امواج القلوب❤

القصة القادمة

هلو متابعيني واحبتي 🤗

هاي اني مره ثانيه اكيد ما اشتاقيتوا الي بعدكم  😜😜 

مو هو اني لزكه واضوجكم يوميه بقصة مو حلوة 😁😁ما اكدر افارقكم😘😘

وهالمره هم رجعت الكم بقصة مو حلوة 😉😉

قصتنا هالمره ابطالها متعددين وتوضح عدة اشكال  للناس وللاطباع وهذا واحد منهم😉

مقطع عن القصة .......

طلعت من الجادر (الخيمة) استلم اتصال مهم وردت اسمع المكالمة بوضوح اكثر بعيد عن الاصوات الكثيرة بالداخل هوايه اجونا ناس يعزون بوفاة والدي اللي يعتبر كبير العائلة وشخص اله مكانه اجتماعية مهمه

رديت عالاتصال وكعدت احجي ويه المتصل واستلم التعازي منه رفعت نظري سيارات من بعيد اعرفهم زين منو الشيخ فاضل وعائلته الكريمة هه هاي سياراتهم وهاي طريقتهم الكبرياء والفخر يجري بدمهم عبالك رب العالمين خلقهم من طين معجون بماي ذهب وباقي البشر معجونين بماي مالح

وصلوا قريب واني مستمر بالاتصال وعيني تراقب سياراتهم نزلوا الشيوخ من السيارة الاولى ونزلن نسوانهم وعوائلهم واولادهم من باقي السيارات واستغربت هي ماكو رجعت عيوني تتفقدهم لمحتها تنزل من سيارة الشيخ وتوكف بينهم ثلاث وهي رابعهم ملابسها وطلتها البهية كافيه تعرف المقابل هالانسانة مو عادية ولا مثل باقي النساء

وكفتها وموقعها بينهم وعدم قبولها بأي شخص لان ما تشوف مثلهم وباقي الناس اقل منهم بس اللي ما تعرفه محد يريد يتزوج مرأة صفاتها بهالرجولة بدون احساس وعواطف ومشاعر اي كل رجل يتمنى وحدة تكون شخصيتها مسيطر عليها يكدر يتعامل وياها هذا الوصف لكل الرجال بس اكو استثناءات لكل قاعدة

النسوان بجهة وهمه بجهة زوجاتهم اللي يمكن يخافن يقتربن الهم وحتى اولادهم يحترموهم ويقدسون منزلتهم وكأن يعبدوهم استغفر الله الا هي ومكانتها بقلب اخوها الشيخ فاضل اعز من بناته ونسوانه يمكن هالتقارب خلق منها صورة طبق الاصل منه بهيئة امرأة
واكفة يم اخوها تهمس باذنه وهو يضحك لكلامها اللي يشوفها يكول تسولف اله شي طريف واكيد اللي كالته ما اله علاقة بالطرافة اشك تعرف تضحك  مثل باقي النساء طولها المقارب لطوله ما يخليه يحتاج يدنك حتى يسمع منها واصلا الوحيدة اللي ينطيها اذنه ويسمع الها هي والوحيدة اللي ياخذ رأيها هي

شوفتهم تشرح النفس من بعيد وهيئتهم وهيبتهم تنطي جمالية لهاي الصورة ويمكن بمكاني احد يفخر اله هيج عمام
بس اللي يقترب ما ينوله غير العذاب رموز للاستبداد والتفرد بالقرار 

كنت اظن لو كبرت تتغير وتنتبه لنفسها وتصرفاتها الرجوليه وتبطل غرورها وكبريائها واحتمال تفكر باللي مضى  بس اللي اشوفه هسه زايدة عدها صفات الطاووس المغرور والثعلب الماكر 

الاغنية توصف بعض من القصة اللي عنوانها  ........... لولا الهوى 💘

 و لولا الهوى ما ذلّ في الأرض عاشـق......... ولـكن عـزيـز الـعاشـقـيـن ذلـيل.

يلا حبايب متابعة للحساب اريد اشوف شكد عندي متابعين 😍😍