ايام كضيتها بموت اسود لا خبر من حسن ولا ادري وين راح ابويه ومحمد يسألون عنه وطش الخبر ووصل للحجية امه وخطيه كضتها ويايه تنعى ونبجي عليه وبيومها يلا كدرت اطلع حزني وابجي عليه امه وبنته كانوا اهل الي ويدافعون عني وما يخلون كلام انعام وغيرها يوصلني بس سمعته كله سمعت كلمة بومه هواي كرطته للرجال هم هواي وجها شر يبو مليت من هالكلمات بس هالمره ما جزعت ضليت اصلي وادعي التجأت لرب العالمين ما اريد شي من الدنيا بس كون هو سالم ويرجعه ما اريد من ربي شي بعد كنت من احط راسي على مخدتي اللي تغىك بدموعي اناجي ربي واكول اله ربي هوايه شفت اذا ما ترحمني هالمره شلون اصبر بعد واطلب الصبر منك لا تفجعني بي هوايه راحوا من يمي احفظه الي
وره اسبوع يلا وصلت الاخبار انه باقين كم واحد من وحدته عايشين ولساهم يقاومون
كلهم يأسوا هالمره اهله واهلي وكل اللي حواليه الا اني ضليت عندي امل حسن ما يخاف وما يهاب شي وما دام اكو عايشين هو وياهم ويرجع الي
عشرة ايام يلا وصلهم الجيش ودخل للمنطقة وطلعهم طبعا الاخبار توصلنا من اقاربه اللي بالجيش بس بكل مره ينطونه امل بس مو للاخير يكولون ما بقوا هوايه منهم واني احترك من اسمعهم ما يموت قابل الموت بس على اللي احبهم يوكعلحد اليوم اللي كالوا دخلولهم وانطونا خبر نروح للمستشفى لهنا واني انتهيت من صدك المستشفى بس الكلمة توكف قلبي وتخليني اجمد ياما اخذ هالمكان مني
ومثل المره السابقة شفت نفسي ويه اهلنا بباب غرفة يكولون زوجج بيها بصراحة بسيف تجرأت وفتت اشوفه بس ويه حسن احس رجليه انشلت كلهم فاتوا واني كعدت بالكاع ما اكدر افوت واشوفه خايفه لا نفس المنظر ينعاد لا بيه حيل بعد ولا صبرنفس الطريق ونفس المكان بس اختلف الشخص رجعوا الي محمد وبنين يكوموني ما اقبل واتوسل بيهم
-محمد فدوة ابوس ايدك شصاير اله كول لا تخلوني اموت مره ثانيه
بنين:كومي موج بابا يريدج يكول وينها
تحجي وهي مبتسمه
لزمت ايدها بخوف
-بنين بداعة جهالج احجي ابوج بي شي
بنين:لج كومي وشوفيه ما بيه شي والله
محمد:كومي موج عيب من الناس تباوع عليج شنو هالكعدة عمي منتظرج كومي اخيتي شبيج مو الف مره كلنا ما بيه كل شيوكفت وركضت اشوفه دخلت من الباب كلهم حواليه اسمع حسه يحجي بهدوء بس صوته تعبان حبيبي سودة عليه التعب بيه ان شاء الله
سوولي مجال افوت وصرت مقابيله والله ما اكدر احجي بس دموعي تجري ما مصدكه ما بي شي ومقهورة لان هو متأذياشر الي اتقرب واني مو بس تقربت ركضت وحضنته واشم بي وابوس مثل واحد كان فاقد ابوه وابنه وعائلته كلهم ولكاهم صدك حسيت هذا اهلي كلهم بوسته من ايديه ووجهه وهو بس يبتسم فشلان كومه اقاربنا واكفين وهو مو من النوع اللي يظهر مشاعر كدام بشر ولا ممكن يسمح ابوسه كدام احد
همس باذني واني حاضنته-لج عيب فضحتينا روحي غاد عيب كافي بالج عود ببيتنا اخذي راحتج مو هنا
ابتسمت وعيوني تدمع بعدت عنه وفشلت من روحي فشلني
أنت تقرأ
امواج القلوب❤
Romanceقصة باللهجة العراقية امرأة تتلاطم امواج حياتها بين يتم وفقد فهل سترسو سفنها لشاطئ ام ستبقى هائمة في بحار الحياة ولا تصل لميناء العاشقين❤❤