امواج القلوب❤

خلاف ثاني🤕

مساء الخير حبايبي

اعتذر للي وعدتها الصبح وطفرت 🤣🤣🤣

فروحه اعذريني لان خليتج بلا ريوك @farah-f

 اليوم عمي وعمتي منورين البيت وما حبيت افاركهم 😍😍

شغلة ثانيه هذا البارت راح يخليكم تحجون على موج يمكن؟؟

 على كيفكم وياها تدري بروحها هي شنو ؟؟؟

ما يحتاج نكول عنها غبية😁😁

........

موج :
بقيت واكفة بمكاني والملحق هوه وكل اللي بيه تكوم عالارض دخل حسن وجهه مفزوع وركض الي
-ها موجه هاي شنو شوكعه هذا خو ما بيج شي عيني
-ما بيه شي لا اجيت دا افتحه وكع
اندار للباب شاف الجامه ماكو
-هاي شوكت انكسرت
-سديت الباب على كيف اشو هاي وكعت ما مثبتيها زين محتاجه معجون اكثر يمكن
انداريت اخذت المكناسة وكعدت الم بالشغلات اللي صارت طحين
دخلت الحجية وجفلت من منظر المطبخ بس بيها شي حلو ما تحجي بس تكول طار الشر وتكسر وفدوة للعيال
فاتوا الباقين مرام وامها واختها وكعدوا يا وحرامات وهاي ليش وامهم تكول غير تنتبهين لو واكع عليج الهي يوكع على راسج انت وبناتج 

اباوع مرام وكفت قريب لحسن وتسولف وياه وتضحك اني بعفوية رحت سويت نفسي دا اريد شي من الكاونتر اللي بينهم ما دفعتها ولا ابد بس فتت من يمها اشو هاي طارت غاد باوعت لحسن خازرني ما اهتميت رفعتله كتفي يعني شلي دخل 

وكملت شغلي وهمه عود يساعدوني تالي كلت الهم يلا اني اكمل والتفتت لحسن طردته من المطبخ بادب يروح يم الزلم بحجة تعبان ومو زين عليه يضل واكف بس اللي صار طلعوا كلهم هو ضل مكابلني ويباوع ما يحجي اني انظف واتجاهله

-موج هاي شبيج
-ما بيه سلامتك
-لا بس المطبخ انهجم ويه وصول بيت عمي وانت تكولين ما بيج موج ما اله داعي هالحركات
-شنو قصدك
-قصدي واضح
-قصدك اغار مو اي سويها حلوة براسي وماكو مثلها واني ما اتباوع الي ولا شايفني عاد لو بيها لحمه مرام ام العضام جنها زرافة 

طبعا ما اعجب صرت اني مو حلوة هسه واكسر بيتك شكو مكعدني طردني على ابويه خليه يحطني ببيته
ما اعجبك ما اعرف البس مثلها بنطرونها عبالك جافتها جلب بيت ام ستار مسرد ولابسته ومكيفه تبوس بالاوادم لا حيا ولا مستحى طبعا ما اعجبك بعد شلون اعجبك لو امها اللي بكد جدتي ولابستلها تنورة قصيرة لون عكروكي جنها تنور ستيل هذوله يعجبوك انت ونازلات بوس بيك وانت مكيف ولا تعترض بس من موج تبوسك يصير عيب وما يصير والناس تباوع تريدني اصير عميه وهمه نازلين بيك بوس 

اشتغل بحرقة واحجي وهو ساكت رفعت راسي اشوفه ليش ساكت لكيته حاط ايده جوه خده وصافن
-ها كملتي خبال تره تعبت
-اي اني اتعبك حقك عوفني شكو تسمعلي خليني بقهري
-وشنو قاهرج اريد افتهم
-انت تقهرني
-اني
-اي انت
-زين انت ابقي مقهورة واني رايح لخطارنا الكاعدين ينتظرون ام البيت تكمل خبالات وتستقبلهم وها شوفي اذا اني قاهرج ضلي بقهرج لان ما يهمني