحلة معينه هالمره ردت اختصر الوقت وسبق ردات فعلها وبديت بنونتها اول شي .........

موج:
لما صرت بين ايديه كلت هالمره حرام امنعه لازم اتحمل واوصبر للاخير تفاجأت بي هالمره بدون مقدمات كانت بوساته انطبعت على النونة وبرقبتي بس المشكلة هو اندمج زايد وجهالي يمنا صح منتبهين للتلفزيون وما يباوعون علينا بس ما ردت يشوفون هو دافن راسه برقبتي تكولون دراكولا هههه
-ابو عماد
-اششش
-عفيه خلي انزل جهالي يم الحجية
-لا تنهزمين
-لا والله عفيه استحي
بعدني شويه عنه باوع بوجهي
-تستحين من منو ؟اني؟؟؟
-لا جهالي لا يشوفونا هيج
ابتعد بعيد واني على بالي زعل لان شكله تضايق ردت احجي كال انتظري هنا زاد خوفي من زعله هالمره ما يعديها لو اصير ضي عيونه مو حبيبته

شال جهالي نزلهم وكال راجع الج طبعا اكو فد شغلة بحسن ما اعرفه هو عصبي لو متضايق لو مستعجل ما اعرف احدد مزاجه من تعابير وجهه لان كل حالاته نفس الشي
كعدت عالسرير افرك بايديه والله اليوم الكتلة الزينة اذا مو وياها اغتصاب اضرب بخدي بتوتر
دخل للغرفة وقفل الباب عزه بعينج موج رحتي بداهية ما هي غير لحظات لكيته يدفعني للسرير انام وهو يتقرب بجسمه يبوو يا فشلتي
نثر شعري المبلل وصار يشتم بي مثل مهووس بصراحة لا عبالكم اتفاعلت ولا ذبت ولا كل هالمسائل مستغربه كل شي وهو المسألة كان ماخذها بعجل ما نطاني مجال ولا انتظر مني رد فعل ولا حتى سمح الي افكر دقايق ملابسي صارت بالكاع وملابسه وراهم احاول استر نفسي باي شي يجي بايدي
كانت المره الاولى بالضبط مثل الكوارث الطبيعية ما بيها رومانسية بيها عبث وبعثرة بكل شي حتى مشاعرنا تبعثرت اني اكثر اللي حسيت بي كان خوف وندم ماكو لا رومانسيه ولا اي تفاعل ويه اللي حاول بكل الطرق يسحبني وياه ومو مره ومرتين مرات ومحاولاته كلها فشلت كنت اشبه بجثة
ولما انتهينا اني ابجي وهو عصبي راح للحمام بدون كلام
طبعا ما اوصف الكم شعور الذنب اللي صار عندي تجاه نفسي لان اني دا ادمر حياتي بايديه وتجاه سيف اللي كان بينا وعد محد يلمسني غيره والذنب الاكبر تجاه حسن اللي اني بديت اتقبل فكرة زواجي منه واريده بحياتي رجل وزوج ويمكن لو اتجاوز خبالاتي حبيب .......